Zacarías 11:9 - Chuj San Sebastian Bible

⁹ 'Ix waln 'a e no calnelu chi 'ixtic: Man̈x 'oj ex wil ticnec. Toto 'ay junc ex tzex chami, chamn̈ec. Toto 'ay junc ex tzex milx chamoc, milxquex cab' chamoc. Ax xo ex tzex cancnto, chic 'ejm e b'a junjn ex, xin chi 'a e no'.

Chuj San Mateo Bible

⁹ Ix valan d'a noc' calnel chi' icha tic: Man̈xo ol ex in tan̈vej. Tato ay junoc ex tzex chami, chaman̈ec. Tato ay junoc mach tzex milanchamoc, ex miljocab'chamoc. A exxo tzex to cani, tze satlajel e b'a, xin chi d'a noc'.

Zacarías 11:9 ပူးပေါင်းရင်းမြစ်များ

Jeremías 19:9

'Oj wac' e chi 'ejm eb' eyunnal yet' eb' eyisil, ax wa'n e chi 'ejm e b'a junjn ex yuj wejel, yic 'oj 'och oyn eb' 'ajc'ojl 'a spatquil e chon̈ab', xchi Dios, xa chi 'a eb'.

Jeremías 23:33

'Ix yaln Jehová 'ayn 'ixtic: Ach Jeremías, toto 'ay junc 'anma 'a jun chon̈b' tic, mto junc tzyalch sb'a in checb'oc, mto junc ya'mal 'och sti eb' 'ayin, tzc'anb'n 'aych 'ixtic: ¿Tas wal tzyal schecnb'il Jehová? toto xchi eb'. Ach xo tzal 'ixtc 'a 'a: Ach tic, lajn ach 'icha junc 'ictz 'a Jehová, yuj cha, 'oj ach ya'cn 'ejmi, xa chi 'a 'a.

Jeremías 23:39

Yuj cha, 'oj wa'cn sat in c'ojl 'ayex, yet' 'a jun chon̈b' 'ix wac' 'ayex, yet' 'a eb' e mam eyicham. Caw najt 'aj 'oj 'at ex in julcn 'eli.

Jeremías 43:11

A yic 'oj jawoc, 'oj satl jun nacion̈ Egipto tic yu'uj. A mach to a yab'il xon 'oj milnoc, atn yab'il chi 'oj milnoc, a mach to 'oj 'ijxoc 'at xon 'icha presoal, 'oj 'ijxoc 'at 'icha presoal, a mach to a 'a owl xon 'aj 'oj chamoc, atn 'a owl chi 'oj chamoc.

Ez 5:10

Yujto 'ay eb' mamb'il 'oj schi yunnal 'a e cal, 'ay pax eb' 'unnab'il 'oj schi smam. Yuj cha, ax wa'n 'och wal yailal 'a e cal, ax eb' ma'oj chamoc, 'oj sactzic eb' in pechn can 'at 'a scal jun tzo'n̈ xo nacion̈.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Zacarías 13:8

An Jehová in, an tzwala, to a eb' 'anma cajn 'a jun nacion̈ tic, 'ec'b'al spacl eb' 'oj chamoc. Jaywn̈ xoj eb' 'oj canoc.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Mt 21:19

Ax 'ix yilni 'ay jun te snun higo 'a sti b'e. 'Ix c'och 'a te', palta may junc sat te x'ilchj yu'uj. Cojn xil te 'ay. Yuj cha, xyaln 'ixtc 'a te': —Man̈x 'a cab' b'a'n̈ 'oj ac' junc a sat, xchi 'a te'. Yajn̈j wal cha, xtacj 'el te'.

Mt 21:43

Yuj cha, tzwal 'ayex, 'oj yal Dios to man̈x 'a eyaln eyic eyoch 'a yol sc'ab'. Ax yaln 'a jun tzo'n̈ xo eb' 'anma', to 'ay yaln eb' yic yoch e jeloc. Yujto a eb' cha, lajn eb' 'icha eb' tz'a'n stojl te 'awb'ente 'a win 'aj lu'um.

Jn 12:35

Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Jn 8:21

'Ix yaln Jesús 'a ewin 'ixtic: —An tic, 'oj in 'ati. Ax xo tic 'oj cob' in e sayq'ui, palta a 'a scal e mul 'oj e chami. Yuj cha, ma'oj stac' e comn c'och 'a 'aj 'oj in c'och cha, xchi.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Apoc 22:11

A ticnec, a eb' an̈ja sb'on maysch'olnil, swach' b'oc cab' eb' maysch'olnil cha. Yet' eb' an̈ja sb'on jun tzo'n̈ tas yajb'entac, swach' b'oc cab' eb'. Ax eb' tzb'on tas wach', swach' b'oc cab' eb' wach'l cha. Yet' eb' 'aych snab'en 'a Dios, swach' 'a'c cab' 'och eb' snab'en 'a 'a, xchi.