Zacarías 8:14 - Chuj San Sebastian Bible

¹⁴ A Jehová tztac' yuj smasnil a tzaln 'ixtic: 'Ix in nalb'ej wa'n 'och syailal eb' e mam eyicham, yic stzuntzn cot eb' wowal. A tas xin na cha, 'ix wac' 'el'choc.

Chuj San Mateo Bible

¹⁴ A in ton Jehová Yajal in d'a Smasanil sval icha tic: Ix in na' vac'och syaelal eb' e mam eyicham ayic ix stzuntzancot voval eb'. A tas ix in na' chi', ix in c'ulej.

Zacarías 8:14 ပူးပေါင်းရင်းမြစ်များ

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Salmos 33:11

A tas tzna Jehová to tzb'o', jun 'ejmn̈ej to wach' tz'ajcni.

Is 14:24

A Jehová tztac' yuj smasnil, a 'ix aln pax 'ixtic: A smasnil tas tox xin na'a to 'oj in b'o', yowlal 'oj wac' 'el'choc.

Jeremías 20:16

Sat cab' 'el jun winc cha, 'icha jun tzo'n̈ chon̈b' satnc 'el yuj Jehová 'a jun 'ejmn̈ej. 'Ab'x cab' yel 'aw yuj yailal 'a yic sq'uin̈b'ial, yet' 'aw yic 'a'j owl 'a yic chimc'ual.

Jeremías 29:11

Wojtac tas nab'il wuj 'a eyib'an̈. An Jehová in, an tzwala to a tas nab'il wuj cha, man̈ yujoc eyab'n syail, palta yuj e wach'loc, sec ax 'a slajub' ax wa'n tas 'aych yipc e c'ojol.

Jeremías 31:28

An Jehová in, an tzwala to an wa'jnac wip in to'n q'ueta, xin ma'n 'ejmi, 'ix lan̈chj 'ejm wu'uj, xin satn 'eli, xwixtn 'eli. Palta a yic 'oj jawc jun c'ul cha, an 'oj wa'x wip wawn 'ejm jun 'ejm xo, ax in b'on pax cha'an̈.

Jeremías 32:42

'Ix yaln to pax Jehová 'ixtic: 'Icha wal xwutj wa'n cot yailal 'a yib'n̈ jun chon̈b' tic, 'ixta pax 'oj wutc wa'n cot smasnil tas wach' 'a yib'n̈ 'icha wal xwutj wa'n can in ti'.

Jeremías 4:28

Caw cusltac 'oj 'ajcn lum lum tic, an̈jtona', caw cusltac yilx 'oj 'ajcn satcha'an̈. 'Ixta 'oj 'ajoc, yujto 'ixta tas 'ix in na'a. 'Ix waln can pax 'eli, to man̈x 'oj jelmjoc, yowlal 'oj 'el'choc.

Ez 24:14

An Jehová in, an tzwala, xc'och stiempoal wa'n 'och a yailal, man̈x 'oj wi'ch wa'an, man̈x 'oj 'o'ch in c'ojl 'ayach, man̈x 'oj ach in na'. 'Oj wa'ch a yailal yuj tas tz'el a b'oni, yujto an Jehová Yajl in, an tzach in b'eyc'ojlej, xchi Dios, xa chi, xchi 'ayin.

Zacarías 1:2

An Jehová in, tztac' wuj smasnil, caw xcot wowl si'mb'il 'a eb' a mam echam, yuj cha, a ticnec a tas tzwal 'aych tic, al 'a eb' in chon̈ab'. An Jehová in, to an tzwal 'ixtic: Meltzjan̈c 'ayin yic tzeyaln pax e b'a, ax in cha colwj pax 'ayex.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.