Santiago 5:7 - Chuj San Sebastian Bible

⁷ Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

Chuj San Mateo Bible

⁷ Nivan tzeyutej e c'ool e tan̈van sjaub'al Cajal. Ina eb' munlajvum stan̈van yelul sat smunlajel, aton jun sat te nib'ab'il. Stan̈vej eb' yem b'ab'el n̈ab', stan̈vej pax eb' slajviec' n̈ab'il q'uinal, palta nivann̈ej syutej sc'ool eb' yed' smunlajel chi'.

Santiago 5:7 ပူးပေါင်းရင်းမြစ်များ

Jeremías 5:24

Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Zacarías 10:1

C'anc n̈ab' 'a Jehová sec tzyac' n̈ab' 'a 'icha stiempoal. A Jehová a tz'a'n pitzwc chan̈ letz'lo'om, caw wal niwn tzyutj ya'n cot n̈ab', sec wach' sq'uib' eyawb'en 'a sat e lum e masnil.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

Mt 24:27

Yujto 'icha junc raya, c'uxn tzcheclj 'a yolyib'n̈q'uinl tic, tzcheclj 'a 'aj tzq'uel c'u, tzcheclj pax 'a 'aj tz'em c'u, 'ixta 'oj 'aj scheclj in jaw an 'Ochnc in 'Anmal tic.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

Lc 18:8

An tzwal 'ayex, caw 'oj sb'oyaj eb' muc'uc. Palta an 'Ochnc in 'Anmal tic, a yic 'oj in jaw pax jun 'ejm xo, ¿tom 'an̈ja 'ay 'anma 'a yolyib'n̈q'uinl tic caw 'aych sc'ojl 'a Dios? xchi Jesús 'a eb'.

Lc 21:27

'Oj lajwc cha, ax yiln q'ue eb' 'anma', to an 'Ochnc in 'Anmal tic, 'oj weml 'a scal jun 'asun, man̈ jantcoc in poder yet' in tzictznial, ax in jawi.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Jn 21:22

Yuj cha, 'ix yaln pax Jesús 'a 'ixtic: —Toxn̈ej tzyal in c'ojol, pitznto ax in japxi, may aln ec 'a 'a. Cojnto tzach 'och wal tza'n wu'uj, xchi 'a Pedro cha.

Jn 21:23

Yuj cha, 'ix 'el speclal 'a scal eb' creyente, chajtlto ma'oj cham jun scuywum Jesús cha. Palta may tas 'ix yal Jesús, toto ma'oj chamoc. Cojn 'ix yal 'ixtic: Toxn̈ej tzyal in c'ojol, pitznto ax in japxi, may aln ec 'a 'a, xchi.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

1 Co 1:7

A ticnec, wan e tan̈wni jun c'u yic 'oj jawc pax Cajlil Jesucristo. Ax Dios, tz'acn tzyac' smasnil yic 'ayex.

Gl 5:5

An̈ec xo, yuj Yespíritu Dios, tzca'c 'och yipc qui c'ojol, chajtlto 'oj on̈ yalc Dios wach'il. Atn jun tic wan qui tan̈wniec ticnec, yujto tzca'c 'och qui c'ojl 'a 'a.

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

1 Ts 2:19

At 'a yic 'oj jawc Cajlil Jesucristo, ax cajc 'a yojltac. Eyu'uj, tzca'n 'och yipc qui c'ojl on̈, to 'oj qui cha spac on̈. Eyu'uj, ax qui chan qui tzaljc'ojlal on̈. Eyu'uj, 'oj qui cha spac qui munljel on̈, sec 'ay quel'ch on̈.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

A Ch'an̈ Carta D'a Eb' Hebreo 6:15

Ax Abraham cha, caw ya'jnac techjoc stan̈wni. Yuj cha, schajnac jun 'aj ya'jnac Dios sti yu'uj.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

Santiago 5:10

A eb' schecb' Dios pecti', eb' aljnac 'el sb'i Cajlilec, techjnac yuj eb' yab'n syail, ya'jnac eb' niwnc'ojlal. Yuj cha, b'eylb'ejc sb'eyb'al eb' cha.

Santiago 5:3

'Ixta pax e tumin, wach'xam oro, mto plata, caw c'uxmtacx 'a jun 'ejmn̈ej, man̈x 'a jac yopiso. Ax jun sc'uxmtacl cha, a 'oj ch'oxnc 'el e mul. 'Icha stz'a junc tas yuj c'ac', 'ixta 'oj 'aj e niwnal yu'uj. Jab'xoj sjaw jun slajb' tiempoal, palta in cojxn e ricoal 'aj tzeya'ch e nab'en e molb'tzani.

A Schab'il Carta San Pedro 3:4

'Oj yal pax eb' 'ixtic: Ya'jnac can Cristo sti', chajtlto 'oj jawc paxi, palta ¿'in 'ajm 'ay ticnec? Niwnoc cob' stan̈wjnac eb' qui mam quichmec, palta chamnc pax eb'. 'Iltec, 'ichan̈ej yaj smasnil tas yictax sb'o yolyib'n̈q'uinl tic, an̈ja 'ixtan̈ej yaj pax ticnec, palta an̈ja may mach tzjawi, 'oj schic cob' eb'.