Zacarías 11:5 - Chuj San Sebastian Bible

⁵ A eb' tzmann e no cha, matz 'och 'il eb' jab'oc yic tzmiln eb' e no', ax eb' tzchon̈n e no cha, tzyaln eb' 'ixtic: Yuj wal dios 'a Jehová, a ticnec tox on̈ 'ochc ricoal, xchi eb'. 'Ixta pax eb' caw yilmal e no', toxn matz cus eb' jac yuj e no'.

Chuj San Mateo Bible

⁵ A eb' smananel noc', malaj jab'oc sna eb' yuj b'aj smilcham noc', axo eb' schon̈an noc' chi', syal eb' icha tic: Yuj val dios, a ticnaic b'eyum on̈xo, xchi eb'. Axo pax eb' stan̈vumal noc', man̈ jab'oc tz'oc' sc'ol eb' yuj noc'.

Zacarías 11:5 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 4:1

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

Nehemías 5:8

Xlajw cha, xwaln 'a eb' 'ixtic: An̈ tic on̈, caw 'ix cac' 'ip qui coln 'el eb' quit chon̈b'ec chon̈b'il can 'at 'a jun tzo'n̈ xo nacion̈, ¿tom 'oj e chon̈x 'at eb' quit chon̈b'ec, an̈ xo 'oj qui manl eb' jun 'ejm xo on̈? xin chi 'a eb'. Caw sictac xoj xcan eb', man̈xtoc xnachj 'el yuj eb' tas xyutj eb' sta'wi.

Jeremías 2:3

A yic cha, wic eyaj ax israel ex tic, 'icha wal sb'ab'l sat 'awb'en. An Jehová in, an tzwala, to a smasnil eb' ex 'ixtni, x'och smul eb', xwa' cot yailal 'a yib'n̈ eb', xchi Dios, xa chi 'a eb', xchi 'ayin.

Jeremías 50:7

Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.

Ez 34:21

Ax yajl ex cha, tzlaj e tench e b'a 'a eb' 'emmquilal yeq'ui, najt tzc'ochcn eb' eyecn telwoc. 'Ay eb' tzlaj eyixtoc, tzlaj e pechn b'eyc'oc eb'.

Ez 34:6

Ton̈j tzpucb't e no calnelu chi 'elc 'a jolmctac witz, tzlaj satcn 'at e no'. Toc 'ay mach tz'och 'il sayn 'ec' e no'. 'Icha eb' cha, 'ixta eyaj 'a eb' in chon̈ab'.

Os 12:8

Tzyaln eb' 'ixtic: On̈ 'ochc ricoal. Wach'xam rico on̈c xo, palta may mach tztac' ya'n yowlal 'ayn̈ec, yic tzyaln eb' to on̈ 'ochc ricoal yuj ca'm 'esal, xchi cob' eb'.

Os 12:9

Palta an Jehová e Diosal in, yic 'ayc' eb' e mam eyichm 'a lum Egipto, scajn eb' mantiado, yuj cha, 'oj wa'x e caj jun tzo'n̈ mantiado chi jun 'ejm xo, 'icha ya'jnac yic yec' cajn eb' 'a lum cusltac lu'um.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Jn 10:1

'Ix yaln Jesús 'ixtic: Q'uinloc 'ay junc col-l calnelu ticnec. 'Ay pax junc winc tz'och 'a yojl te col-l cha. Wal yel tzwal 'ayex, toto man̈oc 'a sti jun col-l chi tz'ochi, toto chuc 'aj tzcomn 'ochi, a jun cha, 'elc'um.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

Apoc 18:13

'Ay pax canela, yet' jun tzo'n̈ xo te su'q'ui sjab' tzc'uxxi, yet' jun tzo'n̈ incienso, mirra, perjuma, yal uva, aceite, 'ixm harina caw wach', yet' trigo. 'Ay no calnelu, 'ay pax no 'ictzum noc', 'ay no chej. 'Ay caruaje, 'ay pax eb' moso man̈ yico'oc sb'a.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.