Zacarías 9:17 - Chuj San Sebastian Bible

¹⁷ Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Chuj San Mateo Bible

¹⁷ Man̈ jantacoc svach'il ol aj masanil tas d'a schon̈ab' chi', yujto te vach' ol aj ixim trigo yed' vino. Vach'n̈ej ol aj sq'uib' eb' quelemtac yed' eb' ix cob'estac d'ay.

Zacarías 9:17 ပူးပေါင်းရင်းမြစ်များ

Salmos 144:12

A eb' cunnal on̈, q'uib' cab' eb' 'icha junc te 'awb'ente'. Ax eb' 'ix quisl on̈, lajn cab' eb' 'ix 'icha spiralil atut, atn jun tzo'n̈ wach' yilxi.

Salmos 145:7

'Oj alxoc 'el yab'xil a wach'c'ojlal to caw niwan, caw 'ip 'oj alxoc 'eli to caw tojl a nab'en.

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Salmos 31:19

Caw niwn a wach'c'ojlal tzac' 'a eb' 'ay el'ch 'a 'a. Sat wal eb' 'anma', tza pojn 'ec' a wach'c'ojlal chi 'a scal eb' tzach 'a'n 'och yipc sc'ojol.

Salmos 36:7

Ach in Diosal, man̈x jantcoc satjub'tacl yilx a chamc'ojlal, yuj cha, a 'aych tzqui col qui b'a on̈, 'icha no cotc caxtiln̈ tzcol sb'a 'a yaln̈ sc'axl snun.

Salmos 45:2

Ach rey, cojn ach yel xo wach' 'elx 'a yib'n̈ smasnil eb' winac. Man̈x jantcoc wach' paxti tzala, yujto 'ix yac' Dios syaxilal 'a eb'n̈ 'a jun 'ejmn̈ej.

Salmos 50:2

A Dios tzch'ox stzictznil 'a tzaln Sión, jun chon̈b' caw wal wach' yilxi.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Salmos 90:17

Mamin Jehová, qui Diosal ach on̈, a cab' a wach'c'ojlal a chi 'ayc' 'a quib'n̈ on̈. 'Ac' yic' yip qui munljel on̈ Mamin, najtl cab' tzyac' qui munljel tic on̈.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Cantares 5:10

A ni quelm chamc'ojlb'il wuj cha, sac yilx na, chac b'och'nac pax janc yilx na, cojn ni 'ixta yilx 'a scal lajn̈e'oc mil eb' winac.

Cantares 7:9

A wal yol a ti', lajn wal schil 'icha yal uva man̈x jantcoc schil tzwab'i, xchi winac. Yuc' cab' ni quelm chi te yal uva, tz'och 'a sti' masnto tzc'och 'a yip ye.

Is 33:17

Ex 'aj Sión, 'oj eyil jun qui reylec yet' stzictznial, 'oj c'och smacb'en jun nacion̈ tic 'a caw najat.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Is 63:7

An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Jeremías 31:14

A eb' ya'mal 'och sti eb' 'anma 'ayin, a wal tas caw wach', a chi 'oj wac' sc'ux eb', ax eb' in chon̈ab', 'oj yac' eb' tzaljoc sc'ojl yet' smasnil tas 'oj wac' 'a 'a, xchi Dios.

Jl 2:26

Ax ticnec, 'oj e wa'i masnto 'oj e b'ut'ji, ax eyaln e wach' paxti 'a 'ayn an Jehová e Diosal in, yujto til wal tas satjub'tac xin b'o yuj e wach'loc. Man̈x 'a b'a'n̈ 'oj e can 'a q'uixwc'ojlal.

Jl 3:18

A 'a yic jun tiempoal cha, caw 'oj b'ut'joc 'el eb' lum jolmctac witz yuj te uva, ax eb' lum tzalctac, 'oj b'ut'joc 'el eb' lum yuj e no wacax. A wal eb' a spac'b'a 'ay 'a Judá, caw 'oj b'ey yoctc eb' a'. Ax 'a yol watut, ata 'oj pac' q'uet jun a a 'oj pucb't 'a span̈nil lum Sitim.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.