Zacarías 3:4 - Chuj San Sebastian Bible

⁴ Xlajw cha, xyaln jun ángel chi 'a eb' schecb' lin̈n 'och 'a yojltac, to tz'ijx 'el slumtac spichl Josué cha. Yajn̈ej xyaln 'a Josué chi 'ixtic: 'Ilto, a tzyal 'el'ch jun tic, to an tzwij can 'el a mul. Ax ticnec, 'oj wac' a'ch te pichl yic q'uin̈, xchi.

Chuj San Mateo Bible

⁴ A Yángel Jehová chi' ix alan d'a juntzan̈ schecab' lin̈anoch d'a yichan̈ to tz'ic'chajel spichul vin̈aj Josué te mictac ayochi. Ix yalanpax d'a vin̈aj Josué chi' icha tic: Scham val ilani, a syalelc'och jun tic to a in svic'canel a mul. A ticnaic ol vac' c'apac pichul yic q'uin̈ ac'ochi, xchi.

Zacarías 3:4 ပူးပေါင်းရင်းမြစ်များ

A Ch'an̈ Schab'l Libro Samuel 12:13

Yuj cha, xyaln David 'ixtc 'a Natán: —Yel wal b'i'an, 'ix 'och in mul 'a Jehová, xchi. —A Jehová, 'ix 'a'n lajwoc a mul cha, ma'oj a cham yu'uj.

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

Salmos 51:9

Najt tzejcan 'el in mul 'a ojltac, suc sat smasnil in maysch'olnilal.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Jeremías 52:33

'Ixta to b'i'an, 'ix sjeln 'el Joaquín spichl tzc'anlb'ej 'a yol preso, axn̈ej yet' win rey chi xwa 'a smasnil tiempo.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Ez 42:14

A yic tz'och eb' ya'mal 'och sti eb' 'anma 'a yol yatut Dios, matz tac' scomn 'elt eb' 'a sti 'elt cha, mto b'eyc'oc 'a sti 'el 'amc' chi yet' spichl yic yopiso. Toto tz'elt eb', yowlal tzjelcn 'el eb' spichl 'a yojl 'och cha, chucx spichl eb' tzya'chi yic tz'elt eb' 'a scal eb' 'anma', xchi 'ayin.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Zacarías 3:1

'Ix yaln pax Zacarías 'ixtic: 'Ix ch'oxx wil junx tic 'a 'icha waychil. 'Ix wilni to a Josué sat ya'mal 'och sti eb' 'anma 'a Dios, lin̈n 'och 'a yojltac yángel Jehová, ax 'a stojlal swach' c'ab' Josué cha, ata lin̈n 'och win 'a'm queja, yuj yaln win smul Josué cha.

Zacarías 3:7

A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.

Zacarías 3:9

An tzwa'ch 'a yojltac Josué, jun q'uen q'uen to uque spac'b'il. An Jehová in, tztac' wuj smasnil, an 'oj in tz'ib'c 'och jun tzo'n̈ paxti tic 'a 'a. Junn̈j c'u 'oj wi'l smul eb' cajn 'a jun nacion̈ tic.

Mt 22:11

Xlajw cha, x'och win rey chi yil eb' xjaw cha. 'Ix yiln winac, to 'ay jun winc man̈oc pichl yic nupnel 'aych yu'uj.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Lc 15:22

Palta ax smam cha, xyaln 'ixtc 'a eb' smoso: 'Ixquec muc'uc, 'at 'ijec cot jun tzo'n̈ pichl caw wach', tzeya'n 'och 'a jun wunnal tic. Tzeya'ch scolc'ab', tzeya'n 'och xan̈ab'.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

A Ch'an̈ Carta D'a Eb' Hebreo 8:12

'Oj wac' niwnc'ojlal smul eb'. Man̈x 'a b'a'n̈ 'oj in na cot smul eb' cha, xchi Cajlil 'a Ch'an̈.

Apoc 5:11

Xlajwn̈ej cha, xwilni, til wal eb' ángel oyn 'och 'a jun despacho cha, yet' 'a eb' querubín, yet' 'a eb' 'ichm winc cha. 'Ix wab'n pax sjaj eb'. Man̈x jantcoc smil-l sb'isl eb', smiyon̈al xo sb'isl eb'.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.