Zacarías 4:7 - Chuj San Sebastian Bible

⁷ Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Chuj San Mateo Bible

⁷ Ach Zorobabel, vach'chom te ajaltac sb'o in templo icha nivac vitz, palta malaj ol och d'ayach. A ach ol ac'och q'uen lajvub' q'ueen nivan yelc'ochi, yacb'an tz'el yav masanil eb' chon̈ab' icha tic: Te vach' yilji. Ayocab' svach'c'olal Dios d'a yib'an̈, xcham eb', xchi Jehová, xchi jun ángel chi'.

Zacarías 4:7 ပူးပေါင်းရင်းမြစ်များ

Esdras 3:10

A yic 'ix ya'n 'ejm eb' albanil yich yatut Jehová, 'ix q'ue wan lin̈n eb' ya'mal 'och sti eb' 'anma 'a Dios, xya'n 'och eb' spichl yic yopiso cha, xyutz'n eb' strompeta. Ax eb' levita yin̈tl Asaf, syucn eb' jun tzo'n̈ q'uen címbalo, yic wan yaln eb' swach' paxti 'a Jehová, 'icha yaj yaln can David win ya'jnac reyl 'a chon̈b' Israel 'a pecti'.

Salmos 114:4

Ax eb' lum niwc witz yet' eb' lum tzalan, 'icha to 'ix laj q'ue b'atnjoc eb' lum 'icha mam calnelu, mto 'icha no nene calnelu.

Salmos 114:6

¿Tas yuj 'icha to 'ix b'atjchan̈ eb' lum witz yet' eb' lum tzalan, 'icha sb'atjchan̈ no mam calnelu, mto 'icha no nene calnelu, 'ixta x'aj eb' lu'um?

Salmos 118:22

A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 41:15

'Oj ex wa'ch 'icha junc q'uen 'i'm 'el sat trigo to caw 'a'to, 'ay ye si'mb'il. 'Oj e mac' poj eb' lum witz, pococ 'oj eyutc can eb' lu'um, ax eb' lum tzalan, 'icha stzapil 'ixm trigo, 'ixta 'oj eyutc can eb' lu'um.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Jeremías 51:25

An Jehová in, an tzwala: An tic, 'ajc'ojl wajch 'a Babilonia. A jun cha, lajn wal 'icha junc niwquil witz tzsatn 'el smasnil sat lum lum tic. A yet' in poder ax in ma'n 'ejm lan̈chjoc, sactzicnac 'oj 'atcn 'a sat pac'an. Yuj cha, a Babilonia cha, lajn 'oj 'ajcn 'icha junc witz tz'anac.

Miqueas 1:4

'Oj 'ulb'xoc 'ejm eb' lum witz chi 'a yaln̈ yoc 'icha tz'aj yulb'x no chab'ic', 'oj b'ey 'ejm lu'um, ax sb'ey lum 'a eb' lum niwc ch'oln 'icha c'acap.

Miqueas 4:1

A yic 'oj jawc jun slajb' tiempoal, a lum tzaln 'aj 'ay yatut Jehová ticnec. A jun tzaln cha, yel xo chan̈ 'oj 'ajb't 'a yib'n̈ jun tzo'n̈ xo lum tzalan. Ax smasnil eb' nacion̈ 'oj jawc eb' 'a 'a.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Zacarías 4:8

Xlajw cha, caw a Jehová 'ix aln 'ayn 'ixtic:

Zacarías 4:9

A Zorobabel a 'ix 'a'n 'ejm yipnub'al yich jun watut tic, a pax 'oj lajnc 'el'chi. 'Ixta to b'i'an, ax snachj 'el yuj eb' in chon̈ab', chajtlto an Jehová in, tztac' wuj smasnil, an ach in chec coti.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Mt 21:42

Yuj cha, xyaln pax Jesús 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso. 'Ixta 'ix yutj Cajlilec. Caw tzsatc qui c'ojl quilni, xchi 'a Ch'an̈.

Mr 12:10

¿Tom mant 'a 'aj xeyil 'a Ch'an̈ U'un̈, 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Lc 20:17

Palta x'och q'ueln Jesús 'a eb', 'ix yaln 'ixtic: —¿Tas tzyal 'el'ch jun tzo'n̈ tz'ib'b'il can 'a Ch'an̈ Un̈ tze na'a, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso, xchi 'a Ch'an̈.

Lc 3:5

'A'c lan̈xoc smasnil lum ch'olctac, 'a'c pan̈nb'oc smasnil lum witz. Ax jun tzo'n̈ b'e cumctac, tojl xoj tzeyutej. Ax jun tzo'n̈ b'e amquixtac, caw lab'ntac tzeyutej.

A Tas Sc'ulejnac Eb' Schecab' Jesús Hechos 4:11

Ax tic, 'icha junc b'om n̈a, 'ixta 'ex. Ax Jesús, lajn 'icha junc q'uen patcab'il can 'el eyu'uj. Palta a xwach' 'ajx 'och yopiso.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

A Sb'ab'el Carta San Pedro 2:7

An̈ec tzca'c 'och qui c'ojl 'a 'a, caw niwn yel'ch 'ayn̈ec. Palta 'ay pax eb' matz ya'ch sc'ojl 'a 'a. Yuj eb' cha, tzyaln pax 'ixtc 'a Ch'an̈ U'un̈: A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso, xchi.

Apoc 16:20

Smasnil jun tzo'n̈ lum lum checl 'a snan̈l a mar, yet' smasnil lum witz, c'uxn 'ix sat 'ejmi.