Santiago 5:13 - Chuj San Sebastian Bible

¹³ Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

Chuj San Mateo Bible

¹³ Tato ayex van eyab'an syail ticnaic, lesalvan̈ec. Tato ayex ay e tzalajc'olal jun, b'itanan̈ec d'a Dios.

Santiago 5:13 ပူးပေါင်းရင်းမြစ်များ

1 Cr 16:9

B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.

Job 33:26

A yic 'oj yalnc sb'a 'a Dios, ax ya'n Dios chi swach'c'ojlal 'a yib'an̈; caw tzaljc'ojlal 'oj yil-lac 'och sat yet' Dios, ax Dios chi 'oj 'a'nc 'och 'a wach'c'ojlal yet' jun 'ejm xo.

Salmos 105:2

B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.

Salmos 118:5

A yic 'ayn 'och 'a in yailal, 'ix waln in b'a 'a Jehová, 'ix yab' tas xwal 'a 'a, yuj cha, in scolni.

Salmos 18:6

A yic 'ayn 'ec' 'a scal in somc'ojlal, xwaln in b'a 'a 'aych Jehová, xin c'ann a colwal ach in Diosal. 'Ix ab'n yel waw yic 'aych 'ec' 'a yol atut, 'ix c'och waw 'a a chiquin.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 95:2

'Och coyc yet' qui wach' paxti 'a yojltac, tzqui b'itnanc b'it yic tzqui'nec chan̈ sb'i.

Is 65:14

A eb' in checb' tic, 'oj b'itnoc eb' yuj tzaljc'ojlal, palta ax xo tic, to 'oj 'el eyaw eyoq'ui. Caw wal 'oj e cus yuj yailal 'oj jawc 'a eyib'an̈.

Dn 5:4

Syamn wal 'och eb' yu'w 'an̈, 'ix laj yi'nc chan̈ eb' sb'i sdiosal to nab'a oro, plata, bronce, hierro, te' yet' q'ue'en.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Jonás 2:2

'Ix yaln 'ixtic: A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.

Jonás 2:7

A wal yic wan slajw in q'uinl xwab'i, ach in nan cot Mamin Jehová. 'Ix c'och in lesl 'aych 'a atut to ec yaji.

Miqueas 4:5

Wach'xam smasnil jun tzo'n̈ xo chon̈ab', caw yiclum eb' a sdiosal yalni, palta 'ixta pax on̈ an̈ec tic, caw yiclum on̈c 'a Jehová qui Diosal 'a smasnil tiempo.

Mt 26:30

Xlajw sb'itnan eb' jun b'it 'a Dios, x'elt eb', 'ix 'at eb' 'a tzaln Olivo.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Lc 23:42

Xlajw cha, xyaln pax win 'ixtc 'a Jesús: —Jesús, comnoc tzin a na coti, yic 'oj och Yajlil, xchi win 'a 'a.

1 Co 14:15

Yuj cha, ¿tasm tzqui b'o tze na'a? Man̈ cojnoc tzon̈ leslwiec yet' qui pixan. Yowlal tzon̈ leslwiec pax yet' qui nab'en, sec tznachj 'el cujec. An̈jtona', a yic tzon̈ b'itnec, man̈ cojnoc tzon̈ b'itnec yet' qui pixan. Yowlal tzon̈ b'itnec pax yet' qui nab'en, sec tznachj 'el cujec.

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

Ef 5:19

A yic tzlaj eyamnc e b'a, tze b'itnej jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex laj b'itni, tzeyal wach' paxti 'a Cajlil 'a smasnil e c'ojol.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Santiago 5:10

A eb' schecb' Dios pecti', eb' aljnac 'el sb'i Cajlilec, techjnac yuj eb' yab'n syail, ya'jnac eb' niwnc'ojlal. Yuj cha, b'eylb'ejc sb'eyb'al eb' cha.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Apoc 7:10

'Ix 'awj chan̈ eb' smasnil, 'ix yaln eb' 'ixtic: A qui Diosalec, wocn 'ejm 'a sdespacho, a x'a'n qui colnb'ilec. An̈jtona', yet' jun tzcuch Calnelu, locn x'a'n pax qui colnb'ilec, xchi eb'.