1 CORINTIOS 1:10 - Chatino Tataltepec

¹⁰ Cu'ma̱ tya'a ngusñi na cha' ji'i̱ Cristo, chcui' na' lo'o cu'ma̱ juani chacuayá' ji'i̱ ycui' Jesucristo nu Xu'na na, cha' caca stu'ba cha' ji'i̱ lcaa cu'ma̱ lo'o tya'a ma̱, cha' ná chcui' ma̱ tucua lo cha'. Tso'o ti tyi'i̱ ma̱ lo'o tya'a ma̱, sca ti cha' culacua ti' ma̱, sca ti cha' tyu'u tyiquee ma̱.

1 CORINTIOS 1:10 ပူးပေါင်းရင်းမြစ်များ

SAN MATEO 9:16

’Chaca cha' chcui' na' lo'o ma̱: ni sca ngu' ná cua'ni cho'o ngu' late' cusu̱ ji'i̱ ngu' lo'o sa yu'be late' cucui, cha' lo'o cua ndyaati̱ late' bi', tyatsii' late' cucui bi'; tyati̱' jlyacua̱ su ngalya late' bi' li'.

SAN MARCOS 2:21

’Chaca cha' ni, sca ngu' nu nchca ji'i̱ jyacua̱ late', nu lo'o cua'ni cho'o ste' cusu̱, ná talya sa yu'be late' cucui lo sca late' cusu̱, cha' tyatsii' late' cucui; hora ti tyati̱' jyacua̱ su ngalya bi' li'.

SAN MARCOS 3:24

Tyee cha' ji'i̱ sca quichi̱ jua'a̱ ti si xcui' na xu̱u̱ tya'a sca latya ngu' tisiya lo'o chaca latya ngu' tisiya.

SAN JUAN 10:19

Tya chaca quiya' ná stu'ba cha' ji'i̱ ngu' judío lo'o tya'a ngu' cha' nchcui' Jesús jua'a̱.

SAN JUAN 17:23

Nu lo'o stu'ba ti ntsu'u tyiquee na' lo'o ngu' bi', lo'o jua'a̱ stu'ba ntsu'u tyiquee nu'u̱ lo'o na' ―nacui̱―, li' chañi cha' caca stu'ba cresiya ji'i̱ ngu' lo'o tya'a ngu'. Lo'o li' caca cuayá' ti' xa' ñati̱ chalyuu cha' cua nda nu'u̱ 'na lijya̱a̱ lo yuu, cha' ñi'ya̱ lo'o tyaca'a na' jinu'u̱, jua'a̱ cua'ni tyaca'a nu'u̱ ji'i̱ ngu' nu ngusñi cha' 'na.

SAN JUAN 7:43

Ná ngua stu'ba cha' ji'i̱ ngu' lo'o tya'a ngu' cha' ji'i̱ Jesús.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.

LOS HECHOS 4:32

Se'i̱ ti ndi'i̱ lcaa ngu' nu ngusñi cha' ji'i̱ Jesucristo, stu'ba tsa ndu'ni lcaa ngu' bi' lo'o tya'a ngu', sca ti cha' ntsu'u tyiquee lcaa ngu'. Nda ngu' lcaa na nu ntsu'u ji'i̱ ngu' cha' xtyucua ji'i̱ lcaa ngu' lo'o tya'a ngu'.

ROMANOS 1:13

Cu'ma̱ tya'a ngusñi na cha' ji'i̱ Jesús, nti' na' cha' caca cuayá' ti' ma̱ ñi'ya̱ nu ntsu'u tyiquee na' ña'a̱ na' ji'i̱ cu'ma̱. Tyu̱u̱ quiya' ngua ti' na' ca̱a̱ na' ca su ndi'i̱ ma̱, pana hasta juani bilya caja ñi'ya̱ caca nu ca̱a̱ na'. Ñi'ya̱ nu ngua'ni na' ca xa' loyuu chalyuu, jua'a̱ cua nti' na' cha' caca su ndi'i̱ cu'ma̱; nti' na' cha' taquiya' xa' la ñati̱ cha' ji'i̱ Jesús, lo'o jua'a̱ nti' na' cha' tya culu'u la na' cha' bi' ji'i̱ ma̱.

ROMANOS 12:1

Cu'ma̱ ngu' tya'a ntsu'u cha' ji'na lo'o Cristo, xqui'ya cha' lye tsa ndu'ni tya'na ti' Ni ji'na, bi' cha' nchcui' na' lo'o ma̱ juani. Ta ma̱ tyucui ña'a̱ ma̱ ji'i̱ ycui' Ndyosi, cha' cua'ni ma̱ cua ña'a̱ ca cña nu nti' Ni cha' cua'ni ma̱ nde chalyuu; ta ma̱ tyucui ña'a̱ ma̱ ji'i̱ Ni cha' xcui' na tyi'i̱ ma̱ chalyuu cuentya ji'i̱ ycui' Ni, cha' laca ma̱ ñi'ya̱ nti' sca msta̱ lu'ú ti. La cui' jua'a̱ nti' ycui' Ndyosi, cha' laca ma̱ ñati̱ ji'i̱ Ni. Na cua laca ntsu'u cha' cua'ni ma̱ jua'a̱.

