Zacarías 8:12 - Chuj San Sebastian Bible

¹² 'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Chuj San Mateo Bible

¹² D'a junc'olal ol ex ajoc, ol yac' n̈ab', yuj chi' a te' eyuva, ol ste aq'uej sat te', ol yac' val sat tas tzeyavej d'a sat e luum. A inxo ol vac' masanil juntzan̈ tic d'ayex a ex janac exxi d'a jun chon̈ab' tic.

Zacarías 8:12 ပူးပေါင်းရင်းမြစ်များ

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Gn 27:28

Ya' cab' cot Dios n̈ab' 'a yib'n̈ a lu'um, sec wach' 'oj 'aj smasnil 'awb'en 'a sat lum lu'um, caw wach' 'oj 'aj a trigo yet' pax a uva.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Salmos 72:3

Ya' cab' 'ejm junc'ojlal yet' tojlal 'a scal eb' 'anma'.

Salmos 85:12

A Jehová a 'oj 'a'noc cot n̈ab', ax ya'n lum qui lumec tic sb'a'al.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Is 30:23

'Oj ya' cot Jehová n̈ab' 'a yib'n̈ eyawb'en 'awb'il eyuj 'a sat lum lu'um, caw 'oj yac' lum sb'a'al, til wal trigo 'oj yac' lu'um, a 'a yic jun tiempoal cha, a 'e no cajb'en noc', til wal slewnal 'aj 'oj laj tan̈wxoc wa e no'.

Is 61:7

Ax tic 'ec'b'al xo xeyutj eyab'n syail, 'ec'b'al ex 'aj e b'uchxi, ex laj b'ajxi, yuj cha, ax ticnec, 'ec'b'al xo sricoal 'oj eyaj 'a yol e chon̈ab', man̈x 'a b'a'n̈ 'ay slajb' e tzaljc'ojlal.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Ez 34:28

A jun tzo'n̈ nacion̈ cha, man̈x b'a'n̈ 'oj yixtc eb' in chon̈b' tic, man̈x 'a pax no calte'al noc' 'oj chinc eb', junc'ojlal 'oj can eb' 'a sat slu'um, man̈x 'a tas 'oj xib'tn eb'.

Ez 36:12

'Oj ex wi'x 'at 'a lum jolmctac witz cha, ax eyica'an pax e lum to eyic xon yaji; man̈x 'oj milxoc cham eb' eyunnal chi 'a jun tzo'n̈ lugar cha.

Ez 36:30

'Oj wac' niwtjoc sat eyawb'ente, yet' te calte'al te', sec man̈x 'oj eyac' e q'uixwloc e cham yuj wejl 'a sat jun tzo'n̈ xo nacion̈ cha.

Ez 36:9

An 'ayn 'och eyet'oc, yic 'oj ex wi'n meltzjoc, 'oj ex in tan̈woc, ax eyawn pax 'ejm e b'a 'a sat e lum cha.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Os 14:5

'Icha tz'aj snichn te c'ultc yuj chicb'cha'an̈, mto 'icha te c'ute 'a jolmctac witz 'a lum Líbano to najt tz'at sch'an̈lyib', 'ixta 'oj wutc pax eb' israel.

Jl 2:19

ax yaln 'ixtic: 'Oj wac' e trigo, yal eyuva, eyaceite, masnto 'oj e b'ut'ji. Man̈x 'oj wac' b'uchwjoc eb' chuc chon̈b'al 'ayex.

Jl 2:22

Tzalj cab' e no noc' 'ay 'a caltcte', man̈ xiw cab' e no', yujto 'oj yaxb'oc pax chan̈ te c'ultac. A eb' te niwc te', 'oj ya'x eb' te sat, caw 'oj satnc te higo yet' te uva.

Lv 26:3

Toto yiclumn̈ej tzeyutj e b'a 'a in ley, tze b'eylb'ann̈ej in checnb'il smasnil,

Sofonías 3:13

A eb' israel 'oj can to, man̈x 'oj sb'o eb' tas maysch'olnil, man̈x 'oj yac' eb' 'es. Man̈x 'a mach 'oj yixtc paxti eb', 'oj wa eb', ax yilj eb', man̈x 'a mach 'oj xib'tnoc eb', xchi Dios.

Hageo 1:10

Yuj ton cha, man̈xtzac yac' n̈ab' 'a 'aj 'ayx tic, man̈x 'a pax sb'al lum lum tzyac'a'.

Hageo 2:18

A 'a yic 24 yoch sb'aln̈il 'uj yic jun ab'il tic, a 'a jun c'u tic xe ya'x can 'ejm yipnub'al yich watut.

Hageo 2:19

Ax ticnec, 'oj eyil wal tas 'oj eyaj 'el'ch yet' e munljel 'a eyojltac. Wach'xam man̈x 'a 'ixm trigo molb'il 'a yet'ul, yet' te uva, te granado, yet' te olivo, mantzac yac' te sat, palta wal 'a jun c'u tic, yet' 'a yic 'oj b'ey tiempo, caw 'oj wa' cot yaxilal 'a eyib'an̈, xchi Dios.

Zacarías 8:6

Ax tic ex can to 'a in chon̈b' tic, tzam e na'a to 'ajltac sb'o jun tzo'n̈ tic, palta an xo tic, may yajltacl sb'o wu'uj, an Jehová in tztac' wuj smasnil.

Malaquías 3:11

An tzwala, man̈x 'oj in cha lajwc 'el eyawb'en yuj no noc', ma'oj in cha 'ixtxoc sat eyuva yic mantzac 'e'maxi.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

1 Co 3:21

Yuj cha, matz tac' eya'n 'och e nab'en 'a junc 'anma', tze b'an̈n e b'a yu'uj. Yujto xyac' Dios smasnil tas eyico'oc quet' on̈.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Dt 33:13

'Ix yaln 'ixtc 'a yib'n̈ eb' yin̈tl José: Ya' cab' 'ejm Jehová syaxilal 'a yib'n̈ slum eb', a cab' chicb'chan̈ caw wach' tz'ejm 'a yib'an̈, ax a a tzq'uel 'a yol lu'um, a cab' a tzc'an eb'.

Dt 33:28

Ex wit chon̈ab', yelc'ojlal tzex can cajn 'a sat lum lum cha. A eb' eyin̈til, caw junc'ojlal 'oj 'aj yec' yuj eb' 'a sat lum lum cha. A 'a lum e lum cha, caw wach' 'oj 'aj 'ixm trigo yet' yal uva. May b'a'n̈ 'oj 'och wan ya'n n̈ab' 'a yib'n̈ lu'um.

Santiago 3:18

Toto cojxn junc'ojlal tzqui b'o'ec, 'oj qui chac spac qui tojl b'eyb'al cha.