Zacarías 10:2 - Chuj San Sebastian Bible

² Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Chuj San Mateo Bible

² Man̈ ichocta' spac tz'ac'ji d'a eb' sc'anb'ej yab' d'a yechel comon dios yed' d'a eb' ajchum. A juntzan̈ eb' chi', ton̈ej syesej eb', malaj yelc'och svayich eb' syala', ton̈ej tz'ac'ji musansatil anima yuj eb'. A slolonel eb' yic syac'an snivanil sc'ol eb' anima, malaj jab'oc yelc'ochi. Yuj chi' ton̈ej satec' jun chon̈ab' tic icha noc' calnel syab' syail, yujto malaj stan̈vumal.

Zacarías 10:2 ပူးပေါင်းရင်းမြစ်များ

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

A Ch'an̈ B'ab'el Libro Yic Yab'ixal Eb' Rey 22:17

Xlajw cha, xyaln win Micaías chi 'ixtic: 'Ix wila, a smasnil eb' soldado to quit chon̈ab', sactzicnac s'atcn eb' 'a lum jolmctac witz, 'icha no calnelu may yilmal. 'Ix yaln Jehová 'ixtic: A eb' soldado tic may yilmal eb'; junjn eb' pax cab' eb' 'a junc'ojlal 'a yatut, xchi Dios 'ayin, xchi Micaías.

Job 13:4

Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.

Job 21:34

¿Tas wal 'oj eyutc eya'n sniwnal in c'ojol? A jun tzo'n̈ tas xeyal 'ayn tic, may jac yel'chi, man̈ yelc xon eb', xchi Job.

Is 41:29

May xon junc eb' 'ay yel'ch jab'oc, toc 'ay tas tztac' sb'on eb', yuj cha, nab'an̈ej 'ay jun tzo'n̈ yechl cha, xchi Dios.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Is 44:9

A eb' tzb'on yechl jun tzo'n̈ comn dios, may jac yel'ch eb', may pax yel'ch jun tzo'n̈ yechl tzchamc'ojlej eb' cha. A eb' tz'och 'emmquilal 'a jun tzo'n̈ cha, 'icha to matz uj yiln eb'. May snab'en eb', yuj cha, caw 'oj can eb' 'a q'uixwc'ojlal yu'uj.

Is 46:5

¿Mach junc 'oj stac' e lajb'tzan wet'oc? ¿Mach junc lajn yilx wet' tze na'a?

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 14:13

In ta'w 'a 'ixtic: Palta Mamin Jehová, a eb' a checab', tzyal eb' 'a eb' a chon̈ab', to may owl 'oj 'ochoc, may wejl 'oj jawoc. Tzyal eb' to 'oj a'n̈j ab' junc'ojlal 'a 'aj cajn on̈ 'ec' tic on̈, xin chi 'a 'a.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 23:17

A eb' may yel'ch in paxti 'a sat, tzyal eb' 'ixtic: A Jehová tzalni to wach'n̈j 'oj eyaj 'el'chi, ma'oj jawc yailal 'a eyib'an̈, xchi cob' eb' 'a eb' tzyac' pitb'oc 'el snab'en, yic tzb'on eb' tas tznib'j sb'o 'a yol yico'.

Jeremías 23:32

An tzwala, to caw own pax 'a jun tzo'n̈ eb' checb' tz'ac yal-l swayich. Yuj wal jun tzo'n̈ niwc 'es tzyac' eb' cha, yuj cha, tzsatcn 'at eb' in chon̈b' yuj eb'. Palta man̈oc in 'ix in checb't eb', may junc in checnb'il xwal 'a eb'. Yuj cha, may tas wach' yi'n eb' in chon̈b' 'a eb', xchi Dios.

Jeremías 27:10

Palta a tas tzyal eb' cha, 'esn̈j smasnil. A tas 'oj eyic' 'a 'a, to 'oj eyijx 'at 'a junc xo chuc nacion̈al. An 'oj ex in pechcn 'ati, ata 'oj e chami.

Jeremías 27:14

Man̈ a cha ab' tas tzyal jun tzo'n̈ tzyalch sb'a schecb'oc Dios cha, atn eb' tzalni to matz a'ch a b'a 'a yaln̈ schecnb'il jun rey cha. A tas tzyal eb' cha, caw 'esn̈ej.

Jeremías 27:9

Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈.

Jeremías 28:15

Xlajw cha, xwaln 'a Hananías 'ixtic: —Ach Hananías, 'ab' wal tas 'oj wala', ach tic, man̈oc Jehová ach checn coti. Caw man̈ yelc tas wan a'n 'och yipc sc'ojl eb' chon̈b' tic.

