Zacarías 5:9 - Chuj San Sebastian Bible

⁹ 'Ix wiln paxi, 'ay chawn̈ 'ix, 'ay sc'axl eb' 'icha no julm chay. 'Ix cot jen̈noc eb' xwul stza'nc eb' jun 'echtab' cha, 'ix 'atx jen̈noc eb' muc'uc.

Chuj San Mateo Bible

⁹ Ix vilanpaxi, ay chavan̈ eb' ix ix van scot jen̈en̈oc yuj yipal ic'. A eb' ix chi', ay sc'axil eb' ix icha yic noc' julumchay, ix yic'anq'ue jun echlab' chi' eb' ix, ix b'atxi jen̈en̈oc eb' ix.

Zacarías 5:9 ပူးပေါင်းရင်းမြစ်များ

Salmos 104:17

A 'a sc'ab' eb' te', ata tzb'o e no cotc ch'ic so', ax 'a schon eb' te taj, ata tzb'o e no julm chay yet'ul.

Jeremías 8:7

A e no cigüeña tz'ec' 'a satcha'an̈, yojc e no stiempoal b'a'n̈ tzmeltzj e no 'a yet'ul. An̈jtona e no cowojte', e no pechul, yet' e no grulla, yojc e no', b'a'n̈ tz'at e no 'a junc xo lugar. Palta ax xo tic ex in chon̈ab', caw man̈ eyojcoc jac in ley.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Lv 11:13

'Ixta pax 'a scal no ch'ic, may sleyl tze chi jun tzo'n̈ no 'oj wal tic, yowlal tzeyojquej 'eli, to yajb'il 'el e no': no salt'iw, no niwc xulem, no salt'iw yic a mar, no milano, smasnil no niwc c'uc'um, smasnil no joj, no avestruz, no tonton, no gaviota, smasnil no salc'uc'um, no cujub', no cormorán, no ibis, no cisne, no pelícano, no 'usej, no cigüeña, smasnil no julm chay, no abubiya yet' no sotz'.

Zacarías 5:10

Xlajw cha, xin c'anb'n 'a jun ángel tzpaxtin wet' cha: ¿'Ajtil tzyij 'at eb' jun 'echtab' cha? xin chi 'a 'a.

Mt 24:28

'Icha pax 'aj tzcheclj sniwnal junc no chamnc noc', yujto ata tzyam sb'a no 'usej, 'ixta 'oj 'ajoc.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.