Zacarías 3:7 - Chuj San Sebastian Bible

⁷ A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.

Chuj San Mateo Bible

⁷ Aton val juntzan̈ tic syal Jehová Yajal d'a Smasanil d'ayach: Cha ab' tas svala', tza c'anab'ajann̈ej masanil tas svac' a c'ulej. Tato ol a c'ulej masanil juntzan̈ chi', ol ach ochcan yilumaloc in templo, ol a tan̈vann̈ej yed' yamaq'uil. A in ol vac' opisio och d'a vichan̈ icha eb' in checab' ayec' d'a vichan̈ tic.

Zacarías 3:7 ပူးပေါင်းရင်းမြစ်များ

Gn 26:5

Yujto a Abraham syicljn̈ej smasnil tas xwala, syicljn̈ej smasnil in checnb'il, yet' in ley, yet' cuynb'il 'ix wac' 'a 'a, xchi Dios 'a Isaac.

A Ch'an̈ B'ab'el Libro Yic Yab'ixal Eb' Rey 2:3

Yiclj schecnb'il Jehová qui Diosal, tza b'on 'icha tznib'ej, yet' tas tzyal sley, schecnb'il, yet' pax scuynb'il tz'ib'b'il can 'a ch'an un̈ yic Moisés. To 'ixta', caw wach' 'oj 'el'choc smasnil tas 'oj a b'o', toxn̈ej 'aj tzach 'ati,

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.

1 Cr 23:32

A 'a yic yaln̈taxi a eb' tztan̈wni mantiado 'a 'aj tzqui chaj qui b'a yet' Dios, ax ticnec a eb' x'ochx can munljc 'a yatut Jehová 'a yaln̈ schecnb'il eb' yin̈tl Aarón, atn eb' yican eb'.

Is 62:9

Palta to caw ax 'oj e mol chan̈ sat eyawb'en, ax laj e c'uxni. 'Oj eyal e wach' paxti 'ayn yu'uj. 'Oj e mol chan̈ sat eyuva, ax eyu'n te yalil chi 'a yamq'uil sti in cajnub', xchi Dios.

Ez 44:8

Ma'ix eyiclj sleyl tas to wic yaji, palta a 'a yol sc'ab' jun tzo'n̈ chuc chon̈b'al cha, ata xeya'cn eyopiso.

Ez 48:11

A junc'aj lum cha, yic eb' ya'mal 'och sti eb' 'anma yaj lu'um, atn eb' yin̈tl can win Sadoc, yujto an̈ja in ya'n servil eb', ma'in yactj can eb' yic xyi'n 'el sb'a eb' yit israelal eb' chi 'a in tz'ey. Al pax jun tzo'n̈ xo eb' levita jun, 'ix 'och tza'n eb' yuj sb'eyb'al eb' israel cha.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Zacarías 3:6

Xlajw cha, 'ix yaln yángel Jehová chi 'a Josúe 'ixtic:

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

Zacarías 6:5

Ax jun ángel cha, 'ix yaln 'ixtc 'ayin: A jun tzo'n̈ tic, tz'at eb' 'a schan̈paq'uil 'aj tzcot 'ic', yic xlajw yelt eb' 'a yojltac jun Yajl 'a smasnil yolyib'n̈q'uinal.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Jn 14:2

A 'a yatut in Mam, til wal lugar 'aj wach' tzon̈ 'ajc cajan. Q'uinloc may tas, tox am 'ix wal 'ayex. A ticnec, to 'oj 'at in b'o eyet'l 'aj 'oj e c'ochi.

Apoc 3:21

A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.