1 CORINTIOS 1:14 - Chatino Tataltepec

¹⁴ Ni tsaca ma̱ ná ntyucuatya na' ji'i̱ ma̱. Tso'o jua'a̱ nti' na' cuentya ji'i̱ ycui' Ndyosi cha' si'i na' laca̱ nu ngua'ni ji'i̱, masi ntsu'u tucua tya'a ti ngu' nu cua ntyucuatya na' ji'i̱, yu Crispo lo'o yu Gayo.

1 CORINTIOS 1:14 ပူးပေါင်းရင်းမြစ်များ

LOS HECHOS 10:48

Li' nchcui' ngu' bi' lo'o ñati̱ tya'a Cornelio bi': ―Tso'o la si tyucuatya ya ji'i̱ ma̱ juani, cha' ca cuayá' ti' ngu' quichi̱ re cha' ñati̱ ji'i̱ Jesucristo laca ma̱. Lo'o li' xa' nchcui' nu ngu' ca tyi lo'o Pedro cha' tyanu yu la xi lo'o ngu' bi'.

LOS HECHOS 18:8

Lo'o jua'a̱ yu Crispo ngusñi cha' ji'i̱ ycui' nu Xu'na na. Crispo laca sca nu cusu' nu laca loo ne' laa ji'i̱ ngu' judío. Jlya ti' nu Crispo bi' ji'i̱ ycui' nu Xu'na na, lo'o jua'a̱ jlya ti' lcaa ngu' nu ndi'i̱ slo. Quiña'a̱ tya'a ngu' Corinto ngusñi ngu' cha' ji'i̱ Jesús, bi' cha' ntyucuatya ngu' bi' li'.

ROMANOS 16:23

Lo'o yu Gayo nda yu cha' lo'o na' cha' chcuicha' na' ji'i̱ ma̱; la cui' to' tyi yu nda yu su tyi'i̱ na', jua'a̱ nda yu toni'i̱ ji'i̱ yu su tyu'u ti'i̱ ña'a̱ taju ñati̱ nu ntsu'u cha' ji'i̱ lo'o Cristo re. Cuati lo'o Erasto nu laca loo ji'i̱ cñi quichi̱ re, nti' yu chcuicha' yu ji'i̱ ma̱; la cui' ti cha' nti' Cuarto, yu tya'a na.

1 CORINTIOS 1:15

Ná ca ñacui̱ ngu' cha' cua ntyucuatya ma̱ cuentya jna' lacua.

1 CORINTIOS 1:4

Lcaa tsa̱ nda na' xlya'be ji'i̱ ycui' Ndyosi xqui'ya cu'ma̱, cha' cua nda Ni cha' tso'o lo'o ma̱ xqui'ya Jesucristo.

1 CORINTIOS 14:18

Tso'o tsa nti' na' ña'a̱a̱ ji'i̱ ycui' Ndyosi cha' nchca 'na nchcui' na' cha'cña ji'i̱ xa' la ñati̱; nchca la jna', xti la cha' nchca ji'i̱ cu'ma̱, nti' na'.

2 CORINTIOS 2:14

Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na.

EFESIOS 5:20

Lo'o jua'a̱ cua ña'a̱ ca hora tso'o tya ma̱ xlya'be ji'i̱ ycui' Ndyosi Sti na chacuayá' ji'i̱ Jesucristo nu Xu'na na; tya ma̱ xlya'be ji'i̱ Ni cuentya ji'i̱ lcaa cha' nu ndyaca ji'i̱ ma̱, masi tso'o cha' bi', masi ná tso'o cha' bi'.

COLOSENSES 3:15

Ti̱ ti tyi'i̱ tyiquee ma̱ lacua, xqui'ya cha' ycui' Ndyosi laca loo ji'i̱ ma̱; cua ngusubi Ni ji'i̱ ma̱, jua'a̱ ji'i̱ xa' la tya'a ñati̱ ma̱, cha' caca ma̱ sca ti taju ñati̱ cuentya ji'i̱ ycui' Ni. Tso'o si lcaa hora tya ma̱ xlya'be ji'i̱ ycui' Ni xqui'ya lcaa lo cha'.

COLOSENSES 3:17

Lcaa ña'a̱ cña nu nti' ma̱ cha' cua'ni ma̱, lcaa ña'a̱ cha' nu nti' ma̱ chcui' ma̱ lo'o ñati̱, chacuayá' ji'i̱ Jesús nu Xu'na na cua'ni ma̱ ji'i̱ lacua. Lo'o jua'a̱ la cui' hora bi' tya ma̱ xlya'be ji'i̱ ycui' Ndyosi Sti na xqui'ya Jesús.

1 TESALONICENSES 5:18

Lo'o jua'a̱ tya ma̱ xlya'be ji'i̱ ycui' Ndyosi cuentya ji'i̱ cua ña'a̱ ca cha' nu ndyaca ji'i̱ ma̱. Nti' Ni cha' cua'ni ma̱ jua'a̱ si chañi cha' ngusñi ma̱ cha' ji'i̱ Jesucristo.

1 TIMOTEO 1:12

Ndya tsa na' xlya'be ji'i̱ Jesucristo nu Xu'na na cha' ngua'ni Ni cha' caca cua'ni na' cña ji'i̱ Ni; ndya na' xlya'be ji'i̱ Ni cha' ngusubi Ni jna' cha' cua'ni na' cña ji'i̱ Ni, cha' jlo ti' Ni cha' ndaquiya' na' ji'i̱ Ni.

FILEMÓN 1:4

Ndya na' xlya'be ji'i̱ ycui' Ndyosi cuentya jinu'u̱, Filemón, lcaa quiya' lo'o nchcui' na' lo'o ycui' Ndyosi.