Zacarías 11:11 - Chuj San Sebastian Bible

¹¹ Atn 'a yic jun c'ul cha, xlajw can jun trato cha, ax eb' manm calnelu cha, wan in sb'eyc'ojlan eb'. Xnachj 'el yuj eb' chajtlto a Jehová tzaln jun tzo'n̈ wan in b'on cha.

Chuj San Mateo Bible

¹¹ Aton d'a jun c'u chi', ix lajvican jun trato chi', axo eb' ay yic noc' calnel chi', van yilan eb' tas van in c'ulan chi', ix nachajel yuj eb' to a Jehová van slolon yuj tas van in c'ulan chi'.

Zacarías 11:11 ပူးပေါင်းရင်းမြစ်များ

2 Cr 9:14

Man̈ 'ayc 'och pax q'uen stojlb'al eb' chon̈wjum stz'acb'oc q'ue'en. An̈jtona yet' smasnil eb' sreyl Arabia yet' smasnil eb' gobernador 'a yol smacb'en chon̈b' Israel, tzyij cot eb' q'uen oro yet' q'uen plata 'a 'a.

Salmos 69:33

A Jehová, schaj yab' tas tzyal eb' meb'a', matz patquilj can 'el eb' yic 'aych 'a preso.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Jeremías 32:8

'Icha wal xyutj Jehová chi yaln 'ayin, 'ixta 'ix 'aji. 'Ix jaw win wican Hanamel chi 'ayin, yic 'ayn 'ec' 'a yamq'uil sti te preso 'a 'aj 'ayc' eb' tztan̈wni sdespacho win rey. 'Ix wul yalnc 'ayin chajtlto tzin man jun slum 'ay 'a Anatot 'a yol yic Benjamín. An 'ay waln wic in mann lu'um, yujto wican to in b'a yet' winac. Atta 'ix nachj 'el wu'uj, to spaxti Jehová jun cha.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Lc 19:48

Palta ma'ix nachj yuj ewinac, tas tzyutj eb', yujto 'aych sc'ojl smasnil 'anma yab'xni 'a 'a.

Lc 2:25

Ax 'a jun tiempoal cha, ata 'ayc' jun winc 'a Jerusalén, Simeón sb'i. Caw tojl snab'en, an̈j 'a Dios tzyal sb'a. Caw tztan̈wj sjaw jun tiempoal, yic 'oj colchjoc eb' yit israelal. Caw 'aych pax Yespíritu Dios 'a 'a.

Lc 2:38

A 'a jun rato cha, 'ix c'och 'ix 'a eb', xya'n 'ix yuj diosal 'a Dios. Xlajw cha, 'ix syamn 'och 'ix yaln 'el yab'xil Jesús 'a scal jantcn̈ej eb' wan stan̈wni sjaw jun tiempoal yic 'oj colchjoc 'el chon̈b' Jerusalén.

Lc 23:51

Palta toxn ma'ix ya'ch sb'a win yet' ewin xb'on jun cha, yujto wan stan̈wni win swach' 'och Dios Yajlil.

Lc 7:22

Yuj cha, 'ix yaln Jesús 'a eb' schecb' Juan chi 'ixtic: —Paxn̈ec 'a Juan cha. C'uxn tzeyal 'a 'a, tastc xeyab'i, xeyil 'a tic. Tzeyaln 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tzax stac' sb'ey eb'. Ax eb' tzlaj c'a yuj lepra, tzlaj b'ox can sc'ojl eb'. 'Ay eb' chacan̈, tzax laj yab' pax eb', 'ay pax eb' chamnac, tzlaj 'ajx pitzwc pax eb'. Ax eb' meb'a', wan yalx wach' 'ab'x yic colnb'il 'a eb'.

Dt 31:21

Palta a wal yic 'oj jawc jun tzo'n̈ yailal yet' somc'ojlal 'a yib'n̈ eb', a jun b'it tic, a 'oj yac' testigoal sb'a 'a eb'. Ax yin̈tl eb', 'oj sna cot eb' jun b'it tic, ax sb'itnan eb'; yujto a yic mantzac xon c'och eb' 'a sat lum lum 'aj 'ix wac' in ti wa'n 'a eb', wojc xo si'mb'il, tas 'ayc' 'a snab'en eb', xchi Dios 'a Moisés cha.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.