Zacarías 9:6 - Chuj San Sebastian Bible

⁶ A chon̈b' Asdod, caln 'oj 'aj eb' 'anma yaj cajn 'a 'a. Yuj cha, tzyaln Jehová 'ixtic: 'Ixtnta 'oj wutc wi'n 'ejm sb'an̈quinal eb' filisteo.

Chuj San Mateo Bible

⁶ A d'a Asdod, ch'occh'oc macan̈il eb' anima ol cajnaj d'ay. Yuj chi' syal Jehová icha tic: Icha val chi' ol aj in satanel yic'ojchan̈b'ail eb' filisteo.

Zacarías 9:6 ပူးပေါင်းရင်းမြစ်များ

Ec 6:2

Toq'ue tzyac' Dios sricoal junc 'anma' yic tzq'ue'ch yet' smasnil tas 'ay 'a 'a, palta ax tz'aji, matz 'ajx yac' sgana yet' jun tzo'n̈ cha, chucx junc 'anma tzyac' tzaljoc sc'ojl yet'oc. A jun tic, caw wal nab'an̈ej, cusc'ojlal yic tzqui nan coti.

Is 23:9

A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Is 28:1

'Oltac wal Samaria, niwquil chon̈b' yaj 'a sat eb' 'u'm 'an̈ 'a yol yic Efraín, yelwnub'l jun niwn 'a'lic caw wach' yilx 'a Samaria cha. Ax ticnec, lajn xoj 'icha junc corona cob' nichtetac yilxi, palta tacn̈ xo, yujto a jun chon̈b'al eb' 'anma tic to cojn 'u'l 'an̈ tzc'an eb' yila'.

Jeremías 47:1

Atn wal jun tzo'n̈ paxti tic 'ix yal Jehová 'ayn an Jeremías in tic yuj eb' filisteo yic mantzac c'och win sreyl Egipto yac' owl 'a chon̈b' Gaza:

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Am 1:8

'Oj in satl eb' cajn 'a chon̈b' Asdod, yet' eb' yajl yaj 'a chon̈b' Ascalón. Yet' wal smasnil in poder 'oj in c'och tza'njoc 'a chon̈b' Ecrón, man̈x 'a junc eb' filisteo chi 'oj canoc, xchi Jehová.

Sofonías 2:10

Atn tic 'oj 'ajxoc spacc 'a eb' 'aj Moab yet' 'a eb' 'aj Amón yuj sb'an̈jb'ail, yuj pax sb'uchwjuml eb' 'a eb' schon̈b' Jehová tztac' yuj smasnil.

Sofonías 2:4

A chon̈b' Gaza 'oj can 'a sictaquil, ax chon̈b' Ascalón, cusltac 'oj 'ajcni. C'ul wali, ax spechx 'el eb' cajn 'a Asdod, a pax eb' 'aj Ecrón, 'icha sto'x q'uet sch'an̈lyib' junc te', 'ixta 'oj 'aj eb'.

Zacarías 9:5

A yic 'oj yilnc chon̈b' Ascalón jun cha, caw 'oj xiwoc. 'Ixta pax chon̈b' Gaza, caw niwn 'oj 'aj yab'n syail. An̈jtona pax Ecrón, caw 'oj yab' syal si'mb'il, yujto 'oj sat 'ejm jun chon̈b' 'aych yipc sc'ojol. A chon̈b' Gaza cha, 'oj cancn 'a man̈x 'a sreyal, ax chon̈b' Ascalón, man̈x 'a junc 'anma 'oj can 'a 'a.

Zacarías 9:7

Man̈x 'oj wac' schi eb' no chib'j 'ayt 'och schiq'uil, man̈x 'oj sc'ux eb' jun tzo'n̈ tas to 'ay yowlal sc'uxxi, 'icha yaln sleyal. Palta a 'a scal jun tzo'n̈ 'anma cha, 'ayt eb' 'oj canoc, 'oj 'ochcn eb' wico'oc. Lajn 'oj 'ajcn eb' 'icha eb' 'aj Judá. Ax eb' 'aj Ecrón, lajn 'oj 'ajcn eb' 'icha eb' jebuseo.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.