Zacarías 9:4 - Chuj San Sebastian Bible

⁴ Palta ax Jehová 'oj 'i'n 'ec' smasnil 'a eb', 'oj julxoc can 'at sricoal eb' chi 'a yojl a mar. 'Oj n̈usxoc can tz'a jun schon̈b' eb' chi smasnil.

Chuj San Mateo Bible

⁴ A Dios Yajal ol ic'anec' masanil sb'eyumal chi', ol syumancanb'at d'a yol a' mar. Ol tz'acanb'at jun chon̈ab' chi' smasanil.

Zacarías 9:4 ပူးပေါင်းရင်းမြစ်များ

Pr 10:2

A mach tz'och ricoal yuj maysch'olnil, matz 'och jun tzo'n̈ chi swach'loc, ax eb' wach' sb'eyb'al, tzcolx 'el eb' 'a yol sc'ab' chaml yu'uj.

Pr 11:4

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Is 23:11

'Ix ya't Jehová sc'ab' 'a yib'n̈ a mar, 'ix ya'n 'ib'xoc smasnil nacion̈, xyaln paxi to tzma'x 'ejm lan̈chjoc smasnil smuroal eb' chon̈b' 'ay 'a yol yic Canaán.

Ez 26:17

'Oj sb'o eb' jun sb'it yic chamel, ax yaln eb' 'ixtic: Ach Tiro tas ach 'aj a lajw 'ejmi, ach sat 'ejm 'a et'l 'a sti a mar, caw wal b'inab'il ach, caw jeln eb' 'anma chi smasnil, caw tzxiw jun tzo'n̈ xo eb' chon̈b' cajn 'a sti a mar cha.

Ez 28:16

Yujto caw xniwtj a chon̈, yuj cha, 'ix niwtj 'och pax maysch'olnil 'ayach, 'ix a'n 'och a mul. Atn yuj cha, ach wi'n 'el 'a wojltac, xwi'n 'ec' opiso yic tan̈wjumal cha. Ach wa'n pechxoc 'el 'a lum tzaln yic 'emmquilal, yet' 'a scal eb' q'uen q'uen tzictzni yilx cha.

Ez 28:18

Til wal 'anma xextj yet' tas xlaj a mana, yet' pax tas xlaj a chon̈o, xextn 'el pax jun tzo'n̈ yet'l a diosal. Yuj cha, 'ix wa'n 'elt jun c'ac' tzach 'a'n tz'a'oc, cojxn a tan̈il tzyil eb' 'anma 'a sat lu'um.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ez 28:8

'Oj ach smil eb' may sniwnc'ojlal cha, ax ach sjuln can 'at eb' 'a xab'l yich a mar.

Jl 3:8

An Jehová in, an tzwala, to 'oj wa'ch eb' eyunnal yet' eb' eyisl 'a yol sc'ab' eb' 'aj Judá. Ax eb' 'oj chon̈nc can 'at eb' 'a eb' sabeo cajn 'a caw najat.

Am 1:10

Yuj cha, 'oj wac' n̈usxoc tz'a chon̈b' Tiro cha, ax jun c'ac' chi 'oj satnc 'el jun tzo'n̈ scuartel eb', xchi.

Zacarías 9:5

A yic 'oj yilnc chon̈b' Ascalón jun cha, caw 'oj xiwoc. 'Ixta pax chon̈b' Gaza, caw niwn 'oj 'aj yab'n syail. An̈jtona pax Ecrón, caw 'oj yab' syal si'mb'il, yujto 'oj sat 'ejm jun chon̈b' 'aych yipc sc'ojol. A chon̈b' Gaza cha, 'oj cancn 'a man̈x 'a sreyal, ax chon̈b' Ascalón, man̈x 'a junc 'anma 'oj can 'a 'a.