Zacarías 12:5 - Chuj San Sebastian Bible

⁵ A yic 'oj yilnc eb' syajlil Judá jun tic, ax yaln eb' 'ixtic: A Jehová tztac' yuj smasnil, sDiosal eb' 'aj Jerusalén quet'ec, a tz'a'n yip eb', 'oj schic eb'.

Chuj San Mateo Bible

⁵ Ayic ol yilan juntzan̈ tic eb' yajalil Judá, ol yalan eb' icha tic: A val Jehová Yajal d'a Smasanil, co Diosal yed' eb' aj Jerusalén, a tz'ac'an yip eb' aj Jerusalén chi', xcham eb'.

Zacarías 12:5 ပူးပေါင်းရင်းမြစ်များ

Salmos 144:1

¡Alx cab' wach' paxti 'a Jehová, yujto a 'aj tzin col in b'a! A tzin cuyni, tzya'n in jelnal sec tztechj wa'n owal.

Salmos 18:32

Ach tzac' wip, tza b'on in b'eyb'al.

Salmos 18:39

Ach xac' wip yic xwa'n owal. A eb' 'ajc'ojl yajch 'ayin, 'ix ac' yic' 'ejm sb'a eb' 'a wojltac.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 1:26

Ax wa'n pax 'och eb' juez tojl snab'en 'a e cal jun 'ejm xo, yet' eb' 'a'm nab'en yaj 'a e cal 'icha xon eyaj 'a yic pecti'. Ax yajx sb'ic jun chon̈b' tic, Tojol, Yiclum.

Is 28:5

A 'a yic jun c'ul cha, a Jehová tztac' yuj smasnil, 'icha junc corona caw wach' yilxi, 'ixta 'oj 'aj 'a jaywn̈ocx eb' schon̈b' 'oj can cha, 'icha wal tzyutj sb'an̈n sb'a junc mach yet' scorona, 'ixta 'oj 'aj 'a eb'.

Is 28:6

A 'oj 'a'nc sna eb' juez yic tzb'eyc'ojlwi eb' 'a stojlal, 'oj yac' yip eb' soldado yic tztan̈wni eb' schon̈ab'.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 32:1

'Ay wal jun rey 'oj 'a'nc yajlil 'a stojlal, 'ay pax eb' yajl to caw wach' 'oj yutc ya'n yajlil.

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Is 60:17

Yuj cha, a tas 'ay 'ayex, 'oj in jela': a q'uen bronce, a q'uen oro 'oj wac' sjeloc; ax q'uen hierro, a q'uen plata 'oj wac' sjeloc; ax te te', a q'uen bronce 'oj wac' sjeloc; ax q'uen q'ue'en, a q'uen hierro 'oj wac' sjeloc. A eb' eyajlil 'oj wac'a', 'oj yac' eb' yajlil 'a stojlal sec 'ay junc'ojlal 'a yol e chon̈ab'.

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Zacarías 12:4

A 'a yic jun c'ul cha, an Jehová in, an 'oj in xib'tc smasnil schej eb' 'ajc'ojl cha, 'icha 'owya 'oj wutc can eb' soldado 'ay q'ue 'a yib'n̈ no'. Caw 'oj in tan̈wc eb' yin̈tl Judá, ax smasnil schej jun tzo'n̈ nacion̈ cha, man̈x 'oj stac' yiln e no'.

Zacarías 12:6

A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.

Zacarías 14:14

A 'a yic jun tiempoal cha, 'oj cot eb' 'ay 'a yol smacb'en Judá colwjc yet' eb' 'aj Jerusalén. Ax sto'n 'ec' eb' sricoal smasnil nacion̈ 'ay 'a stz'ey, caw wal niwn q'uen oro, q'uen plata yet' pichl 'oj smolb'tzoc eb'.

Jueces 5:9

A in pixan, caw 'ayc' yet' eb' syajlil chon̈ab', 'ayc' pax yet' eb' c'asn sc'ojl s'at 'a owal. ¡Tzwal wach' paxti 'aych Mamin Jehová!