Sofonías 3:15 - Chuj San Sebastian Bible

¹⁵ A Jehová, tox 'ix yij 'el yowl sc'ojl 'aych 'a eyib'an̈, tox 'ix spatquilj can 'el eb' 'ajc'ojl yajch 'ayex. A Jehová qui Reyal, a 'ayc' eyet'oc. Man̈x 'a 'aj 'oj e xiwi.

Chuj San Mateo Bible

¹⁵ A Jehová, toxo ix yic'canel eb' tz'ac'anoch yaelal d'a quib'an̈, toxo ix spatiquejel eb' ayoch ajc'olal d'ayon̈. A Jehová co Reyal ayec' qued'oc. Man̈xalaj b'aj ol on̈ xivoc.

Sofonías 3:15 ပူးပေါင်းရင်းမြစ်များ

Gn 30:23

A yic x'alj jun sb'ab'l 'unn 'ix, xyaln 'ix 'ixtic: A Dios xyij 'el q'uixwelal 'aych 'ayin, yujto may wune'.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Salmos 19:9

A 'emmquilal 'a Jehová, caw wach' tz'el'chi, 'ayc'n̈ej 'a smasnil tiempo. A sley Jehová caw tojln̈ej smasnil, yeln̈j pax tas tzyala.

Salmos 85:3

Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 51:22

A Jehová Cajlil qui Diosalec, qui colmalec a tzaln 'ixtic: 'Oj wi'x 'ec' yechl yowl in c'ojl 'a yol e c'ab', atn jun 'icha to tzex 'och 'u'm 'an̈l yu'uj, man̈x b'a'n̈ 'oj eyab' syal yu'uj.

Is 52:9

Ex 'aj Jerusalén to lan̈chjnac can 'ejm e chon̈ab', 'el cab' eyaw e b'itn yuj tzaljc'ojlal, yujto a Jehová 'ix 'o'ch sc'ojl 'a schon̈b' tic, yuj cha, ex colx 'elt yu'uj.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Is 60:18

Man̈x b'a'n̈ 'oj 'ab'xoc speclal smilx cham 'anma 'a e lum cha, man̈x 'a mach 'oj satxoc 'el 'a yol e macb'en. A e colnb'il xwac'a, a chi 'icha muro yajch oyn 'ayex, ax e b'inab'ilal, a chi 'icha spuertail e chon̈b' yaji.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Jeremías 8:19

Caw wal tz'ab'x yel yaw eb' wit chon̈b' 'a smasnil yol qui nacion̈ tic. ¿Tom man̈x 'ayc 'ec' Jehová 'a Sión? ¿Tom man̈x 'ayc 'ec' qui Reyl ta'? xchi eb'. 'Ix ta'w Jehová 'a eb' 'ixtic: ¿Tas yuj xe tzuntzj cot yowl in c'ojol, yic xeyaln e b'a 'a jun tzo'n̈ yechel, atn jun tzo'n̈ comn dios may jac yel'chi, chuc 'aj cotnac? xchi 'a eb'.

Ez 35:10

'In xcob' al 'ixtic: A chab' nacion̈al lum slum eb' israel tic, wach'xam ata 'ayc' Jehová 'a lu'um, palta 'oj wico'oc, xcob' a chioc.

Ez 36:15

An Jehová in, an tzwala, to man̈x b'a'n̈ 'oj eyab' sb'uchwj jun tzo'n̈ nacion̈ chi 'a lum e lum cha, man̈x 'a 'anma 'oj cham yuj lu'um, xchi Dios.

Ez 39:29

Man̈x 'oj wi'l in sat 'a eb', yujto 'oj wa'x in poder 'a yib'n̈ eb' israel jun 'ejm xo. An Jehová in, an tzwala, xchi Dios.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Am 9:15

An Jehová Dios in, an tzwala, to 'oj wac' scajx eb' slu'um. A slum eb' 'oj wac' cha, man̈x 'a b'a'n̈ 'oj 'ijxoc 'el eb' 'a sat jun 'ejm xo, xchi Dios.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Habacuc 2:17

Ax tic e ch'acjnac 'el eb' te niwc te 'a Líbano, ax ticnec wan eyab'n syal yuj jun cha. Til wal no noc' xlaj e mil ta', ax ticnec, a no 'oj eya'n 'och 'a xiwc'ojlal. 'Ixta wal 'oj eyaji, yujto til wal 'anma xlaj e mil chamoc, ma'ix 'o'ch xon e c'ojl 'a eb' 'anma 'a yolyib'n̈q'uinal yet' 'a schon̈b' eb'.

Habacuc 2:8

'Ix laj eyijcan 'ec' tastc 'ay 'a eb' 'anma 'a jun tzo'n̈ nacion̈, palta a eb' xcant cani, 'oj yi'cc eb' tas 'ay 'ayex. 'Ixta wal 'oj eyaj yuj eb', yujto til wal eb' milb'il eyu'uj, ma'ix 'o'ch e c'ojl 'a eb' 'anma cajn 'a jun tzo'n̈ nacion̈ cha, yet' 'a eb' chon̈b' 'ay 'a yol smacb'en eb'.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Sofonías 3:5

Palta a Jehová, 'ayc'n̈ej 'a jun chon̈b' cha. Tojln̈ej tas tzb'o'o. May tas tu tzb'o'o. 'A junjn sq'uin̈b'ial tzch'oxn 'el stojlal, ax pax eb' maysch'olnil sb'eyb'al, caw matz q'uixw eb' jab'oc.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.

Zacarías 14:11

'Oj 'ajx cajn 'anma 'a Jerusalén jun 'ejm xo, man̈x 'a tas 'oj sna eb' ta', yujto man̈x 'oj ma'xoc 'ejmi.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 12:15

Ex 'aj chon̈b' Sión, man̈ ex xiwoc. 'Iltec wal sjaw e reyl 'ayex. 'Ay q'ue 'a yib'n̈ jun no quelm b'uru, xchi 'a Ch'an̈.

Jn 19:19

Ax win Pilato 'ix 'a'n tz'ib'xc 'och jun tzo'n̈ paxti 'a jun yune 'a'nte'. 'Ix ya'n 'ajxoc q'ue 'a sjolm sculsal Jesús. Tzyal jun chi 'ixtic: A Jesús 'aj Nazaret, sReyl eb' israel, xchi.

Jn 5:30

An tic, may junc tas tztac' in b'on in ch'ocoj. 'Icha tzyal in Mam 'ayin, 'ixta tzwutj in b'eyc'ojlani. Caw wach'n̈j tzwutj in b'eyc'ojlani, yujto matz in b'o 'icha tzin nib'j an tic, palta an̈j 'icha tznib'j jun checjnacn coti, atn in Mam.

Apoc 12:10

Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Apoc 7:15

Yuj cha, 'ayc' eb' 'a yojltac sdespacho Dios 'a yatut. Sc'ual yac'wlil ya'w servil eb'. Ax jun wocn 'ejm 'a sdespacho cha, a tztan̈wni eb', yujto 'ayc'n̈ej yet' eb'.