Zacarías 12:11 - Chuj San Sebastian Bible

¹¹ A wal 'a yic jun c'ul cha, 'oj 'och wal jun niwquil 'o'l 'a Jerusalén, 'icha wal cusc'ojlal 'ochnc yuj jun comn dios tzcuch Hadad-rimón 'a span̈nil Meguido.

Chuj San Mateo Bible

¹¹ A d'a jun c'ual chi', ol och val jun nivan cusc'olal d'a eb' aj Jerusalén, icha tz'aj scus eb' anima d'a ac'lic Meguido yuj jun comon dios scuch Hadad-rimón.

Zacarías 12:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:29

A 'a jun tiempoal cha, 'ix 'at win Necao sreyl Egipto yet' eb' soldado 'a a Éufrates colwjoc yet' sreyl chon̈b' Asiria. 'Ix 'elt rey Josías yet' eb' soldado yac' owl yet' Necao 'a Meguido, palta ma'ix yac' ganar Josías jun owl cha, 'ix chami.

2 Cr 35:22

Palta ax Josías ma'ix syiclj smeltzji, to 'ix ste'wtzej sb'a ya'n owl yet'oc. Ma'ix schaj yab' tas 'ix yal Necao, tic pax a Dios 'ix alni. Yuj cha, 'ix ya'n owl yet' 'a jun pan̈n 'a'lic 'a yol yic Meguido.

2 Cr 35:24

Xlajw cha, xyi'n 'elt eb' schecb' 'a yol scaruaje cha, 'ix ya'n 'och eb' 'a yol junx schab'l caruaje. 'Ix yi'n 'at eb' 'a Jerusalén. Ata xchami. 'Ix smucn eb' 'a yet'l eb' smam yicham. Smasnil eb' 'aj Judá yet' eb' 'ay 'a chon̈b' Jerusalén 'ix 'oc' eb' yu'uj.

Zacarías 12:12

Junjn 'in̈tal eb' 'a snacion̈ cha, chucchc 'ay eb' ax yoc' eb', a eb' yin̈tl David, eb' yin̈tl Natán, eb' yin̈tl Leví, yet' eb' yin̈tl Simei, yet' pax jun tzo'n̈ xo 'in̈tal eb', chucchc pax tz'oc' eb', an̈jtona yistzil eb', chuc pax 'aj tz'oc' eb'.

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Apoc 16:16

Ax eb' demonio cha, 'ix ya'n eb' syam sb'a eb' niwc yajl 'a jun lugar Armagedón sb'i 'a hebreo.