Zacarías 12:12 - Chuj San Sebastian Bible

^12-14 Junjn 'in̈tal eb' 'a snacion̈ cha, chucchc 'ay eb' ax yoc' eb', a eb' yin̈tl David, eb' yin̈tl Natán, eb' yin̈tl Leví, yet' eb' yin̈tl Simei, yet' pax jun tzo'n̈ xo 'in̈tal eb', chucchc pax tz'oc' eb', an̈jtona yistzil eb', chuc pax 'aj tz'oc' eb'.

Chuj San Mateo Bible

^12-14 Junjun macan̈ in̈tilal d'a nación chi', ch'occh'oc yaj eb' ayic ol oc' eb': Aton yin̈tilal vin̈aj David, yin̈tilal vin̈aj Natán, yin̈tilal vin̈aj Leví, yin̈tilal vin̈aj Simei yed' juntzan̈xo macan̈ in̈tilal, ch'occh'oc b'aj ol oc' eb'. Yed' eb' ix yetb'eyum eb', ch'oc b'aj ol oc'pax eb' ix.

Zacarías 12:12 ပူးပေါင်းရင်းမြစ်များ

A Ch'an̈ Schab'l Libro Samuel 12:1

'Ix schecn 'at Jehová win Natán 'a David. Ax yic xc'och win 'a David cha, 'ix yaln win 'ixtc 'a 'a: —'Ay chawn̈ winc 'a jun chon̈ab', jun winac caw wal rico, ax junx winac, caw wal meb'a'.

A Ch'an̈ Schab'l Libro Samuel 5:14

A eb' yunnal 'aljnac 'a Jerusalén, atn eb' tic: Samúa, Sobab, Natán, Salomón,

Ex 12:30

A smasnil eb' 'aj Egipto, 'ix q'ue wan eb' 'a yic jun 'ac'wl cha. Caw wal tz'oc' win rey, tz'oc' pax eb' 'aych yajlil yet'oc, yet' smasnil eb' 'anma 'a yol yic Egipto cha, yujto man̈x 'a junc n̈a 'ajtil may chaml 'ix 'ochi.

Jeremías 13:18

'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

Jeremías 3:21

Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

Jeremías 31:18

'Ix wab' wal sc'acw eb' 'aj Efraín yuj cusc'ojlal, tzyaln eb' 'ixtic: An̈ tic on̈, on̈ a cuy 'icha tz'aj scuyx junc no quelm wacx man̈ yojcoc smunlji, on̈ c'ay o'oj. 'Ij on̈ meltzjoc et'oc, scha cab' a c'ojl tzon̈ meltzji, yujto ach tic, Jehová qui Diosal ach.

Jeremías 4:28

Caw cusltac 'oj 'ajcn lum lum tic, an̈jtona', caw cusltac yilx 'oj 'ajcn satcha'an̈. 'Ixta 'oj 'ajoc, yujto 'ixta tas 'ix in na'a. 'Ix waln can pax 'eli, to man̈x 'oj jelmjoc, yowlal 'oj 'el'choc.

Jl 2:16

Smolb'tzoc cot cab' sb'a smasnil eb' schon̈b' Dios, sacb'tzoc cab' sb'a eb'. Smolb'tzoc cot cab' sb'a eb' 'ichmtac 'anma', eb' 'unin, yet' eb' tz'ulc 'unn tzat chuwi. An̈jtona eb' tot xlajw snupni, 'elt cab' eb' 'a yol yatut.

Zacarías 12:11

A wal 'a yic jun c'ul cha, 'oj 'och wal jun niwquil 'o'l 'a Jerusalén, 'icha wal cusc'ojlal 'ochnc yuj jun comn dios tzcuch Hadad-rimón 'a span̈nil Meguido.

Zacarías 7:3

Xwul sc'anb'noc eb' 'ixtc 'a eb' schecb' Dios, yet' 'a eb' ya'mal 'och sti eb' 'anma': ¿An̈j 'ijnoc am tzca'ch te pichl n̈achtac yic cusc'ojlal on̈, tzon̈ 'och pax am 'a c'ajb'c'ojlal 'a yotquil 'uj yic junjn ab'il, yic tzqui nan cot sma'nb'il 'ejm yatut Dios, 'icha xon tzqui b'o'ec, masnto ticnec? xchi eb'.

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.

1 Co 7:5

Yuj cha, matz tac' e tenn 'och wan tas tznib'j eyitb'eym 'ayx junjn ex. Cojxn toto tze molalej, tzeyactn can jun chi jaye'oc c'u, sec wach' tzex leslwi 'a Dios wal 'a smasnil e c'ojol. Tzlajwn̈ej jaye c'u cha, junn̈j tzex 'ajx cani, sec matz ex 'ajx juwc 'el yuj win Satanás. Yujto 'ay smay, matz tac' e tenn 'och wan e niwnal.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.