Sofonías 2:11 - Chuj San Sebastian Bible

¹¹ Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Chuj San Mateo Bible

¹¹ Ol cot val yoval sc'ool Jehová d'a eb'. Ol satel juntzan̈ comon dios ay d'a smasanil yolyib'an̈q'uinal tic. Axo eb' cajan d'a juntzan̈ lum luum ay d'a snan̈al a' mar, ol och eb' ejmelal d'a Jehová b'aj cajan junjun.

Sofonías 2:11 ပူးပေါင်းရင်းမြစ်များ

Gn 10:5

A eb' tic, yin̈tl Jafet eb' smasnil. Ata x'aj cajn eb' 'a stitc a mar, junjn c'aj eb' yet' slu'um, junjn c'aj eb' yet' sti'.

Salmos 138:4

Smasnil eb' rey 'a yolyib'n̈q'uinl tic, 'oj yal eb' swach' paxti 'ayach yic 'oj yab'nc eb' jun tzo'n̈ a paxti tic.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 86:9

Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.

Is 2:18

ax ya'n satl smasnil jun tzo'n̈ yechl comn dios cha.

Is 2:20

A 'a jun c'u cha, a eb' 'anma', 'oj laj sjulcn 'at eb' jun tzo'n̈ yechl comn dios 'a scal no ch'o'ow yet' 'a scal no sotz'; atn jun tzo'n̈ b'ob'il yuj eb' 'a q'uen oro mto plata, jun tzo'n̈ 'aj xlaj yal sb'a eb'.

Is 42:10

Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

Is 49:1

'Ixtc wal yaln schecb' Jehová: Ex chon̈b' cajn 'a sti a mar, 'ab'c tas 'oj wala', an̈jtona ex nacion̈ 'ayx 'a caw najat, macljec tas 'oj wala': A Jehová a 'in 'awtn 'a yic mantzac in 'alj xoni, yaljnac can 'el in b'i 'a yic 'aynto 'ec' 'a yol sc'ojl in nun.

Jeremías 10:11

(Ex wit israelal, alc 'a eb' chuc chon̈b'al 'ixtic: A jun tzo'n̈ comn dios, man̈oc eb' xb'on satcha'an̈ yet' lum lum tic, yuj cha, yowlal 'oj satcn 'el eb' 'a yolyib'n̈q'uinl tic. Man̈x 'a junc 'oj canoc, xe chi 'a eb'.)

Jeremías 46:25

A Jehová tztac' yuj smasnil, atn sDiosal Israel, a tzaln 'ixtic: 'Oj in satl Amón, atn sdiosal eb' 'aj Tebas. 'Oj in satl pax Egipto yet' sdiosal, yet' sreyal yet' eb' tz'a'n 'och win rey chi yipc sc'ojol.

Dn 11:18

'Oj lajwc cha, ax 'at ya'nc owl yet' eb' chon̈b' cajn 'a sti a mar, caw niwn eb' 'oj 'em yu'uj. Palta 'ay jun capitan̈ chuc chon̈b'al 'oj tennc 'och wan 'a sb'an̈quinal, ax yel sq'uixwel jun sreyl norte cha.

Os 2:17

Jun 'ejmn̈ej 'oj wi'cn 'el 'a sti sb'inan sb'i eb' Baal cha, man̈x 'a 'oxlajn̈b'a'n̈ 'oj sb'inoc coti.

Jl 2:11

A Jehová a 'aych 'a yojltac eb' soldado to yico', tzyac' 'ab'xoc yol sjaj 'icha wal sc'an̈ c'u. Caw niwn sb'isl eb' soldado cha, man̈x b'ischjb'enoc eb' tzyiclni schecnb'il. Caw niwn yel'ch jun c'u yic Jehová, 'ay xo smay yalxi. May junc mach tztac' ste'wtzan sb'a 'a yojltac.

Sofonías 1:4

'Oj wa'ch syailal eb' 'aj Judá yet' smasnil eb' cajn 'a Jerusalén. Man̈x 'a eb' 'oj yal sb'a 'a jun comn dios tzcuch Baal. 'Oj in satl eb' ya'mal 'och sti eb' 'anma 'a sdiosal cha, man̈x 'a 'aj 'oj b'inaxc eb' 'a jun chon̈b' tic.

Sofonías 3:9

A yic 'oj jawc jun c'ul cha, cojxn wach' paxti 'oj wac' yal eb' 'anma smasnil, sec smasnil chon̈b' 'oj yal sb'a eb' 'ayin, junxn̈ej 'oj yutc eb' in ya'n servil.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Zacarías 8:20

Til to wal eb' eyit chon̈b' cajn 'a jun tzo'n̈ xo niwc chon̈b' 'a najat, 'oj jawc 'a Jerusalén tic.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Dt 32:38

jun tzo'n̈ tzchin 'ejm xepual no 'e xajmb'al, tzyu'n pax eb' 'an̈ tzlaj eyac' 'a 'a? Cot cab' eb' ex scolo', q'uecab' wan eb' ex stan̈woc.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.