Zacarías 11:17 - Chuj San Sebastian Bible

¹⁷ Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Chuj San Mateo Bible

¹⁷ Ob'iltac val jun stan̈vumal in chon̈ab' malaj pensar chi', yujto syactejcan tas stan̈vej. Sicb'ocab'el svach' c'ab', tzepjocab'el d'a q'uen espada, ic'jocab'paxq'ueta yol sat d'a svach', xchi Jehová.

Zacarías 11:17 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:4

'Ayc' win rey Jeroboam chi 'a stz'ey jun yet'l xajmb'al cha, a yic xyab'n win smasnil tas 'ix yal win schecb' Dios chi 'a jun yet'l xajmb'al 'ayc' 'a chon̈b' Betel cha, 'ix ya'n 'at win sc'ab' 'a jun schecb' Dios cha, 'ix yaln 'ixtic: ¡Yamc coti! xchi. Palta a jun sc'ab' 'ix ya't 'a yic sch'oxn cha, caw x'ochcn yip, man̈x 'ic stac' spacn sb'a.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 44:10

A eb' tzb'on junc yechl comn dios 'a q'uen q'ue'en, nab'an̈ej tzyixtj sb'a eb' sb'oni.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Jeremías 22:1

'Ix yaln Jehová 'ixtc 'ayin: 'Ixc 'ejm 'a sdespacho win sreyl Judá, tzaln jun tzo'n̈ paxti tic 'a winac,

Jeremías 23:1

A Jehová tzaln 'ixtic: Ex yilmal in chon̈ab', caw lajn ex 'icha eb' 'ilm calnelu to tzmiln cham e no', tzsactzic can 'at pax e no yuj eb', xchi Dios.

Jeremías 23:32

An tzwala, to caw own pax 'a jun tzo'n̈ eb' checb' tz'ac yal-l swayich. Yuj wal jun tzo'n̈ niwc 'es tzyac' eb' cha, yuj cha, tzsatcn 'at eb' in chon̈b' yuj eb'. Palta man̈oc in 'ix in checb't eb', may junc in checnb'il xwal 'a eb'. Yuj cha, may tas wach' yi'n eb' in chon̈b' 'a eb', xchi Dios.

Ez 13:3

¡'Ay, 'oltac wal jun tzo'n̈ eb' checb' mun tzcob' yal junc tas 'a yol yico'! Man̈ yeloc to 'ay tas tzyil eb' cha.

Ez 34:2

Ach 'anma', al 'a eb' yilmal chon̈b' Israel to an Jehová Yajl in, an tzwal 'a eb' 'ixtic: ¡'Ay, 'oltacx wal ex yilmal chon̈b' Israel! mun ax tze tan̈wj e b'a, man̈oc eb' chon̈b' tze tan̈wj 'icha stan̈wx no calnelu.

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Zacarías 11:15

'Ix yaln pax Jehová 'ayn 'ixtic: A ticnec, 'utj a b'a 'icha junc 'ilm calnelu matz ya'ch 'a sc'ojl yiln e no'.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 23:16

Ax tic, lajn ex 'icha junc matz uj yilni, tzcob' squetznc 'at junc xo mach. Caw 'oltac ex, yujto tzeyal 'ixtic: Toto 'ay mach tzlocn sb'i yatut Dios yic tzya'n junc sti', man̈ yowlalc ya'n 'el'choc sti cha. Palta toto 'ay mach tzlocn sb'i q'uen oro 'aych 'a yatut Dios, yowlal tzyac' 'el'choc sti cha, xe chi.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

Ro 11:7

Palta ¿tas tz'aj eb' wit israelal tze na'a? 'Ix ya'lj eb' sayni chajtl tz'aj eb' yoch wach'l 'a sat Dios, palta ma'ix stac' yuj eb'. Cojn eb' sic'b'il 'el yuj Dios 'a scal eb' cha, a eb' stac' yu'uj. Ax jun tzo'n̈ xo eb', ton̈j 'ix wach' 'ajx pitb'oc 'el eb'.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

A Ch'an̈ B'ab'el Libro Samuel 2:31

Wan xo sjaw sc'ul wi'n 'ec' opiso yet' yic eb' a mam echam, man̈x 'a xon junc eb' en̈tl 'oj 'och 'ichm 'anma'il.