ROMANOS 12:16

Sca ti cha' chcui' ma̱ lo'o lcaa ngu' tya'a ntsu'u cha' ji'i̱ ma̱ lo'o Jesucristo; ná cua'ni tyucuaa ti' ma̱ lo'o ngu' ti'i tya'a ma̱, tso'o ti chcui' ma̱ lo'o ngu' bi'. Stu'ba ti tya'a̱ ma̱ lo'o ngu' bi', ná culacua ti' ma̱ cha' nchca la ji'i̱ ycui' ca ma̱.

ROMANOS 15:30

Cu'ma̱ tya'a ngusñi na cha' ji'i̱ ycui' Ndyosi, tyu'u cha' clyu ti' ji'i̱ ma̱ lo'o na' xqui'ya Jesucristo nu Xu'na na, cha' jua'a̱ ntsu'u tsa tyiquee ma̱ ña'a̱ ma̱ ji'i̱ tya'a ñati̱ ma̱, xqui'ya cña nu ndyu'ni Xtyi'i ycui' Ni ne' cresiya ji'i̱ ma̱. Cua'ni ma̱ cha' caca stu'ba tyiquee ma̱ lo'o na', cha' lu'ba tsa chcui' ma̱ lo'o ycui' Ndyosi cuentya jna'.

ROMANOS 16:17

Cu'ma̱ tya'a ntsu'u cha' ji'na lo'o Cristo, lye chcui' na' lo'o ma̱ juani, cha' tii ti ti' tyi'i̱ ma̱ xi, cha' ná tyu'u tucua ñati̱ nu ta cha' cusu̱u̱ ji'i̱ ma̱ lo'o tya'a ma̱, cha' ná tacu̱' loo ngu' bi' cha' liñi ji'i̱ Cristo nu cua ndyuna ma̱. Ná xñi ma̱ cha' ji'i̱ ngu' bi',

1 CORINTIOS 1:11

Tsubi' ti ngujui cha' jna', nu lo'o nacui̱ ngu' tya'a Cloé 'na cha' ntsu'u tsa cha' cusu̱u̱ ji'i̱ ma̱ lo'o tya'a ma̱, cha' ná stu'ba cha' ji'i̱ ma̱ lo'o tya'a ma̱;

1 CORINTIOS 11:18

Nacui̱ ngu' cha' ná tso'o ndu'ni ma̱ su ndyu'u ti'i̱ ma̱ cha' cacu ma̱ si̱i̱ bi'. Xi xa' ca ña'a̱ ndu'ni sa scaa ma̱, nacui̱ ngu'. Cua jlo ti' na' cha' la cui' jua'a̱ ndyaca lo'o cu'ma̱ si nti'.

1 CORINTIOS 12:25

Pana stu'ba ti ndu'ni lcaa tyijya̱ laja cuaña' na cña, stu'ba ti cha' ji'i̱ sca tyijya̱ na su ngalya lo'o xi xa' la tyijya̱ na.

1 CORINTIOS 3:3

cha' ña'a̱ ti tya ndiya la ti' ma̱ ña'a̱ cha' cuxi nu ndyu'ni ñati̱ chalyuu. Nu lo'o liye' ti' ma̱ ji'i̱ tya'a ñati̱ ma̱, nu lo'o lye nxu̱u̱ tya'a ma̱, tyaca̱' tyijyu' cha' ndiya la ti' ma̱ cha' cuxi nu ntsu'u nde chalyuu. Tya ndu'ni ma̱ ñi'ya̱ nu ndu'ni ñati̱ cuxi.

1 CORINTIOS 4:16

Bi' cha' juani nchcui' tsa na' lo'o ma̱ cha' cua'ni ma̱ ñi'ya̱ nu cua na'a̱ ma̱ cha' ndu'ni na'.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

2 CORINTIOS 13:9

Si tso'o tsa ndyanu tachaa cha' ji'i̱ ycui' Ndyosi ne' cresiya ji'i̱ ma̱, tso'o tsa nti' ya li', masi xti ti cha' nchca ji'i̱ ycui' ya; bi' cha' ndijña ya cha' ji'i̱ ycui' Ndyosi cuentya ji'i̱ cu'ma̱ lacua, cha' jua'a̱ caca tyucui la ti' tyiquee ma̱ ña'a̱ ma̱ ji'i̱ ycui' Ndyosi.

2 CORINTIOS 5:20

bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

GÁLATAS 4:12

Cu'ma̱ tya'a ntsu'u cha' ji'na lo'o Jesucristo, tya'na chcui' na' lo'o ma̱ juani, cha' cua nti' na' cha' caca ma̱ ñi'ya̱ nu laca na' tsiya' ti. Nga'aa nchca tatsaa ngu' 'na juani lo'o cha' cusu' bi', masi ngu' judío laca na'; stu'ba ti laca na' lo'o cu'ma̱ juani, cha' cua ngulaá na' ji'i̱ nu cha' cusu' nu ndatsaa tsa 'na. Tya lo'o ñaa na' ca slo ma̱ tya clyo, ná sca cha' cuxi ngua'ni ma̱ lo'o na'.

