Zacarías 14:5 - Chuj San Sebastian Bible

⁵ Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Chuj San Mateo Bible

⁵ Axo d'a jun ch'olan chi' ol ex el lemnajoc, yujto ol c'ochn̈ej d'a Azal. Ol ex el lemnaj icha ajnac yel lemnaj eb' e mam eyicham yuj jun quixcab' ec'nac ayic ayoch vin̈aj Uzías reyal d'a Judá. Axo Jehová co Diosal ol javoc yed' masanil eb' yicxo.

Zacarías 14:5 ပူးပေါင်းရင်းမြစ်များ

Salmos 96:13

yic 'oj jawc Jehová. 'Oj jawc wul yac' yajlil 'a sat lum lum tic. 'Oj yac' yajlil 'a yib'n̈ smasnil chon̈ab', ax sb'eyc'ojlax eb' yuj 'a stojlal.

Salmos 98:9

yujto tzjaw wul yac' yajlil 'a sat lum lum tic. A 'oj yac' yajlil 'a yib'n̈ smasnil chon̈b' 'a yolyib'n̈q'uinl tic. 'Oj sb'oyaj eb' 'anma 'a stojlal yet' 'a swach'il.

Jl 3:11

Tzann̈j 'aj 'ay jun tzo'n̈ nacion̈, syam cab' sb'a eb', cot cab' eb' muc'uc, smolb'tzoc cab' sb'a eb' yic tzya'n eb' owal, xchi Dios. 'Ix waln 'a 'ixtic: Mamin Jehová, 'ij cot eb' a soldado to caw wal 'ay yip jun xo, xin chi.

Am 1:1

An Amos in tic, cajm in noc' 'a chon̈b' Tecoa, a yic 'aych win Uzías reyl 'a chon̈b' Judá, ax Jeroboam, yunnal Joás, a 'aych reyl 'a Israel. Chab'oct ab'il sjaw jun niwquil quixcab' 'a jun chon̈b' tic, 'ix yaln Dios 'ayin to tzwal jun tzo'n̈ paxti tic 'ixtc 'a yib'n̈ chon̈b' Israel.

Miqueas 1:11

Ax xo ex cajn 'a chon̈b' Safir, 'ixquec can 'icha presoal, jitnex cab' 'eli tzex 'ati, q'uixweltac cab' eyilxi. Man̈x cab' 'eltoc eb' cajn 'a chon̈b' Zaanán. 'Ay 'oc'l 'a chon̈b' Bet-esel, man̈x 'a mach 'oj 'och eyet'oc.

Zacarías 4:7

Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Nm 16:34

A yic xyab'n eb' chon̈b' chi yel yaw eb' 'anma cha, 'ix 'at eb' 'eloc, xyaln eb' 'ixtic: Comnoc matz on̈ sb'u'c 'ejm lum jun xo, xchi eb'.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Lc 21:27

'Oj lajwc cha, ax yiln q'ue eb' 'anma', to an 'Ochnc in 'Anmal tic, 'oj weml 'a scal jun 'asun, man̈ jantcoc in poder yet' in tzictznial, ax in jawi.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

2 Ts 2:8

At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

Santiago 5:8

'Icha tzyutj sb'a eb' munljum cha, 'ixta tzeyutj e b'a eya'n niwnc'ojlal e tan̈wni sjaw Cajlilec. Te'n tzeyutj pax e b'a, yujto jab'xoj 'oj jawoc.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 20:4

Ax xwilni, 'ay jun tzo'n̈ despacho. Ata wocn 'ejm jun tzo'n̈ eb' 'ac'b'il yopiso sb'eyc'ojlwi. 'Ix wiln pax spixn jun tzo'n̈ eb' tzuc'b'il 'el sjolom, yujto ya'jnac testigoal sb'a eb' yuj Jesús, yaln pax 'el eb' spaxti Dios. A eb' cha, ma'ix yal sb'a eb' 'a jun noc' sb'i, yet' 'a jun yechel. Ma'ix schaj 'och eb' senyail 'a snan̈l sat mto 'a sc'ab'. Ax xwilni, pitzn eb'. 'Aych eb' yajlil jun mil ab'il yet' Cristo.