Jeremías 29:8

Yujto an Jehová in, tztac' wuj smasnil, e Diosal in, an tzwal jun tzo'n̈ tic: Man̈ eyac' 'ixtxoc paxti e b'a yuj jun tzo'n̈ eb' tzyalch sb'a in checb'oc, ticni yes eb', yet' eb' tzcob' alnoc to tztac' snan 'el junc paxti'. Man̈ e cha eyab' swaych eb' tzyal 'ayex.

Jeremías 37:19

A jun tzo'n̈ xyalch sb'a schecb'oc Dios, eb' 'ix alni to ma'oj jawc win sreyl Babilonia wul yac' owl yet' jun chon̈b' tic, toc 'ix a'ch eb' 'a preso.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 51:23

Xin mil cham eb' 'ilm calnelu yet'oc, yet' no calnelu cha. 'Ix in satl eb' munljum yet' no mam wacax. 'Ix in satn 'el eb' gobernador, yet' pax eb' 'aych 'a yopiso.

Jeremías 6:14

'Ixta pax eb' tzb'on yaj syailal eb' in chon̈ab', tzyaln eb' chajtlto wach'x yaj smasnil, tic pax to yel xo caw tu yaji.

Jeremías 8:11

Tzya'lj eb' cob' sb'on yaj syailal eb' in chon̈ab', tzyaln eb', to wach'x yaj smasnil, palta caw may tas wach' yaji.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Ez 21:29

Til wal tas tzcob' sna chan̈ eb' 'anma chi yal 'ayex. Tzcob' yal eb' 'ixtic: Man̈ ex 'och 'il, may tas 'oj jawc 'a quib'n̈ec, xchi cob' eb', palta a jun tzo'n̈ cha, 'esn̈ej. A q'uen espada cha, 'etzn xo 'och q'uen 'a yib' sjaj jun chon̈b'al eb' 'anma cha, yujto maysch'olnil sb'eyb'al eb'. 'Ayx 'och eb' 'a yol sc'ab' chamel. Xc'och stiempoal yoch syailal eb' yuj tas maysch'olnil tzb'o'o.

Ez 34:5

A e no calnelu cha, ton̈j tzsatc' e no', yujto may yilmal e no', ax e no calte'al noc' tzchin e no'.

Ez 34:8

An Jehová Yajl in, an tzwal 'ixtic: Eyu'uj lajn x'aj eb' in chon̈b' 'icha tzya' no calnelu tz'elc'x 'ati, ax no calte'al noc' tzlaj chinc no', yujto man̈x nanoc no yuj yilmal, mun xoj tztan̈wj sb'a eb' yilmal no chi sch'ocoj.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Habacuc 2:18

May yopiso jun tzo'n̈ comn dios tzb'o eb' 'anma'. A jun tzo'n̈ cha, ton̈j tzex yac' satoc. Matz tac' spaxtini, palta ¿tas yuj a eb' tzb'oni, caw tzya'ch eb' yipc sc'ojol?

Zacarías 11:17

Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Nm 27:17

sec a 'oj jucb'tzanc eb' 'anma tic, yic 'oj 'atx eb' 'a 'aj 'oj b'eyoc, sec wach' ma'oj satc' eb' 'icha no calnelu may yilmal, xchi.

Mt 9:36

A yic x'och q'ueln 'a eb' 'anma cha, 'ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, caw 'aych eb' 'a syailal, caw cusc'ojlal yaj eb'.

Mr 6:34

Ax yic x'elt Jesús 'a yojl te barco cha, 'ix yilni til wal 'anma 'ayx 'ec' ta'. 'Ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, yuj cha, 'ix syamn 'och scuywj 'a eb'.

Dt 13:2

q'uinloc tz'el'ch pax cob' junc tas tzyal cha, tzlajw cha, tzyaln 'ayx 'ixtic: Coyc wet'oc, 'at quilc wal jun tzo'n̈ xo dios mant eyojcoc; 'at ca'c 'ejm qui b'a 'a 'a, toto xchi,

Jueces 18:14

Ax eb' own̈ xit'nc 'ilj lum chi 'a yol yic Lais, 'ix yaln eb' 'a eb' yitb'eym chi 'ixtic: —Sictac tzex 'aji, 'ab'ec, a 'a yojl jun n̈a tic, ata 'ay jun chaleco, yet' jun tzo'n̈ yechl comn dios, yet' pax jun yechl tzeyb'il 'aych plata 'a 'a. ¿Tas 'oj cutquec qui b'a yet' tze na'a? xchi eb'.