Zacarías 8:23 - Chuj San Sebastian Bible

²³ A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Chuj San Mateo Bible

²³ A d'a jun tiempoal chi', lajun̈van̈ eb' ch'oc chon̈ab'il tz'alan ch'oc ti'al ol och tzuctzuc d'a spichul junoc aj Judá, ol yalan eb' icha tic: Sco nib'ej tzon̈ b'at ed'oc, yujto ix cab'i to a Dios ayoch eyed'oc, xcham eb', xchi Jehová.

Zacarías 8:23 ပူးပေါင်းရင်းမြစ်များ

Gn 31:41

Junc'l ab'il wal in 'aj et' 'a atut. Chan̈lajn̈e ab'il in munlj yuj chawn̈ eb' 'ix esl tic; ax waque xo ab'il in munlj 'aych yuj no 'a cajb'en noc' tic, lajn̈ 'ejm 'ix in extj paxti yuj in tojol.

Gn 31:7

Ax e mam 'icha to in yixtej, slajn̈ 'ejmal xo wal sjeln in tojol, palta a Dios matz nib'j tzin 'ixtxi.

A Ch'an̈ Schab'il Libro Yic Yab'ixal Eb' Rey 2:6

Xlajw cha, 'ix yaln pax Elías 'a Eliseo 'ixtic: —Tzin tew wal 'ayach, cann̈ 'a tic, yujto tzin checx 'at yuj Jehová 'a a Jordán, xchi Elías. —Tzwac' in ti 'a yojltac Jehová to tzin 'at et'oc, xchi Eliseo cha. Xlajw cha, 'ix 'at eb' schawn̈il.

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.

2 Cr 15:9

Xlajw cha, 'ix ya'n syam sb'a smasnil eb' yic Judá, eb' yic Benjamín, yet' jun tzo'n̈ xo eb' cotnc 'a yol yic Efraín, 'a yol yic Manasés, 'a yol yic Simeón, eb' to jawnc cajn 'a scal eb', yujto niwn eb' israel 'ix 'e't yet' Asa, yujto 'ix yil eb' to 'aych Jehová sDiosal yet'oc.

Ester 8:17

A yic xc'och jun ley chi 'a smasnil lugar yet' 'a smasnil chon̈ab', a smasnil eb' israel cha, caw wal stzalj chan̈ eb'. 'Ix ya'n 'och eb' jun q'uin̈, 'ix laj wa eb'. Til wal eb' 'anma 'aj chon̈b' chi xya'ch sb'a israelal yet' eb' israel cha, yuj xiwc'ojlal eb' 'a eb'.

Job 19:3

'Ayxn̈ej 'och eyaln tu paxti 'ayin, ¿tom matz eyec q'uixwc e b'a yuj tas tzeyal 'ayn tic?

Ec 11:2

Tzyal 'el'chi, to a tas 'ay 'ayn̈ec, tzqui pojc 'ec' 'a scal eb' 'ay tas 'ay sc'a'l tz'och yu'uj, yujto man̈ cojcoquec tas wan sjaw 'a quib'n̈ec yet' qui chon̈ab'.

Is 3:6

A 'a jun tiempoal cha, ata 'oj yal junc mach 'ixtc 'a junc yican sb'a yet' smam: Ach tic, caw wach' ec' yet' a pichul, smoj wal tzach 'och qui yajloc, wach' cab' tzac' yajlil 'a yib'n̈ jun chon̈b' mac'b'il can 'ejm tic, 'oj schioc.

Is 4:1

A 'a jun tiempoal cha, jaywn̈xoj eb' winc 'oj canoc, yuj cha, 'ay ucwn̈oc eb' 'ix 'ix 'oj alnc 'ixtc 'a junc winc cha: Comnoc tzyal a c'ojl on̈ e'n on̈, mun 'oj qui say wa qui b'a 'on̈, ax qui pichn qui b'a 'on̈, cojnto tzon̈ ej on̈, sec tz'el q'uixwelal 'aych 'ayn̈ on̈, yujto may quichmil on̈, 'oj schic eb' 'ix.

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Is 55:5

Ax 'a yic b'aq'uin̈, 'oj eyawtc cot eb' 'anma man̈ eyojcoc. A eb' 'anma man̈ ex 'ojtnacc cha, caw yajn̈ej ax sjaw eb' 'ayx muc'uc, yujto an Jehová in, Cojxn In Ton e Diosal In, an tzex wac' 'ijxoc chan̈ yet' e chon̈ab', xchi Dios.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Is 60:3

A jun tzo'n̈ nacion̈ cha, 'oj jawc eb' 'ayx yuj jun sacq'uinl cha, ax eb' rey, 'oj jawc eb' 'ayx yuj in tzictznil 'oj checljoc chan̈ 'a e cal.

Miqueas 5:5

A 'oj 'i'nc cot junc'ojlal. A yic 'oj jawc eb' asirio 'a yol qui nacion̈ tic, ax yoch eb' yac' owl 'a yol qui cuartel, a yic cha, til wal eb' qui yajlil to niwn yel'ch 'oj qui checb'ti yic tz'at ya'nc eb' owl yet' eb'.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Lc 8:44

Yuj cha, xjaw 'ix 'a spatquil Jesús. Stzayn 'och 'ix sc'ab' 'a sti spichl Jesús, yajn̈j wal cha, x'och wan a yel 'a 'ix.

A Tas Sc'ulejnac Eb' Schecab' Jesús Hechos 19:12

'Ay eb' x'i'n cot payu', yet' pichul, xit' squiln 'och eb' 'a sniwnal Pablo. Xlajw cha, x'at ya'nc 'och eb' 'a eb' ya'ay. 'Ixta x'aj sb'ox can sc'ojl eb' yu'uj. 'Ay pax ewin demonio x'el 'a eb' 'anma yu'uj.

1 Co 14:25

'Ixta to b'i'an, ax scheclj 'el tas 'ay 'a spixan. Yuj cha, 'oj 'em cuman, ax yaln sb'a 'a Dios. Ax yaln 'ixtic: Yel toni, caw 'aych Dios eyet'oc, 'oj schioc.

Josué 8:35

C'uxn 'ix yawtj Josué jun tzo'n̈ ley chi 'a scal eb' yit chon̈b' cha; x'awtx yab' eb' 'ix 'ix, eb' 'unin yet' pax eb' chuc schon̈b' cajn 'a scal eb' cha.