Zacarías 3:3 - Chuj San Sebastian Bible

³ Ax Josúe cha, caw wal lumtac spichl 'aych yu'uj, lin̈n 'och 'a yojltac yángel Jehová cha.

Chuj San Mateo Bible

³ A vin̈aj Josué chi', te mictac spichul vin̈ ayochi, lin̈ann̈ejoch vin̈ d'a yichan̈ Yángel Jehová chi'.

Zacarías 3:3 ပူးပေါင်းရင်းမြစ်များ

Esdras 5:2

Xlajw cha, a Zorobabel yunnal Salatiel, yet' Jesúa yunnal Josadac, 'ix 'ochx eb' 'a munljel, sb'on pax chan̈ eb' yatut Dios 'a Jerusalén, 'ix colwj eb' schecb' Dios chi yet' eb'.

Esdras 9:15

Mamin Jehová, qui Diosal ach an̈ israel on̈ tic on̈, caw wach' a nab'en 'ayn̈ on̈. 'Ix 'el 'a a c'ojol, to pitzn on̈ jaywn̈ xo on̈ colchj can 'el tic. Yuj cha, tzcaln q'uet qui mul 'a ojltac on̈, caw wal man̈ smojc tzon̈ 'och 'a ojltac yuj jun tic, xchi Esdras 'a slesal.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Is 64:5

Tzann̈j mach tzalji tzb'on tas 'icha tza nib'ej, nann̈ej yu'uj tzb'on a nib'b'en cha, caw wal chab'il o'oj. An̈ xo tic on̈, 'ix 'och wal qui mul 'ayach, ach owx 'och 'ayn̈ on̈, caw wal niwn xo tiempo xc'ojl yoch qui mul on̈, palta ¿tzam stac' to qui colchj on̈?

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Dn 9:18

Ach in Diosal, maclj wal ab' tas tzwal 'ayach. 'Ilt wal nab'n tzon̈ 'aji. 'Ix ma'x lan̈chjoc jun chon̈b' tzb'inaxi to ec yaji. Tzon̈ tew 'ayach, yujto cojtac to tz'o'ch a c'ojl 'ayon̈, man̈ yujoc qui wach'l 'a mun yol quico'.

Santiago 2:2

Q'uinloc 'ay junc rico tz'och 'a 'aj tzqui yamc qui b'a, 'aych junc scolc'ab' nab'a oro, caw wach' yaj yet' spichul. Tzlajw cha, tz'och pax junc meb'a', caw maysch'olnil yilx yet' spichul.

San Judas 1:23

Yet' pax eb' 'icha to 'ay't 'a scal c'ac', qui colc 'elt eb'. 'Icha to wan qui to'nec can 'elt eb' 'a scal c'ac' cha. 'Ay pax jun tzo'n̈ xo eb', yowlal tz'o'ch qui c'ojlec 'a eb'. Palta xiw coyc cab' pax yuj eb', yujto 'ay smay tzon̈ juwc 'el yuj sb'eyb'al eb'. Ax jun tzo'n̈ maysch'olnil chi tzb'o eb' cha, caw qui yajc can 'el smasnil, 'icha tzqui yajc 'el junc pichl caw b'i'chtac.

Apoc 19:8

yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'. A spichl caw sac cha, tzyal 'el'chi, atn swach'l eb' yic xo Dios.