Zacarías 9:16 - Chuj San Sebastian Bible

¹⁶ A wal 'a yic jun c'ul cha, a Jehová Dios, a 'oj colnc 'el schon̈ab', 'icha tzyutj junc 'ilm calnelu scoln 'el scalnelu. Caw wal tzictzni 'oj 'aj yilx eb' yic Dios 'a yol schon̈ab', 'icha wal q'uen q'uen man̈x jantcoc swach'l yilx 'aych 'a junc corona.

Chuj San Mateo Bible

¹⁶ A d'a jun c'ual chi', a Jehová ol colanel schon̈ab' icha tz'aj scolan noc' calnel junoc yilumal. Tziquiqui ol aj yilji eb' d'a yol schon̈ab', icha yilji q'uen q'ueen te vach' yilji d'a junoc corona.

Zacarías 9:16 ပူးပေါင်းရင်းမြစ်များ

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Ex 28:21

Lajchwe sb'isl eb' q'uen q'uen cha, yujto lajchwan̈ sb'isl eb' yunnal Israel, 'icha stz'ib'l junc seyo, 'ixta wal tz'ajcn 'och sb'i junjn 'in̈tal eb' 'a q'ue'en.

Ex 28:9

Tzlajw cha, tze'n cot chab'oc q'uen cotc pachmb'a cornalina, ax 'a eb' q'ue'en, ata tzac' 'och sb'i smasnil eb' yunnal Israel.

Is 40:10

A Jehová Dios caw wan sjaw yet' spoder, yuj ton wal spoder cha, tzyi'n 'ejm sb'a smasnil 'anma 'a 'a. 'Ay jun tas yet'i, atn tas xyij 'a smunljel.

Is 54:12

'Oj in b'o jun tzo'n̈ a torreal yet' q'uen rubí, 'oj in b'o jun tzo'n̈ a puertail yet' q'uen berilo, ax a muroal, a eb' q'uen q'uen wach' yilx 'oj wa'ch 'a 'a.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Is 60:3

A jun tzo'n̈ nacion̈ cha, 'oj jawc eb' 'ayx yuj jun sacq'uinl cha, ax eb' rey, 'oj jawc eb' 'ayx yuj in tzictznil 'oj checljoc chan̈ 'a e cal.

Is 62:3

Ax tic lajn ex 'icha junc corona caw wach' yilxi, 'ixta eyaj 'a yol sc'ab' Jehová qui Diosal.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 31:10

Ex nacion̈, 'ab'c wal in paxti an Jehová in tic, alc 'el 'ixtc 'a jun tzo'n̈ lugar 'a lac'an yet' 'a sc'axpil 'ec' a mar 'a caw najat: A Jehová 'ix 'a'n sactzic can 'at eb' israel, an̈jtona a pax tzmolb'tzan cot eb' ticnec, tztan̈wx eb' yuj 'icha tz'aj stan̈wx no calnelu yuj yilmal, xe chi.

Jeremías 31:11

Yujto an Jehová in tic, 'oj in colcn 'el eb' yin̈tl Jacob, 'oj in col 'elt eb' 'a yol sc'ab' jun nacion̈ caw 'ay yip.

Ez 34:11

An Jehová in, an tzwal 'ixtic: An wal 'oj in molb'tzoc pax eb' in chon̈b' tic, ax in tan̈wni eb'.

Ez 34:12

'Icha wal yoch junc 'ilm calnelu 'il yuj scalnelu satnc can 'ati, 'ixta woch 'il yuj eb' in chon̈ab'. 'Oj in molb'tzoc paxt eb' 'aj sactzicnac yajcn 'at cha, ax wi'n 'elt eb' 'a scal q'uic'q'uinl 'aj 'aycn 'ati.

Ez 34:31

A eb' in chon̈b' tic, eb' 'icha 'in calnelu yaji, tan̈b'il eb' wu'uj, wach' 'aj tzwac' wa eb', yujto sDiosal in eb'. An Jehová Yajl in, an tzwala, xchi Dios.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Sofonías 3:20

A yic jun tiempoal cha, 'oj ex in molb'tzoc pax coti, ax wecn eyam e b'a. 'Oj eyil wal yet' e sat yuj tas 'oj wutc in jeln tas 'aych 'a eyib'an̈. 'Oj wac' 'ijxoc chan̈ e b'inab'ilal, sec 'ay eyel'ch 'a scal smasnil eb' 'anma 'a yolyib'n̈q'uinal, xchi Dios.

Hageo 2:23

An Jehová in, tztac' wuj smasnil, an tzwal 'ayach: Ach in checb' Zorobabel, to a 'a yic jun c'ul cha, 'oj wa'ch opiso, ach 'oj och yajlilc in jeloc, yujto an ach in si'cn 'eli, xchi Jehová 'a win gobernador cha.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.