Zacarías 1:16 - Chuj San Sebastian Bible

¹⁶ Yuj cha, an Jehová in, an tzwal 'ixtic: A ticnec 'oj in meltzj 'a Jerusalén yuj in ch'oxni to tz'o'x 'och in c'ojl 'a 'a. 'Oj b'ox chan̈ watut ta jun 'ejm xo, ax yechtax chon̈b' Jerusalén yic tzb'ox chan̈ jun 'ejm xo, xchi Dios. Ax ticnec 'at al-l jun tzon̈ tic muc'uc, xchi jun ángel chi 'ayin.

Chuj San Mateo Bible

¹⁶ Yuj chi', a in Jehová in sval icha tic: A ticnaic, ol vac'xi in vach'c'olal d'a Jerusalén. Ol vac'an b'ochajxiq'ue in templo ta', ol b'ochajpaxq'ue chon̈ab' Jerusalén chi', xchi Jehová d'a jun ángel chi'.

Zacarías 1:16 ပူးပေါင်းရင်းမြစ်များ

Job 38:5

¿Ojc ama mach 'ix alni jantc x'aj yechl lum lum tic, mach 'ix nan cha'an̈ jantc tz'aj lu'um?

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 34:11

Ata 'oj 'aj cajn no cujub', no chulpop, no joj, yet' no tucul, ata 'oj sb'o e no so'. Cusltac 'oj 'ajcn jun chon̈b' chi yuj Dios.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Ez 40:3

A 'aj in yij 'at cha, ata xwil jun winac, caw tzictznil yilx 'icha q'uen bronce. Lin̈n 'elt 'a sti spuertail jun n̈a, yamb'il jun ch'an̈ lum yu'uj, to nab'a lino. Ax 'a junx sc'ab', ata yamb'il jun te 'aj yu'uj, te tz'echtan junc tas.

Ez 47:3

'Ix 'el jun winc chi yet' jun ch'an̈ yic 'echtab'. 'Ix yechtan 'el jun o'e ciente metro, axta in yij 'ec' jun winc chi 'a yojl a'; 'ix q'ue'ch a a chi 'a sjaj woc.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Hageo 1:14

'Ixta xyutj Jehová ya'n snab'enoc win Zorobabel, gobernador 'a Judá, yet' win Josué, yet' 'a smasnil eb' 'anma'. A 'a yic 24 yoch swacl 'uj, yic schab'l ab'il yoch win Darío reyal, ata xqui yamx 'och qui b'on pax chan̈ yatut Jehová qui Diosalec tztac' yuj smasnil.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

Zacarías 2:5

Palta an Jehová in, an 'oj in tan̈wj chon̈b Jerusalén, 'icha to 'oj woch oyn 'a spatquil 'icha junc c'ac' yic tzin satn 'el eb' 'ajc'ojol, ax 'a snan̈l chon̈b' chi 'oj in ch'ox in tzictznial, xchi Dios, xchi jun ángel cha.

Zacarías 2:6

A Jehová a tzaln 'ixtic: An ex wac' sactzic can 'at 'a smasnil yolyib'n̈q'uinal. Ax ticnec an tzwal 'ayx 'ixtic: Ex 'aj Sión, 'eln̈ec mu'c 'a jun nacion̈ 'a 'aj 'ayx 'ec' 'a stojlal norte; 'eln̈ec 'a Babilonia 'a 'aj 'ayx 'ec' 'icha presoal, xchi Dios.

Zacarías 4:9

A Zorobabel a 'ix 'a'n 'ejm yipnub'al yich jun watut tic, a pax 'oj lajnc 'el'chi. 'Ixta to b'i'an, ax snachj 'el yuj eb' in chon̈ab', chajtlto an Jehová in, tztac' wuj smasnil, an ach in chec coti.

Zacarías 8:3

'Oj in meltzj pax 'a Jerusalén, yic tzin 'aj cajn 'a jun 'ejm xo. 'Ixta to b'i'an, a Jerusalén cha, 'oj scuch Chon̈b' Yiclum. Ax jun tzaln wic an Jehová in, tztac' wuj smasnil, 'oj scuch Tzaln Cojxn̈ej in 'ay wico'.