Zacarías 9:14 - Chuj San Sebastian Bible

¹⁴ A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

Chuj San Mateo Bible

¹⁴ A Jehová ol sch'ox sb'a d'a yib'an̈ eb' schon̈ab', icha leb'lon ol aj sjulvaji. A Dios Yajal ol pu'an strompeta, icha oval chacxuxum ic' scot d'a sur, icha chi' ol aj sb'at yac' oval yed' eb' ajc'ool.

Zacarías 9:14 ပူးပေါင်းရင်းမြစ်များ

Job 37:9

A 'a stojlal sur, ata tzcot 'ic'n̈ab', ax 'a stojlal norte, ata tzcot sic yuj 'ic'.

Salmos 18:14

'Ix a juln cot a jul-lab' atn raya, ax eb' 'ajc'ojl yajch 'ayin, 'ix 'at eb' 'eloc, 'ix satl eb' o'oj.

Salmos 18:15

'Ix checlj chan̈ yich a mar o'oj, ax sb'achnub'al yaln̈ yolyib'n̈q'uinal 'ix 'ilxi, yujto caw 'ip ach 'awj Mamin Jehová, caw ow pax jun 'ic' 'ix a' coti.

Is 18:3

E masnil ex wit 'anmal cajn 'a yolyib'n̈q'uinl tic, 'ab'ec, sec 'oj eyil yajx q'ue jun bandera 'a lum jolm witz, ax eyab'n yutz'x trompeta ta'.

Is 21:1

Alb'il can jun tzo'n paxti tic 'ixtc 'a yib'n̈ lum cusltac lum 'ay 'a sti a mar: 'Icha wal junc chacxuxm'ic' tz'ec' 'a lum Neguev, 'ixta 'oj 'aj scot eb' milwjum 'a lum cusltac lu'um, atn 'a lum caw 'ay smay.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Is 31:5

'Icha wal tzyutj no ch'ic stan̈wni yune 'a yol so', tz'ec' jen̈n̈oc no 'a yib'an̈. 'Ixta wal 'oj wutc in tan̈wni chon̈b' Jerusalén, an Jehová in, an 'oj in tan̈woc, 'oj in colo', xchi Dios.

Is 66:15

Yujto a 'a scal c'ac' 'aychi ax sjawi, a scaruaje 'aj 'aychi, lajn wal sb'ey 'icha chacxuxm'ic'. 'Oj jawc wul yi'l yowl sc'ojl 'a eb' 'ajc'ojl cha. Lajn wal yowl sc'ojl chi 'icha sq'ue wan snich c'ac'.

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.

Habacuc 3:14

A eb' yajl yaj 'a scal eb', mun a syamc'ab' eb' yic owal, a 'ix ac' milnc chamoc yic xjaw lemnjoc eb' cob' wul on̈ satli. Caw 'ix tzalj eb', 'icha junc mach tznib'n milnc cham junc 'oltac 'anma tzc'ub'j 'el sb'a.

Zacarías 12:8

An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Zacarías 2:5

Palta an Jehová in, an 'oj in tan̈wj chon̈b Jerusalén, 'icha to 'oj woch oyn 'a spatquil 'icha junc c'ac' yic tzin satn 'el eb' 'ajc'ojol, ax 'a snan̈l chon̈b' chi 'oj in ch'ox in tzictznial, xchi Dios, xchi jun ángel cha.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.

Apoc 6:2

Ax xwilni, 'ay jun chej caw sac, 'ay jun 'ay q'ue 'a yib'an̈, yamb'il jun sjul-lab' yu'uj. 'Ix 'ajx pax jun scorona. Xlajw cha, x'ati, x'at ya'nc owal, yuj ya'n ganar si'mb'il.