Zacarías 2:4 - Chuj San Sebastian Bible

⁴ 'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

Chuj San Mateo Bible

⁴ Ixic d'a elan̈chamel, al d'a vin̈ quelem chi' icha tic: A Jerusalén, man̈xo ol yal-laj yoch smuroal, yujto a eb' anima ol cajnajxoc d'ay, man̈xo jantacoc ol aj sb'isul eb'. Ol te q'uib'paxchaan̈ noc' smolb'etzal noc' eb'.

Zacarías 2:4 ပူးပေါင်းရင်းမြစ်များ

Ester 9:19

Ax pax eb' israel cajn 'a jun tzo'n̈ xo chon̈ab', yet' 'a jun tzo'n̈ aldea to may smuroal schon̈ab', a 'a yic chan̈lajn̈e yoch 'uj Adar sb'i, ata xya'ch eb' q'uin̈ 'a tzaljc'ojlal, 'ix laj siylan eb' tastc 'a 'a.

Is 33:20

'Iltec wal Sión, atn jun chon̈b' to yic qui q'uin̈c yaji, ax eyiln pax swach'l yilx Jerusalén jun 'ejm xo, atn jun chon̈b' may tas tzna'a; 'icha junc mantiado matz xuyxcha'an̈, matz to'x q'uet yistacail, matz n̈i'chj junc sch'an̈il, 'ixta 'oj 'ajoc.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Is 49:20

Ach Jerusalén, lajn ach 'icha junc 'ix 'ix tz'alj yune' yic 'actb'il can 'ix yuj yichmil. Ax tz'aji tzmeltzj eb' yune 'ix chi 'a schon̈ab', tzsayn eb' 'aj tz'aj cajan, palta caw witzn xo jun chon̈b' chi yuj 'anma'.

Is 54:16

'Ilt nab'an, an waljnac, yuj cha 'ay win tenm q'ue'en, tzya'ch win sc'ac', ax yet' stzac'ac' chi tzyac' win c'acb'c q'uen q'ue'en, tzb'on win jun tzo'n̈ yamc'ab' yic owal. An pax waljnac, yuj cha 'ay eb' soldado tzyamc'ab'n jun tzo'n̈ yamc'ab' yic owl cha, sec 'ay pax mach tzsatl yu'uj.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Jeremías 31:24

A eb' 'anma cajn 'a jun tzo'n̈ chon̈b' 'a yol yic Judá, eb' munljum 'a tas tz'awxi, yet' eb' 'ilm calnelu, junxn̈ej 'oj 'aj eb' ta'.

Jeremías 31:27

A Jehová, a tzaln 'ixtic: 'Ay jun c'ul 'oj jawoc, 'oj wac' niwtjoc sb'isl eb' 'anma', yet' no noc' 'a yol yic Israel yet' 'a yol yic Judá.

Jeremías 33:22

A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

Ez 38:11

'Oj cob' al 'ixtic: 'Oj 'at wac' owl yet' jun tzo'n̈ 'anma 'a jun tzo'n̈ chon̈b' may smuroal, may spuertail schon̈ab', may pax yijul, caw cob' tzaljc'ojlal yaj eb', palta may 'aj wach' scoln sb'a eb'.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Dn 1:4

'Ix yaln win rey chi 'ixtic: A eb' quelm cha, yowlal to caw wal wach' yilx eb', may tas palta 'a sniwnal eb', caw jeln cab' eb', 'ay snab'en cab' eb' si'mb'il, eb' smoj wal ya'w servil 'a in despacho an rey in tic. Yowlal tzcuyx eb' 'a qui ti an̈ 'aj Babilonia on̈ tic.

Miqueas 7:11

Ex 'aj Jerusalén, jab'xoj sjaw sc'ul e b'on pax chan̈ smuroal e chon̈b' jun 'ejm xo; caw 'oj lewnb'oc pax e macb'en.

Zacarías 1:16

Yuj cha, an Jehová in, an tzwal 'ixtic: A ticnec 'oj in meltzj 'a Jerusalén yuj in ch'oxni to tz'o'x 'och in c'ojl 'a 'a. 'Oj b'ox chan̈ watut ta jun 'ejm xo, ax yechtax chon̈b' Jerusalén yic tzb'ox chan̈ jun 'ejm xo, xchi Dios. Ax ticnec 'at al-l jun tzon̈ tic muc'uc, xchi jun ángel chi 'ayin.

Zacarías 1:17

An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.

Zacarías 12:6

A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.

Zacarías 14:12

Palta ax jun tzo'n̈ nacion̈ 'oj yac' owl yet' Jerusalén, a Jehová a 'oj 'a'nc 'och syailal eb' si'mb'il. A eb' 'anma cha, 'ayc' eb' wal 'a spitznal ax sc'a schib'jal eb', 'oj c'a yol sat eb' 'a yol sb'aquil yet' yac' eb' 'a yol sti'.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.