Santiago 5:1 - Chuj San Sebastian Bible

¹ 'Ab'c ex rico. 'El cab' wecc'oc eyaw eyoc' ticnec, yujto caw niwn yailal 'oj jawc 'a eyib'an̈.

Chuj San Mateo Bible

¹ Ab'ec ex b'eyum. Elocab' veq'uec'oc eyav eyoq'ui, yujto ay nivac yaelal van sjavi d'a eyib'an̈.

Santiago 5:1 ပူးပေါင်းရင်းမြစ်များ

Salmos 17:14

Coln 'el 'a yol sc'ab' eb' 'anma cojn tas 'ay 'a yolyib'n̈q'uinl tic 'aych yipc sc'ojol. 'A' cot yailal 'a yib'n̈ eb', atn jun yailal to yic xon eb' yaji, yamchj c'och cab' yunnal eb' yet' yixchicn eb'.

Pr 11:28

A eb' tzya'ch sricoal yipc sc'ojol, 'oj 'em eb' 'icha tz'aj yem stacn̈il xil te te 'a yich, palta ax eb' tojl sb'eyb'al, 'oj yic' eb' yip 'icha tz'aj syaxb' sc'ab' te te'.

Pr 11:4

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 15:3

A spichl eb' n̈achtac sat 'oj laj ya'chi, ax laj yec' eb' 'a yol caye yet'oc. 'Oj q'ue eb' 'anma chi 'a span̈nil yib'n̈ yatut, ax laj yoc' eb'. 'Oj laj 'oc' eb' 'a plas, toxn̈ej 'oj si'si'nc eb' yoq'ui.

Jeremías 4:8

Yuj cha, 'ix wal 'a eb' wit chon̈b' 'ixtic: Ca'c 'och qui pichl n̈achtac sat, 'oc' coyec, c'acw coyc cab'n syail, yujto a yowl sc'ojl Jehová, mantzac sat 'ejm 'a qui calec, xin chi.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Ez 19:2

A 'a jun 'el 'ay jun no nun león x'ajx can 'och 'a scal no mam león. Ax 'a scal no mam león cha, ata sq'uib'tzej no yune'.

Ez 30:2

Ach 'anma', al-li to an 'ay wic jun tzo'n̈ paxti tic: An Jehová in an, tzwal 'ixtic: 'El cab' eyaw yuj tas 'oj jawc 'a jun c'ul cha.

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Jl 1:5

A wal ax 'u'm ex 'an̈, pitzc 'el e wayan̈. Ex 'u'm yal uva to jawnc sti', caw wal 'o'n̈ec, yujto 'oj 'ijxoc 'ec' te yal uva chi 'ayex.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Santiago 1:11

A yic tzjaw c'u, caw 'ay c'ac', tztacj 'ejm lojnjoc te yu'uj, yajn̈ej tzpucl snichte'. Man̈x 'a sch'olnil yilxi. 'Icha stacj 'ejm snichte cha, 'ixta 'oj 'aj eb' rico, yic wan smolb'tzan eb' stumin.

Santiago 2:6

Palta ax xo, may yel'ch eb' meb'a 'a e sat. Palta ¿mach eb' tzon̈ 'ixtnec, tzon̈ yi'nec 'at eb' 'a yojltac eb' yajl tze na'a? Atn eb' rico.

Santiago 4:13

'Ab'ec, 'ay ex wan eyaln 'ixtc ticnec: A ticnec, mto q'uic'an, 'oj qui 'atc 'a junc xo chon̈ab', jun ab'il 'oj cajc ta'. Ax qui mannec tas 'a cha, ax qui chon̈nec paxi, ax ca'nec ganar qui tumin, xcob' e chioc.

Santiago 4:9

'A'c 'och e b'a 'a cusc'ojlal. Ji'jmtac cab' eyoq'ui. 'O'n̈ec si'mb'il. 'Och cab' wan e tzewji, to tzex 'oq'ui. Meltzj cab' 'och e tzaljc'ojlal chi e cusc'ojlaloc.