FILIPENSES 1:27

Bi' cha' juani, cui'ya ma̱ cuentya ñi'ya̱ nga'a̱ cha' cua'ni ma̱ chalyuu cuentya ji'i̱ cha' ji'i̱ Cristo nu cua ngusñi ma̱. Si jua'a̱ ndu'ni ma̱, li' ná ndu'ni cha' masi ca̱a̱ na' ca quichi̱ tyi ma̱, masi ná caca ca̱a̱ na'. Ná tyiquee' caja cha' 'na cha' sca ti cha' ntsu'u tyiquee ma̱ lo'o tya'a ma̱, cha' ndalo tsa tyiquee ma̱ ji'i̱ tya'a cusu̱u̱ ma̱ ca bi'; ná tyiquee' stu'ba ti culacua ti' ma̱ lo'o tya'a ma̱ laja lo'o tyiquee' tsa nchcui' ma̱ lo'o ngu' cha' xñi ngu' cha' tso'o bi' ji'i̱ Cristo.

FILIPENSES 3:16

Tso'o lacua, tya cua'ni la na la cui' tya'a cha', ñi'ya̱ nu ngua cuayá' tso'o ti' na tya clyo.

1 TESALONICENSES 5:13

Tso'o ti cua'ni ma̱ lo'o ngu' bi' lacua, cha' tso'o tsa cña ndyu'ni ngu' bi' cuentya ji'i̱ ycui' Ndyosi; tso'o ti tyu'u tyiquee ma̱ ña'a̱ ma̱ ji'i̱ ngu' bi'. La cui' jua'a̱ tso'o ti tyu'u tyiquee ma̱ ña'a̱ ma̱ ji'i̱ lcaa tya'a ma̱, cha' nga'aa tyu'u cha' cusu̱u̱ ji'i̱ ma̱ lo'o tya'a ma̱ li'.

2 TESALONICENSES 2:1

Cu'ma̱ tya'a ngusñi na cha' ji'i̱ Jesús, jlo ti' na cha' tya ca̱a̱ Jesucristo nu Xu'na na chaca quiya', cha' tsalo'o Ni ji'na cha' tyacua tya'a na lo'o Ni ca bi'; bi' cha' liñi nchcui' ya lo'o ma̱ juani,

1 TIMOTEO 5:21

Nclyo na' cña bi' jinu'u̱, Timoteo, cha' cua'ni nu'u̱ lcaa cña nu nguscua na' lo quityi re; lo'o jua'a̱ jlo ti' ycui' Ndyosi cha' nu nguscua na' re, jlo ti' Jesucristo, jlo ti' xca̱ nu ngusubi ycui' Ndyosi ji'i̱. Nu lo'o ntsu'u cha' cua'ni cuayá' nu'u̱ ji'i̱ sca ngu' tya'a ma̱ ni, jatya nu'u̱ xi cha' ca cuayá' tso'o ti' nu'u̱ lcaa lo cha' ji'i̱ ngu' bi', cha' sca ti cuayá' liñi tyu'u cha' ji'i̱ ngu' bi', masi tya'a tso'o nu'u̱, masi chaca tya'a ngu'.

2 TIMOTEO 4:1

Culo na' cña jinu'u̱ chacuayá' ji'i̱ ycui' Ndyosi, jua'a̱ chacuayá' ji'i̱ Jesucristo nu cua'ni cuayá' ji'i̱ lcaa ñati̱ lu'ú lo'o ji'i̱ lcaa ñati̱ nu cua ngujuii. Ca̱a̱ Jesucristo chaca quiya' cha' caca Ni loo ji'i̱ lcaa ñati̱.

1 PEDRO 2:11

Cu'ma̱ ngu' tya'a tso'o na, cua nscua cha' tyi'i̱ na ca slo ycui' Ni tyempo ca nde loo la, bi' cha' nga'a̱ cha' tyi'i̱ na chalyuu juani ñi'ya̱ si laca na ngu' tyijyu' nu ná ntsu'u tyi ngu'. Lye tsa chcui' na' lo'o ma̱ juani cha' nga'aa cua'ni ma̱ cua ña'a̱ ca cha' cuxi nu ndijña tyiquee ma̱ cha' cua'ni ma̱; nga'aa taquiya' ma̱ ji'i̱ cha' cuxi bi', cha' jua'a̱ nga'aa caca ji'i̱ nu cha' cuxi bi' cua'ni ñu'u̱ ji'i̱ ma̱.

1 PEDRO 5:10

Pana xti ti tsa̱ tyacua cha' ti'í ji'i̱ ma̱. Lo'o tye tsa̱ nu nchcube' ma̱, li' cua'ni ycui' Ndyosi cha' caca tso'o ma̱, cua'ni Ni cha' caca nguula ti' tyiquee ma̱ chaca quiya'; ta Ni juersa ji'i̱ ma̱, cha' xcui' tso'o tsa ndu'ni ycui' Ni lo'o na. Xqui'ya Cristo cua ngusubi Ni ji'na cha' taca tyi'i̱ na ca su tlyu su ntucua ycui' Ni.