Zacarías 9:11 - Chuj San Sebastian Bible

¹¹ Ex 'aj Jerusalén, yuj wal schic'l jun xajmb'al, yuj cha, wach' yaj in trato eyet'oc, 'oj ex wic' q'uet 'a yojl jun oln caw xab' yich 'aj may a a', 'aj preso eyaji.

Chuj San Mateo Bible

¹¹ Ex aj Jerusalén, yuj val schiq'uil junoc noc' silab', yuj chi' ay yopisio in trato eyed'oc, yuj chi' ol ex vic'q'ueta d'a jun olan te' jul yich b'aj malaj a a', aton b'aj sacleminac eyajb'at d'a ch'oc chon̈ab'il.

Zacarías 9:11 ပူးပေါင်းရင်းမြစ်များ

A Ch'an̈ Schab'l Libro Samuel 13:13

¿'Aj wach' tzin c'och in c'ub'c 'el in b'a yet' jun in q'uixwelal cha? Ach xo tic, 'icha xoj eb' suc 'anma tzach 'ajcn 'a sat eb' quit chon̈ab'. Tzin tew wal 'ayach, 'at c'ann 'a win rey cha, ax cab' win tzin 'a'n 'ayach, xchi 'ix.

2 Cr 7:17

A ticnec, toto 'oj a b'eylb'ocn̈ej smasnil tas xwala, 'icha 'ix yutj a mam, ax a yiclni in ley yet' in checnb'il,

Job 33:30

yuj scolx 'elt eb' yuj 'a yol sc'ab' chamel, tzya'n yil eb' jacx sacq'uinal.

Salmos 30:3

In 'a col-l 'a yol sc'ab' chamel, 'ix a'n pax in q'uinal, ma'in a chaj 'at 'a scal eb' chamnac.

Salmos 40:2

In yij q'uet 'a jun xab' oln to yic chaml yaji. In scoln paxi, sec matz in 'em socn̈joc 'a lum yax lu'um. A 'a yib'n̈ jun q'ue'en, ata in yac'q'ue lin̈an, sec ata tzin te'wtzej in b'a.

Salmos 69:33

A Jehová, schaj yab' tas tzyal eb' meb'a', matz patquilj can 'el eb' yic 'aych 'a preso.

Ex 24:8

Xlajw cha, xyi'n cot Moisés jun chic' 'ay 'ejm 'a yol yet'ul, stzicn 'at 'a yib'n̈ eb' 'anma cha, 'ix yaln 'ixtic: —A schic'l no noc' tic, a tz'a'n 'och yip strato Jehová sb'o quet'ec, atn wal jun tic tz'ochcn yipnub'alc smasnil jun tzo'n̈ paxti tic, xchi Moisés.

Is 24:22

'Oj molb'tzaxc eb', ax yajx can 'ejm eb' 'a yol junc xab' olan, 'icha to tz'atcn eb' preso. Niwn tiempo 'oj macxoc 'ejm eb' ta', 'oj lajwc cha, ax yajx 'och syailal eb' b'i'an.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Is 49:9

Tzaln 'ixtc 'a eb' 'icha to 'aych 'a preso 'a scal q'uic'q'uinal: 'Eln̈ec can 'a libre, xa chi 'a eb'. A eb' in chon̈ab', caw 'ay tas 'oj sc'ux eb', lajn 'oj 'aj eb' 'icha no calnelu tztan̈wx wa 'a stitc b'e, mto 'a lum jolmctac witz may ste'al.

Is 51:14

A mach tz'ixtx 'a nab'an̈ej, yajn̈ej ax scolxi; ma'oj cham 'a preso, ma'oj yac' pax wejel.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Dn 2:29

Ach tic mamin rey, a yic wayn̈c ach cha, 'ix a yamn 'och a nani tas 'oj ujc 'a yic b'aq'uin̈. Ax Dios jun mach tz'a'n 'ojcaxc 'el jun tzo'n̈ tas c'ultac yaji, a 'ix ch'oxn 'el jun tzo'n̈ tas 'oj ujc cha.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Mr 14:24

'Ix yaln pax 'a eb' 'ixtic: —Atn jun tic in chiq'uil, yu'uj, 'oj 'el'choc jun strato Dios tzat yac' 'ayex. 'Oj 'elcn in chic'l tic sec wach' til wal mach 'oj colchjoc yu'uj.

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

1 Co 11:25

An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti, xchi Jesucristo.

Dt 5:31

Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin.

A Ch'an̈ Carta D'a Eb' Hebreo 10:2

Q'uinloc tzwach' b'o snab'en eb' yuj jun ley cha. Toto 'ixta', 'ochnc wan ya'n eb' jun tzo'n̈ xajmb'al cha. Q'uinloc yel tzsacb'tzax eb' yuj smul, yic ya'n eb' xajmb'al cha. Toto 'ixta', man̈xtoc sna cot eb', chajtlto 'ay smul eb'.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Apoc 20:3

'Ix sjuln can 'at 'a yol jun xab' olan. Xlajw cha, 'ix smacn can sti jun xab' oln cha. 'Ix ya'n can 'och jun seyo 'a 'a, sec man̈xtzac stac' yixtn paxti win eb' 'anma 'a junjn nacion̈, masnto tz'acw jun mil ab'il. At 'a yic 'oj lajwc jun mil ab'il cha, ax yajx 'elt win jab'ocx tiempoal.