Santiago 5:9 - Chuj San Sebastian Bible

⁹ Ex wu'tac, ex wanab', man̈ eya'lac queja e b'a, sec wach' ma'oj e b'eyc'ojlaxi. Yujto jab'xoj 'oj jawc qui Juezalec.

Chuj San Mateo Bible

⁹ Man̈ eyeclaj e paticoc junjun ex, yic man̈ ol ac'jococh d'a eyib'an̈, yujto toxo ol ja jun ol on̈ ch'olb'itanoc.

Santiago 5:9 ပူးပေါင်းရင်းမြစ်များ

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

Salmos 59:15

Caw matz 'och wan xon eb' sb'eyq'ui tz'ec' 'ac'wal, yic tzsayn 'ec' eb' tas tzc'uxu, tz'el yaw eb' 'icha 'oques, yujto matz c'och sc'ojl eb'.

Ez 7:12

'Ix jaw stiempoal, 'ix c'och sc'ual yic man̈x 'a stzaljc'ojlal eb' manm lu'um, yet' pax eb' tzchon̈wj cha, man̈xtzac cus eb', yujto an tzwac' syailal smasnil eb' 'anma'.

Lv 19:18

An Jehová in, an tzwala. Man̈ e pac e b'a 'a eb' eyit 'anma'il. A eyico', to tze chamc'ojlej eb', 'icha wal tzeyutj eya'iln e b'a.

Mt 24:33

An̈jtona', a yic 'oj eyil sjaw smasnil jun tzo'n̈ xwal tic, nachj cab' 'el eyu'uj, chajtlto jab'xoj 'oj in jawi, 'icha to la'n xo waj 'a sti puerta.

Mr 13:29

An̈jtona', a yic 'oj eyil sjaw jun tzo'n̈ tic, nachj cab' 'el eyu'uj, chajtlto caw jab'xoj 'oj in jawi, 'icha to la'n xo waj 'a sti puerta.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.

Gl 5:14

Jantcn̈ej tas 'ay 'a ley yic Moisés, c'uxn tzcheclj 'el yuj jun checnb'il 'oj wal tic: Tzlaj e chamc'ojloc eyit 'anma'il, 'icha tzeyutj eya'iln e b'a junjn ex, xchi.

Gl 5:26

Caw man̈ qui b'an̈c qui b'a, sec matz laj qui tzuntzquec qui b'a. Man̈ qui nib'quec 'och tastc 'ay 'a junc xo quit creyenteal.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

Santiago 4:12

Palta cojxn jun mach b'ojnac jun ley, junn̈j juez, atn jun tztac' on̈ scolnec, tztac' pax satn 'el eb' 'anma smasnil. Yuj cha, an̈ec xo, ¿tom 'ay calnec quic qui b'eyc'ojlan eb' quit 'anma'il?

Santiago 5:10

A eb' schecb' Dios pecti', eb' aljnac 'el sb'i Cajlilec, techjnac yuj eb' yab'n syail, ya'jnac eb' niwnc'ojlal. Yuj cha, b'eylb'ejc sb'eyb'al eb' cha.

Santiago 5:7

Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

A Sb'ab'el Carta San Pedro 4:5

Palta yowlal 'oj yal q'uet eb' smul 'a Dios. Yujto lista xo yaj sb'eyc'ojlan smasnil 'anma', eb' pitzan yet' eb' chamnc xo.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.