Zacarías 13:1 - Chuj San Sebastian Bible

¹ A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Chuj San Mateo Bible

¹ A d'a jun c'ual chi', ol jacchaj jun sjaj a a', yic vach' ol yal sb'icchajel smul eb' yin̈tilal vin̈aj David yed' pax schucal eb' yed' yic eb' cajan d'a Jerusalén.

Zacarías 13:1 ပူးပေါင်းရင်းမြစ်များ

Salmos 51:2

B'icl in maysch'olnilal, sacb'tzej in 'a scal in mul,

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

Ez 36:17

Ach 'anma', a yic 'ayt 'ec' eb' e mam eyichm 'a slu'um, caw wal xyixtj 'el slum chi yuj stu b'eyb'al. A jun sb'eyb'al eb' cha, caw wal yajb'il 'el wu'uj.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Ez 36:29

'Oj ex in tan̈woc sec man̈x 'oj eyixtc 'el e b'a yuj jun tzo'n̈ tzex jun 'el cha. Ax wa'n niwtjoc sat e trigo, sec man̈x 'oj eyac' wejel.

Ez 47:1

Xlajw cha, in yi'n pax 'och jun winc chi 'a yol sti yatut Dios. Ax xwilni, a 'a yaln̈ smarcoal sti puerta q'ueln 'at 'a 'aj tzq'uel c'u, ata tzpac' q'uet jun a', ax 'a stojlal 'aj tzq'uel c'u cha, ata tz'atcn a', tz'ec' a 'a snan̈l yamq'uil yatut Dios, tz'ec' a 'a stojlal sur yic yet'l xajmb'al.

Lv 11:36

Palta q'uinloc a 'a yol junc a 'uc'b'il a tz'em no', mto 'a 'aj tzpac' jun a cha, wach'n̈j a', may tz'aj sjuwi; palta a mach tz'i'n q'uet no 'a yojl a', atn jun chi man̈ wach'c tz'ajcni.

Miqueas 5:12

'Oj in satl smasnil eb' b'alm 'a e cal. Man̈x 'a junc eb' 'ajchum 'oj wactc cani.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 5:4

Yujto 'ay 'aj tzwulc' 'emt jun ángel 'a jun a cha, tzwul ya'n 'ib'xoc a'. An̈j junc tzb'ab'l 'ejm 'a yojl a', an̈j tzb'ox can sc'ojl yuj tzann̈j tas palta yaj 'a 'a.]

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 5:6

A Jesucristo wulnc 'ec' 'a yolyib'n̈q'uinl tic. Wul ya'jnac bautisar sb'a. 'Elnc pax schiq'uil. Man̈ cojnoc wul ya'jnac bautisar sb'a, palta 'elnc pax schiq'uil. A Yespíritu Dios tzalni, to yel jun tzo'n̈ tic. A Yespíritu cha, caw yel.