Sofonías 3:17 - Chuj San Sebastian Bible

¹⁷ A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Chuj San Mateo Bible

¹⁷ A Jehová e Diosal ayec' eyed'oc. A spoder tzex colani, ste tzalaj eyed'oc. Yujto xajan ex yuuj, yuj chi' man̈xalaj tas ol yala'. A yuj stzalajc'olal chi' ol b'itanoc,

Sofonías 3:17 ပူးပေါင်းရင်းမြစ်များ

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Salmos 149:4

Yujto a Jehová tzyij stzaljc'ojlal 'a quib'n̈ec an̈ schon̈b' on̈c tic, ax ya'n qui tzaljc'ojal an̈ 'emmquilal queq'ui, yujto a tzon̈ colnec.

Salmos 78:65

Xlajw cha, 'ix jaw tza'njoc Cajlilec 'icha junc soldado tz'el te 'an̈ 'a sat. Caw wal tz'el yaw ya'n owal.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 18:4

A Jehová, a 'ix aln 'ayn 'ixtic: 'Ayn 'ec' 'a wet'ul, xwiln cot eb' 'anma tic, sictacn̈ej waji yic tzwiln cot eb', 'icha yilx yoc c'u 'a yic cuaresmail, 'icha pax yilx chicb'chan̈ tz'em 'a 'ac'wal yic 'elnc sat smasnil 'awb'ente', 'ixta waji, xchi Dios.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Os 14:4

Tzyaln Dios 'ixtic: 'Oj wac' jawc snab'en eb' in chon̈b' tic 'a scal spital. Wach'xam man̈ smojoc, palta 'oj in chamc'ojloc eb', yujto man̈x 'oj wa'ch yowl in c'ojl 'a yib'n̈ eb'.

Jl 2:21

Tzalj cab' eb' 'anma cajn 'a sat lum lu'um, man̈ xiw cab' eb' yujto 'ay wal tas niwn yel'ch 'oj sb'o Jehová.

Sofonías 3:15

A Jehová, tox 'ix yij 'el yowl sc'ojl 'aych 'a eyib'an̈, tox 'ix spatquilj can 'el eb' 'ajc'ojl yajch 'ayex. A Jehová qui Reyal, a 'ayc' eyet'oc. Man̈x 'a 'aj 'oj e xiwi.

Sofonías 3:5

Palta a Jehová, 'ayc'n̈ej 'a jun chon̈b' cha. Tojln̈ej tas tzb'o'o. May tas tu tzb'o'o. 'A junjn sq'uin̈b'ial tzch'oxn 'el stojlal, ax pax eb' maysch'olnil sb'eyb'al, caw matz q'uixw eb' jab'oc.

Nm 14:8

Toto tz'el 'a sc'ojl Jehová tzcolwj quet'ec, 'oj cochc xon 'a lu'um, yujto a 'oj a'noc lum 'ayn̈ec. A jun lum cha, caw wal yax sat lu'um.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 15:11

Tzwalcn jun tzo'n̈ tic 'ayex, sec wach' 'icha tzin tzalji, 'ixta pax 'oj e tzalj jun xo, sec caw tz'acn 'oj 'ajcn e tzaljc'ojlal.

Dt 23:15

Toto 'ay junc smeb'a junc win patron̈ tz'at 'elc 'a 'a, tzlajw cha, tzc'och 'ayex, tzc'ann can sb'a eyet'oc, man̈ eyac' meltzjoc 'a spatron̈ cha.

Dt 30:9

'Oj eyoch ricoal yuj Jehová Dios, ax ya'n syaxil 'a yib'n̈ smasnil tas 'oj e b'o', 'a yib'n̈ eyunnal, 'a yib'n̈ e cajb'en noc', yet' 'a yib'n̈ smasnil e munljel. 'Oj tzaljoc Jehová yuj tas wach' tze b'o'o, 'icha yutjnac stzalj yet' eb' qui mam quichmec.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.