Zacarías 7:12 - Chuj San Sebastian Bible

¹² Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

Chuj San Mateo Bible

¹² Ix yac'an pitb'oc spensar eb' icha q'uen yaxq'ueen, yic vach' max scha yab' eb' tas ix yal Jehová Yajal d'a Smasanil yuj Yespíritu d'a eb' schecab' d'a peca', aton juntzan̈ c'ayb'ub'al yed' checnab'il. Yuj chi' ix te cot yoval sc'ol Jehová d'a eb',

Zacarías 7:12 ပူးပေါင်းရင်းမြစ်များ

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Job 9:4

A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?

Salmos 50:17

'In matz yal e c'ojl tzex wa' cuenta, may pax yel'ch in paxti 'ayex.

Ex 7:13

Palta ma'ix schaj xon win rey chi yab' tas xyal eb' chawn̈ cha, 'icha 'ix yutj Jehová yalni. 'Ix yac' pitb'oc 'el snab'en win rey cha.

Is 46:12

Ex pit 'anma'il, 'ab'c wal tas tzwala; caw wal man̈ tojloc e nab'en 'a in sat.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Is 65:12

Palta an pax wojtac tas yowlal tzjaw 'a eyib'n̈ cha, a tas wach' cob' tan̈b'il eyu'uj. Caw maysch'olnil 'oj 'aj 'el'ch 'a eyib'an̈: 'Oj wac' tzu'xoc 'el e jolm yet' q'uen espada, yujto xcob' ex wawtej, palta ma'ex ta'w 'ayin. In cob' 'awj 'ayex, palta ma'ix e tz'ac eyab'i'; a tas matz in nib'ej, a chi xe b'o'o.

Jeremías 17:1

'Ix yaln pax Jehová 'ixtic: A wal e maysch'olnilal ex 'aj Judá, caw wal may tz'aj sat 'a e nab'en, yet' 'a sch'ac jun tzo'n̈ yet'l e xajmb'al, caw may tz'aj sat e mul cha. Tzcancn yechl 'a 'ayx 'icha junc letra tz'ajx can 'och 'a junc q'uen q'uen yuj junc q'uen cincel mto yuj junc q'uen diamante.

Jeremías 17:23

A eb' cha, ma'ix schaj eb' yab' tas xwala, ma'in syiclj eb'. A yic eb' to 'ix yac' pitb'oc 'el eb' snab'en, ma'ix syiclj eb' 'aj xin tench wa'an.

Jeremías 26:19

Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.

Jeremías 42:21

Tic wal tox 'ix wac' eyojcoc 'eli, tas 'ix yal Jehová qui Diosalec 'ayex, palta 'in matz e nib'j tzeyiclej.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Ez 11:19

'Oj wac' jun e nab'en caw wach', caw 'a'to, ax wi'n can 'el jun e nab'en to caw wal tzatz 'icha q'uen q'ue'en,

Ez 14:5

'Ixta 'oj wutc wi'n meltzjoc snab'en eb' israel yijnac 'el snab'en 'ayn yuj jun tzo'n̈ yechl cha.

Ez 2:4

An tzach in checb't 'a eb' 'anma caw pit sjolom, eb' caw tzatz snab'en. Tzal 'a eb' 'ixtic: 'Ixtc wal xyutj Jehová Cajlil yaln eyu'uj, xa chi 'a eb'.

Ez 36:26

A jun nab'en caw wach', a 'oj wac' sjelc e tu nab'enal, ax yiclumal a chi 'oj wac' sjelc e pital.

Zacarías 1:2

An Jehová in, tztac' wuj smasnil, caw xcot wowl si'mb'il 'a eb' a mam echam, yuj cha, a ticnec a tas tzwal 'aych tic, al 'a eb' in chon̈ab'. An Jehová in, to an tzwal 'ixtic: Meltzjan̈c 'ayin yic tzeyaln pax e b'a, ax in cha colwj pax 'ayex.

Zacarías 7:7

A tas tzwal 'ayx ticnec, atn jun tzo'n̈ in checnb'il wa'jnac yal-l eb' in checb' 'a yic pecti', yic 'ayc' Jerusalén 'a junc'ojlal, yic niwn 'anma 'ayc' 'a 'a, niwn pax chon̈b' oyn 'och 'a 'a, yet' 'a yol smacb'en Neguev, yet' pax 'a lum niwc pan̈an, 'ayn̈j 'anma cajn ta', xchi Dios, xa chi 'a eb', xchi 'ayin.

Mt 13:15

Yujto a eb' 'anma tic, tox xpitb' 'el eb'. 'Icha to macn schicn eb', 'icha to tzmutz' eb' sat, sec wach' matz yil eb', matz yab' pax eb'. Yuj cha, matz nachj 'el yuj eb', matz jel eb' snab'en, matz colchj eb' wu'uj, xchi Dios, xchi Isaías.

Mr 4:12

sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Lc 8:12

A jun tzo'n̈ 'in̈t 'ix tz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, palta tzc'och win diablo 'a eb'. Tz'at yi'nc 'el win spaxti Dios 'a snab'en eb', sec wach' matz ya'ch eb' sc'ojl 'a 'a, matz colchj eb' yu'uj.

A Tas Sc'ulejnac Eb' Schecab' Jesús Hechos 28:27

'Ix pitb' 'el snab'en jun tzo'n̈ eb' 'anma tic, 'icha to macn schicn eb', 'icha to tzmutz' eb' sat, sec wach' matz yil eb'. Matz tac' yab'n eb', matz nachj 'el pax yuj eb', yuj cha matz meltzj eb' 'ayin, yic tzcolchj eb' wu'uj, xchi Yespíritu Dios 'a Ch'an̈ U'un̈.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.