Zacarías 3:1 - Chuj San Sebastian Bible

¹ 'Ix yaln pax Zacarías 'ixtic: 'Ix ch'oxx wil junx tic 'a 'icha waychil. 'Ix wilni to a Josué sat ya'mal 'och sti eb' 'anma 'a Dios, lin̈n 'och 'a yojltac yángel Jehová, ax 'a stojlal swach' c'ab' Josué cha, ata lin̈n 'och win 'a'm queja, yuj yaln win smul Josué cha.

Chuj San Mateo Bible

¹ Ix ch'oxji vila' to a vin̈aj Josué, aton vin̈ sat sacerdote, lin̈anoch vin̈ d'a yichan̈ Yángel Jehová. A d'a stojolal svach' vin̈aj Josué chi', ata' lin̈anoch vin̈ Satanás, yic syaloch smul vin̈aj Josué chi' vin̈.

Zacarías 3:1 ပူးပေါင်းရင်းမြစ်များ

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

1 Cr 21:1

Palta 'ix 'och win Satanás 'ajc'ojlal 'a eb' israel, 'ix ya'n sc'ojloc David sec tzyij chan̈ sb'isl eb' soldado.

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Esdras 10:18

A eb' ya'mal 'och sti eb' 'anma 'a Dios yijnac sb'a yet' eb' 'ix 'ix cha, atn eb' tic: A 'a scal eb' yin̈tl Jesúa win yunnal Josadac, yet' 'a scal eb' yican: ata x'elt Maasías, Eliezer, Jarib, yet' Gedalías.

Esdras 5:2

Xlajw cha, a Zorobabel yunnal Salatiel, yet' Jesúa yunnal Josadac, 'ix 'ochx eb' 'a munljel, sb'on pax chan̈ eb' yatut Dios 'a Jerusalén, 'ix colwj eb' schecb' Dios chi yet' eb'.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Salmos 109:6

A cab' junc win maysch'olnil snab'en tza'ch juezal, sec ax win licenciado to scolmal cob' winac, a cab' tzwach' 'a'n 'och smul win chi 'a yib'an̈.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Ez 44:11

'Oj 'a'wc servil eb' 'a watut, ax stan̈wni eb' yol sti spuertail watut yet' jun tzo'n̈ xo 'opiso; a eb' 'oj milnoc no noc' tz'ajx xajmb'al 'ayin, atn no tzeyac' ofrendail 'ayin; 'ixta 'oj yutc eb' ex ya'n servil.

Ez 44:15

Palta ax eb' ya'mal 'och sti eb' 'anma 'ayin, atn eb' levita yin̈tl can Sadoc, eb' an̈ja in ya'n servil 'a watut yic xyi'n 'el sb'a eb' et israelal 'ayin, cojn eb' chi 'oj stac' in ya'n pax servil. A eb' 'oj 'ochlc 'a wojltac yet' xepual no noc', yet' schic'l no xajmb'al.

Hageo 1:1

A 'a yic b'ab'l c'u yoch swacl 'uj yic schab'l ab'il yoch win Darío reyal, ata in schec Jehová an Hageo in tic yic tz'at in paxtinc yet' win gobernador 'a Judá, atn Zorobabel, yunnal can Salatiel, yet' pax Josué win sat ya'mal 'och sti eb' 'anma 'a Dios, win yunnal can Josadac.

Hageo 1:12

Yuj cha, a win Zorobabel cha, yet' Josué yet' pax smasnil eb' 'anma paxn̈cta 'a Babilonia, a yic xyab'n eb' spaxti Jehová Dios 'ix wal cha, yuj cha, caw 'ix xiw eb', syiclni eb'.

Hageo 2:4

Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Zacarías 1:13

'Ix ta'w Jehová 'a jun ángel tzpaxtin wet' cha, sec ax tz'a'n sniwnal in c'ojol.

Zacarías 1:19

Xlajw cha, xin c'anb'n 'ixtc 'a jun ángel tzpaxtin wet' cha: ¿Tas tzyal 'el'ch chan̈e ch'ac cha? xin chi 'a 'a. 'Ix yaln 'ayn 'ixtic: A chan̈e ch'ac cha, tzch'ox yipl jun tzo'n̈ nacion̈ 'a'jnac sactzic eb' 'aj Judá, eb' 'aj Israel yet' eb' cajn 'a chon̈b' Jerusalén, xchi.

Zacarías 1:9

Ax xwilni 'ayc' jun ángel 'a in stz'ey, yuj cha, xin c'anb'n 'a 'ixtic: Mamin, ¿mach jun tzo'n̈ 'ay q'ue 'a yib'n̈ chej cha? xin chi. 'Ix ta'w jun ángel tzpaxtin wet' cha, xyaln 'ixtc 'ayin: 'Oj in ch'ox 'ayach, mach jun tzo'n̈ cha, xchi.

Zacarías 2:3

Xlajw cha, 'ix 'at jun ángel cha. 'Ay junx ángel x'elt wul chanoc, a 'ix aln 'ixtc 'a 'a:

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.

Zacarías 6:11

A yet' q'uen plata yet' q'uen oro 'oj a cha 'a eb' cha, a yet' tza b'o junc corona. Tzlajw cha, tza'n q'ue 'a sjolm Josué sat ya'mal 'och sti eb' 'anma 'ayin, atn win yunnal Josadac.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Lc 22:31

'Ix yaln Cajlil 'ixtic: —Simón, 'ab'i, a win Satanás, caw 'ix sc'an win spermiso 'a Dios, yujto tznib'j win tzex yac' prowal 'icha tz'aj 'ixm trigo tzchayxi.

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

A Ch'an̈ B'ab'el Libro Samuel 6:20

Yuj cha, xyaln eb' 'aj Bet-semes chi 'ixtic: ¿Mach wal junc tztac' sc'och 'a yojltac Jehová, atn jun Dios caw 'ay smay? Mach wal 'aj tz'at ca'c can te', yic tz'el te 'a qui tz'eyc tic? xchi eb'.