Zacarías 2:8 - Chuj San Sebastian Bible

^8-9 A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Chuj San Mateo Bible

^8-9 A Jehová Yajal d'a Smasanil, schecan val juntzan̈ lolonel tic d'a juntzan̈ nación ix ex pechan saclem a ex schon̈ab' ex tic. A tz'alan icha tic: Yaln̈ej mach tz'ixtan in chon̈ab' tic, ichato a snenal yol in sat syixtej. Yuj chi' a in ol vac' oval yed' juntzan̈ nación chi', a in ol in chec eb' ayoch schecab'oc eb' yic a eb' ol ic'anec' jantac sb'eyumal eb', xchi Jehová. Icha chi' ol aj sch'oxan sb'a stziquiquial Jehová, icha pax chi' ol aj snachajel eyuuj to a' ix in checancot val d'ayex.

Zacarías 2:8 ပူးပေါင်းရင်းမြစ်များ

Gn 20:6

'Ix ta'w Dios 'a win rey 'ixtc 'a waychil: Wojtac to wach' xotej, yuj cha, ma'ach in chaj way yet' 'ix, sec wach' matz 'och a mul 'ayin.

A Ch'an̈ Schab'il Libro Yic Yab'ixal Eb' Rey 24:2

Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

Salmos 17:8

'Icha wal tzyutj junc mach sya'iln sc'ul yol sat, 'ixta tzin otej. C'ub'j in 'el yet' a poder, 'icha tzyutj no caxtiln̈ smoyn yune'.

Pr 7:2

Yiclj jun tzo'n̈ in checnb'il yet' in cuynb'il tic; 'icha tzotj a ya'iln sc'ul yol a sat, 'ixta tzotj eb', sec 'ay a q'uinal.

Is 49:19

A a chon̈b' mac'b'il can 'ejm lan̈chjoc, cusltac yajcni, palta ax ticnec, man̈x 'oj yab' lum scajn eb' 'anma cha. A eb' 'ajc'ojl satjnacch 'el cha, najt xo x'atcn eb'.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Ez 25:12

An Jehová Yajl in, an tzwal 'ixtic: Yujto 'ix 'ec' 'a yib'n̈ spacn sb'a eb' 'aj Edom 'a eb' yin̈tl Judá, yuj cha, caw 'ix 'och smul eb' 'a in sat, yujto spac sb'a eb'.

Ez 25:15

An Jehová Yajl in, an tzwal 'ixtic: Yujto a eb' filisteo, ya'jnac eb' sgana spacn sb'a 'a eb' 'ajc'ojl yajch 'a 'a, atn eb' 'aj Judá, yujto 'ay xon schichnc'ojlal eb' chi 'a eb', yuj cha spacn sb'a eb'.

Ez 26:2

Ach 'anma', a eb' 'aj Tiro, 'ix yal eb' 'ixtc 'a yib'n̈ chon̈b' Jerusalén: ¡A Jerusalén tox 'ix lajw 'ejmi! A 'a yic yalan̈, sb'e eb' chon̈wjum yaji, ata tztojcn eb' yic tz'ec' eb' yet' schon̈ cha, ax ticnec, tox xlajw 'ejm jun chon̈b' cha, yuj cha libre xo que'c ticnec yet' qui chon̈, 'oj cochc wal ricoal, xchi eb'.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Ez 35:5

Yujto ach tic toxn to 'ajc'ojl xon ajch 'a eb' israel, a lajjnac 'el eb' yet' owal yic 'aych eb' 'a syailal yuj smul.

Ez 36:11

An 'oj ex wac' niwtjoc yet' e cajb'en noc', til wal 'oj 'aj sb'isl 'anma'. Caw niwn 'anma 'oj cajnc junjn chon̈b' cha, yel xo wach' 'oj eyaj 'a 'icha 'a yictax yalan̈. Ax in eyojcan 'eli to an Jehová in.

