Zacarías 10:3 - Chuj San Sebastian Bible

³ A Jehová a tzaln 'ixtic: Caw wal xcot wowl 'a eb' yilmal in chon̈ab', yuj cha, 'oj wa'ch syailal eb' yajl yaj 'a eb'. An Jehová tztac' wuj smasnil, an 'oj in tan̈wc eb' in chon̈ab', atn eb' yin̈tl Judá. A eb' 'oj in c'anlb'oc 'icha no chej 'a'm owal.

Chuj San Mateo Bible

³ Yuj chi' syal Jehová icha tic: Toxo ix cot voval d'a eb' stan̈van in chon̈ab', yuj chi' ol vac'och syaelal eb'. A in Jehová Yajal in d'a Smasanil ol in tan̈vej in chon̈ab', aton eb' yin̈tilal Judá. Nivan ol aj yelc'och eb', icha noc' chej ac'um oval.

Zacarías 10:3 ပူးပေါင်းရင်းမြစ်များ

Job 39:25

A yic tz'oc' no cacha cha, tz'oc' pax no chej cha; najt to wal sc'och no', tzyab'n no' to 'ay owal, tzyab'n pax no yel yaw eb' capitan̈.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Pr 21:31

A eb' soldado, tzyac' lista eb' schej yic tz'at eb' 'a owal, palta cojn yuj Jehová tzya'n ganar eb'.

Cantares 1:9

Ach cob's 'ix, caw wach' yilx a b'ey 'icha no chej tzto'n scaruaje win faraón.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 24:21

A 'a yic jun c'ul cha, a Jehová a 'oj 'a'nc 'och yailal 'a yib'n̈ eb' demonio tz'ec' 'a scal 'ic', yet' 'a yib'n̈ eb' rey 'a sat lum lum tic.

Jeremías 10:21

A eb' 'aych yilmalc jun chon̈b' tic, caw may snab'en eb'. Matz c'an eb' sjelnal 'a Jehová, yuj cha, 'ix lajw 'ejm eb'. 'Ix sactzic can 'at eb' 'anma smasnil.

Jeremías 11:22

A Jehová, tztac' yuj smasnil, 'ix yal 'ixtc yuj eb': A yic 'oj in b'onc yaj eb', a eb' quelmtac, 'oj cham eb' 'a owal, ax eb' winc 'unin, yet' eb' 'ix 'unin, 'oj cham eb' yuj wejel.

Jeremías 25:12

An Jehová in, an tzwala, to 'a yic 'oj lajwc 70 ab'il cha, atta 'oj in b'oyaj smul win sreyl Babilonia, yet' smasnil eb' cajn 'a jun snacion̈ cha, atn eb' caldeo. Caw 'oj in satl eb' 'a jun 'ejmn̈ej.

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Jeremías 50:6

A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal.

Ez 34:11

An Jehová in, an tzwal 'ixtic: An wal 'oj in molb'tzoc pax eb' in chon̈b' tic, ax in tan̈wni eb'.

Ez 34:12

'Icha wal yoch junc 'ilm calnelu 'il yuj scalnelu satnc can 'ati, 'ixta woch 'il yuj eb' in chon̈ab'. 'Oj in molb'tzoc paxt eb' 'aj sactzicnac yajcn 'at cha, ax wi'n 'elt eb' 'a scal q'uic'q'uinl 'aj 'aycn 'ati.

Ez 34:2

Ach 'anma', al 'a eb' yilmal chon̈b' Israel to an Jehová Yajl in, an tzwal 'a eb' 'ixtic: ¡'Ay, 'oltacx wal ex yilmal chon̈b' Israel! mun ax tze tan̈wj e b'a, man̈oc eb' chon̈b' tze tan̈wj 'icha stan̈wx no calnelu.

Dn 11:32

A jun rey cha, caw 'oj yac' yip smontn eb' et israelal, atn eb' tox 'ix 'actn can jun strato Dios cha. Palta ax eb' chon̈b' to caw 'ay schamc'ojlal 'a sDiosal, 'oj yac' eb' yip ste'wtzan sb'a yuj spacn sb'a 'a smasnil tas 'oj ujc cha.

Sofonías 1:8

A 'a yic jun c'u yic b'eyc'ojlal cha, 'oj wa'ch yailal 'a yib'n̈ eb' yajal, 'a yib'n̈ yunnal eb' rey, yet' 'a yib'n̈ smasnil eb' tzb'eylb'an sb'eyb'al eb' chuc chon̈b'al.

Sofonías 2:7

A eb' 'oj can to 'a eb' yin̈tl Judá, 'oj yic' eb' smacl lum ta'. Ata 'oj stan̈wc wa eb' scalnelu, ax 'a 'ac'wal, a 'a eb' te n̈a 'ay 'a Ascalón, ata 'oj way eb', yujto a Jehová sDiosal eb', a 'oj tan̈wnoc eb', ax yi'n pax q'ue'ch eb'.

Zacarías 11:17

Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Lc 1:68

Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

Rt 1:6

Xlajw cha, 'ix yab'n 'ix Noemí yet' eb' 'ix yalb' 'a lum Moab, ax xyab'n eb' speclal to a Jehová tox 'ix 'o'ch sc'ojl 'a chon̈b' Israel; man̈x 'a wejl ta', 'ayx pax tas tzcuxxi.