Zacarías 1:12 - Chuj San Sebastian Bible

¹² 'Ix ta'w jun yángel Jehová cha, xyaln 'ixtic: Mamin Jehová tztac' oj smasnil, 'ayx 70 ab'il scotcn yowl a c'ojl 'a yib'n̈ Jerusalén yet' 'a Judá. ¿Jantcto wal tiempo 'oj yac'a', 'ixta to b'i'an, ax scusch a c'ojl 'a eb'? xchi.

Chuj San Mateo Bible

¹² Ix yalan Yángel Jehová chi' icha tic: Mamin Jehová, Yajal ach d'a Smasanil, 70 ab'ilxo yajcot yoval a c'ol d'a yib'an̈ Jerusalén yed' d'a yib'an̈ Judá. ¿Jantacto val tiempo, ichato chi' ol oc'xoc a c'ol d'a masanil eb' a chon̈ab' chi'? xchi.

Zacarías 1:12 ပူးပေါင်းရင်းမြစ်များ

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Salmos 102:10

Yuj wal yowl a c'ojl 'a wib'an̈, yet' a c'a'lc'ojlal, yuj cha, in a tzicncha'an̈, in e'n 'el 'a ojltac.

Salmos 102:13

Cotan̈, stiempoal xo yo'ch a c'ojl 'a Sión, smoj xo a'n niwnc'ojlal 'a yib'an̈, yujto xc'och sc'ual.

Salmos 69:5

Ach in Diosal, ojtac chajtlto caw pit in, matz tac' in c'ub'n 'el in mul 'ayach.

Salmos 74:10

Ach qui Diosal on̈, ¿b'a'n̈to wal 'oj 'och wan eb' 'ajc'ojl on̈ stzuntzn on̈? ¿B'a'n̈to wal 'oj 'och wan sb'uchwj eb' 'ayach?

Salmos 79:5

Mamin Jehová, ¿b'a'n̈ to wal tz'ec' yowl a c'ojl 'a quib'n̈ on̈? ¿Tom an̈ja caw c'ac' a c'ojl 'a quib'n̈ 'icha te c'ac' an̈ja chac sc'aq'uil?

Ec 3:3

'Ay yorail smilx 'anma', 'ay pax yorail yan̈txi. 'Ay yorail sma'x 'ejm junc tas, 'ay pax yorail sb'ox cha'an̈.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Jeremías 15:17

An tic, man̈ junc wec' yet' eb' cojn tzaljc'ojlal tz'ec' sayq'ui. Yuj wal jun wopiso a'jnac, yuj cha, in ch'ocj tzin 'eq'ui, yujto tzwab' syal yuj yowl a c'ojl jun xo.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Dn 12:6

'Ay jun 'a eb' chawn̈ cha, 'ix sc'anb'n 'a jun win 'aych te pichl nab'a lino yu'uj, lin̈n 'ec' 'a yib'n̈ q'ue sti a'. 'Ix yaln 'ixtic: ¿B'a'n̈ wal 'oj lajwc 'ec' jun tzo'n̈ caw satjub'tac yilx tic? xchi 'a 'a.

Dn 9:2

A yic yab'lil xo yoch win Darío chi yajlil, an Daniel in tic, 'ayn 'och in cuy jun tzo'n̈ ch'an̈ libro yic Dios, tzin nan yuj tas yaljnac can Jehová 'a Jeremías atn jun schecab', chajtlto a chon̈b' Jerusalén 'oj ma'xoc 'ejm lan̈chjoc, ax scan 70 ab'il 'a sictaquil, xchi 'a ch'an̈ un̈ tz'ib'b'il can yuj Jeremías.

Habacuc 1:2

'Ix waln 'a 'ixtic: Mamin Jehová, ¿b'a'n̈ wal tza chaj ab' tas tzwala? Til wal yel waw cob' walnc in b'a 'ayach yic tzin c'ann a colwal. ¿Tom ma'oj a colwj quet' on̈? Til wal cob' yel waw waln 'aych yuj jantc maysch'olnil 'a qui cal tic on̈.

Zacarías 1:8

'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac.

Zacarías 7:5

Al 'ixtc 'a smasnil eb' 'anma 'a jun nacion̈ tic, yet' 'a eb' ya'mal 'och sti eb' 'ayin: Ax tic, 'ayx 70 ab'il xo e c'ojl e b'eylb'an eya'n 'och te pichl n̈achtac yic cusc'ojlal, yic tzex 'och pax 'a c'ajb'c'ojlal 'a yotquil 'uj yet' 'a yucl 'uj 'a junjn ab'il, palta ¿tom yujto 'ay wel'ch 'a e sat, yuj cha, tze b'on jun tzo'n̈ cha?

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.