Zacarías 2:13 - Chuj San Sebastian Bible

¹³ Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Chuj San Mateo Bible

¹³ Numc'ajocab' masanil anima d'a yolyib'an̈q'uinal d'a yichan̈ Jehová, yujto van scot yuj eb' schon̈ab', van yelta d'a yol scajnub' yicn̈ej yaji.

Zacarías 2:13 ပူးပေါင်းရင်းမြစ်များ

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

Salmos 11:4

A Jehová 'ayc' 'a yatut, atn jun to yicn̈ej yaji. A 'a satcha'an̈ ata 'ay sdespacho, tzcham wal yiln tas tzqui b'o an̈ 'anman̈ec tic.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Salmos 68:5

A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Salmos 78:65

Xlajw cha, 'ix jaw tza'njoc Cajlilec 'icha junc soldado tz'el te 'an̈ 'a sat. Caw wal tz'el yaw ya'n owal.

Is 14:2

Til wal 'anma 'a junjn nacion̈ 'oj colwjoc yi'n paxt eb' israel cha, 'oj cot eb' yet' eb' masnto 'oj jawc can pax eb' 'a slum 'ac'b'il yuj Jehová. A eb' 'a'jnac 'och eb' israel 'icha presoal 'a yic yalan̈, 'oj ya'x eb' israel chi spac 'a eb', 'oj can eb' chuc chon̈b'al chi 'icha presoal 'a yol schon̈b' eb' israel. 'Oj yac' eb' yajlil 'a yib'n̈ eb' xlaj 'ixtn cha.

Is 19:16

A 'a jun tiempoal cha, smasnil eb' 'aj Egipto lajn xoj 'oj yutc sb'a eb' 'icha eb' 'ix 'ix. Caw 'oj 'ib'xoc chan̈ eb' yuj xiwlal yic 'oj yilnc eb' sjaw syailal yuj Jehová tztac' yuj smasnil.

Is 41:1

Tzyal Dios 'ixtic: Ex chon̈b' cajn 'a sti a mar, sictac tzex 'aj 'a wojltac. Te'wtzejc e b'a e masnil ex nacion̈. Cotn̈ec, yamn tzon̈ 'ajec, tzqui mol alnec jun tzo'n̈ tic.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 57:5

Tzex laj 'och 'emmquilal 'a jun tzo'n̈ comn dios 'a yich eb' te te niwc xi'il, ata tzex 'och 'ajmulal. Tzlaj eya'nc eb' eyunnal xajmb'al-l 'a eb' yechl chi 'a slot'l q'uen q'uen 'a stitc a'.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Jeremías 25:30

Ach Jeremías, al smasnil jun tzo'n̈ paxti tic 'ixtc 'a eb': A Jehová 'icha wal sc'an̈ c'u, 'ixta 'oj 'awjoc 'emt 'a scajnub' 'ay 'a satcha'an̈, atn jun yet'l to cojn 'ay yico'. 'Icha wal yel yaw eb' te'm 'el yalil sat uva, 'ixta wal 'oj 'el yaw 'a smasnil eb' cajn 'a sat lum lum tic.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Sofonías 1:7

Sictac tzex 'aj 'a wojltac an Jehová Yajl in tic, yujto jab'xoj sjaw jun c'u yic 'oj wa'nc yowl in c'ojol. Tox 'ix wac' lista jun tzo'n̈ xajmb'al. Tox 'ix in si'l pax eb' 'awtb'il cot wac wet'oc.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Zacarías 4:9

A Zorobabel a 'ix 'a'n 'ejm yipnub'al yich jun watut tic, a pax 'oj lajnc 'el'chi. 'Ixta to b'i'an, ax snachj 'el yuj eb' in chon̈ab', chajtlto an Jehová in, tztac' wuj smasnil, an ach in chec coti.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

Dt 18:21

Palta toto ax tic 'oj e na 'ixtic: ¿Tas wal 'oj cutc cojcan 'eli, toto man̈oc Jehová tzaln jun tzyal tic? xe chi.

Dt 18:22

Toto a jun checb' cha, wan yaln jun tzo'n̈ paxti chi 'a in b'i an Jehová in, q'uinloc matz 'el'ch paxi, atn jun chi tzch'oxn 'eli to man̈oc in tzwala, mun tzb'an̈ sb'a yaln sch'ocoj. A jun cha, man̈ ex xiw 'a 'a, xchi Dios, xchi Moisés.

Dt 26:15

'Ilt on̈ 'emt 'a satchan̈ 'aj 'aych 'ec' 'a et'l to ecn̈ej yaji. Tza'n cot a yaxilal 'a quib'n̈ an̈ israel on̈ tic on̈, yet' 'a yib'n̈ lum lum xac' 'ayn̈ tic on̈, lum caw yax sat, 'icha wal otjnac aln can 'a eb' qui mam quichm on̈, xe chi 'a 'a.