Zacarías 14:6 - Chuj San Sebastian Bible

⁶ A 'a yic jun tiempoal cha, sacq'uinln̈ej, ma'oj checljoc yoc c'u, ma'oj q'uic'b'oc paxi.

Chuj San Mateo Bible

⁶ A d'a jun c'ual chi', sacleinacn̈ej ol ajoc, man̈toc te sacq'uinal, man̈toc te q'uic'q'uinal.

Zacarías 14:6 ပူးပေါင်းရင်းမြစ်များ

Salmos 112:4

Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Jeremías 4:23

An Jeremías in tic, ch'oxb'il wal wila' tas 'oj 'aj lum lum tic. Caw 'oj 'och lum cusltac lumal, man̈x 'a junc mach 'oj can cajn 'a sat lu'um. 'Ix wiln q'ue pax satcha'an̈, man̈x 'a sacq'uinl 'a 'a.

Ez 32:7

A yic 'oj ach in satnc 'el cha, 'oj 'och q'uic'q'uinl 'a satcha'an̈, ax stup yoc c'anal; 'oj 'och 'asn 'a sat c'u, ax stup pax yoc 'uj.

Ez 32:8

An Jehová in, an tzwala. A mulojoc, ax in tupn sc'a'l jun tzo'n̈ tas tzyac' sacq'uinlal 'a satcha'an̈, ax yoch q'uic'q'uinl 'a yol a chon̈ab'.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Jl 2:30

'Oj in ch'ox jun tzo'n̈ tas satjub'tac yilx 'a satcha'an̈, yet' pax 'a yolyib'n̈q'uinl tic, atn chic' yet' c'ac', yet' pax jun niwn tab' 'icha 'asun.

Jl 2:31

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Jehová in tic. A jun c'u cha, caw niwn yel'chi, caw 'ay smay.

Jn 1:5

A jun sacq'uinl tic, tzyac' sacq'uinl 'a 'aj 'ay q'uic'q'uinal. Ax jun q'uic'q'uinl cha, matz tac' ya'n tup jun sacq'uinl tic.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

A Tas Sc'ulejnac Eb' Schecab' Jesús Hechos 2:16

Palta a Joel, win schecb' Dios pecti', 'aycto, yaln can 'el yab'xil jun tic 'a Ch'an̈ U'un̈, 'a 'aj tzyal 'ixtic:

A Tas Sc'ulejnac Eb' Schecab' Jesús Hechos 2:19

'Oj in ch'ox jun tzo'n̈ tas satjub'tac yilx 'a satcha'an̈, yet' pax 'a yolyib'n̈q'uinl tic, atn chic' yet' c'ac', yet' pax jun niwn tab' 'icha 'asun.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

A Schab'il Carta San Pedro 1:19

An̈jtona', 'aycto sjaw Cajlilec, stz'ib'n can eb' schecb' Dios yab'xil. An̈ja 'ayc' Ch'an̈ Un̈ chi ticnec. A tas tzyal Ch'an̈ Un̈ cha, caw yel. Caw wach' tzcutjec qui b'a, toto an̈ja ca'nec 'och qui nab'en 'a tas tz'ib'b'il can yuj eb' cha. Yujto a Ch'an̈ Un̈ cha, lajn 'icha junc cantil tzqui tzic 'a 'aj caw q'uic'q'uinal. Tzyac' yoc 'ayon̈, masnto yic wan sacb'i, yic tzq'uel jun niwquil chac c'anal. 'Icha jun c'anal cha, 'ixta 'oj 'aj Cristo yic 'oj jawc paxi, ax swach' 'a'n sacq'uinl 'a qui pixnec.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.