Ez 38:11

'Oj cob' al 'ixtic: 'Oj 'at wac' owl yet' jun tzo'n̈ 'anma 'a jun tzo'n̈ chon̈b' may smuroal, may spuertail schon̈ab', may pax yijul, caw cob' tzaljc'ojlal yaj eb', palta may 'aj wach' scoln sb'a eb'.

Ez 38:14

Yuj cha, ach 'anma', al 'a Gog cha, to an Jehová in, an tzwal 'ixtic: A yic caw wal tzaljc'ojlal xo yaj pax in chon̈b' Israel, ax a nan chan̈ a'n owl yet' eb'.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Miqueas 4:11

A ticnec, caw niwn eb' nacion̈ jun tzyutj sb'a, yujto 'oj 'och eb' 'ajc'ojlal 'ayex, tzyaln eb' 'ixtic: 'Oj ca'c wal qui nab'en quiln tas 'oj 'aj Jerusalén slajw 'ejmi, xchi eb'.

Miqueas 5:6

A eb' chi 'oj 'at 'a'nc ganar yejm eb' 'aj Asiria yet' espada, atn snacion̈ win Nimrod. Caw 'oj qui colchjec 'el yuj jun qui yajlilec chi 'a yol sc'ab' eb' asirio cha, atn eb' xc'axw 'e't 'a qui mon̈jonec yuj yi'n 'ec' eb' qui lumec yalni.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Habacuc 2:17

Ax tic e ch'acjnac 'el eb' te niwc te 'a Líbano, ax ticnec wan eyab'n syal yuj jun cha. Til wal no noc' xlaj e mil ta', ax ticnec, a no 'oj eya'n 'och 'a xiwc'ojlal. 'Ixta wal 'oj eyaji, yujto til wal 'anma xlaj e mil chamoc, ma'ix 'o'ch xon e c'ojl 'a eb' 'anma 'a yolyib'n̈q'uinal yet' 'a schon̈b' eb'.

Habacuc 2:8

'Ix laj eyijcan 'ec' tastc 'ay 'a eb' 'anma 'a jun tzo'n̈ nacion̈, palta a eb' xcant cani, 'oj yi'cc eb' tas 'ay 'ayex. 'Ixta wal 'oj eyaj yuj eb', yujto til wal eb' milb'il eyu'uj, ma'ix 'o'ch e c'ojl 'a eb' 'anma cajn 'a jun tzo'n̈ nacion̈ cha, yet' 'a eb' chon̈b' 'ay 'a yol smacb'en eb'.

Sofonías 2:8

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: 'Ix wab' tas xyutj b'uchwjoc sb'a eb' moabita yet' eb' amonita 'a eb' in chon̈ab', yujto tznib'j eb' yi'cc slum eb' israel.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Zacarías 8:5

A scayeal jun chon̈b' cha, caw wal 'oj b'ut'joc 'el yuj eb' winc 'unin, yet' eb' 'ix 'unn 'oj laj tajnc ta'.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 25:45

Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Jn 17:18

'Icha in otj in a checn cot 'a scal eb' 'anma 'a yolyib'n̈q'uinl tic, 'ixta tzwutj eb' in checn 'at 'a scal eb' 'anma cha.

A Tas Sc'ulejnac Eb' Schecab' Jesús Hechos 9:4

Yuj cha, 'ix telw win 'a sat lu'um. 'Ix yab'n win yoch jun paxti'. 'Ix yaln 'ixtc 'a winac: —Saulo, Saulo, ¿tas yuj tzin a pech b'eyc'oc? xchi 'a winac.

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.

2 Ts 1:6

A eb' tzex 'ixtn ticnec, a Dios 'oj 'a'noc syailal eb'. Caw tojl tzyutj Dios 'ixta'.

1 Jn 4:14

An̈ tic on̈, caw quiljnac Yunnal Dios on̈. Yuj cha, tzca'n testigoal qui b'a on̈, chajtlto a qui Mam Dios, a 'a'jnac cot Yunnal chi wul scolnc 'el eb' 'anma 'a yolyib'n̈q'uinl tic.