Tito 3:9 - Chuj San Sebastian Bible

⁹ Palta man̈ a'ch a b'a yet' eb' tzcomn tej sb'a 'a nab'an̈ej, yet' eb' cojn yab'xil smam yichm tzyala. Man̈ a'ch pax a b'a yet' eb' tzcomn 'a'n owal, yet' pax eb' tztej sb'a yuj ley yic Moisés. A jun tzo'n̈ tzlaj yal eb' cha, may jac yopiso, nab'an̈ej tzyixtj sb'a eb' yalni.

Chuj San Mateo Bible

⁹ Palta man̈ ac'och a b'a yed' eb' scomon telaj sb'a yuj juntzan̈ tas malaj b'aj sc'anab'ajaxi, yed' eb' an̈ej yab'ixal smam yicham syala'. Man̈ ac' pax och a b'a yed' eb' scomon ac'an oval yed' pax eb' stelaj sb'a yuj ley Moisés. A juntzan̈ syal eb' chi', malaj jab'oc yopisio. Nab'an̈ej syixtej sb'a eb' yalani.

Tito 3:9 ပူးပေါင်းရင်းမြစ်များ

Job 15:3

man̈toc ton̈j tzcomn paxtini, matz c'anlb'ej paxti may yopiso.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

1 Co 8:1

A ticnec, 'oj wal yuj jun tzo'n̈ tas tz'ajx xajmb'al-l 'a jun tzo'n̈ tzalx 'och diosal, tzlajw cha, tzchix paxi. Yel tzeyala, a jun tzo'n̈ tic, tznachj 'el cujec qui masnil. Palta a qui jelnalec tic, ton̈j tzqui b'an̈c qui b'a yu'uj. Ax toto 'ay qui chamc'ojlalec 'a eb' quit creyenteal, caw tz'och ste'nal eb' cujec.

1 Ti 4:7

Palta caw man̈ a'ch a nab'en 'a jun tzo'n̈ comn 'ab'x may yel'chi. Smasnil tiempo, caw tza'ch a nab'en 'a Dios.

2 Ti 2:14

Caw tzlaj ec sna cot eb' jun tzo'n̈ tzwalb't 'aych tic. A 'a sat Cajlil, tzcham wal aln 'a eb', to matz tac' scomn ten sb'a eb' yuj jun tzo'n̈ comn paxti'. Niwnoc tzyixtj sb'a eb', may jac yopiso. Ax eb' tzmaclni tas tzyal eb', ton̈j tzjuw 'el eb' yu'uj.

2 Ti 2:16

Man̈ a c'umc a b'a yet' eb' ton̈j tzcomn paxtini, eb' may yel'ch tas tzyala. Yuj jun tzo'n̈ comn paxti cha, ton̈j tzwach' 'at eb' 'a scal maysch'olnil.

2 Ti 2:23

'Ay eb' ton̈j tzcomn tej sb'a 'a nab'an̈ej. Caw may yel'ch tas tzyal eb'. Man̈ a c'umc a b'a yet' eb'. 'In ojtac, ton̈j tzpitzw owl yuj tas tzyal eb' cha.

Tito 1:14

Caw tzal 'a eb', sec wach' man̈xtzac ya'ch eb' snab'en 'a jun tzo'n̈ comn 'ab'x tzyal eb' wit israelal. Tzaln pax 'a eb', sec man̈xtzac syiclj eb' schecnb'il jun tzo'n̈ eb' man̈x 'a yel'ch junc tas yel 'a sat.

Santiago 4:1

¿Eyojc am 'aj tzcot jun tzo'n̈ owl 'ay 'a e cal, yet' chichnc'ojlal? A yic tze nib'n 'och jun tzo'n̈ tas tze nib'j eyac' e gana yet'oc, ata tzpitzw 'elt jun tzo'n̈ owl cha.