Santiago 4:9 - Chuj San Sebastian Bible

⁹ 'A'c 'och e b'a 'a cusc'ojlal. Ji'jmtac cab' eyoq'ui. 'O'n̈ec si'mb'il. 'Och cab' wan e tzewji, to tzex 'oq'ui. Meltzj cab' 'och e tzaljc'ojlal chi e cusc'ojlaloc.

Chuj San Mateo Bible

⁹ Ochan̈ec d'a cusc'olal. Sic'sic'anan̈ec eyoq'ui. Oc'an̈ec sic'lab'il. Meltzajocab' och e tzeej d'a oq'uel. Meltzajocab' och e tzalajc'olal d'a cuselal.

Santiago 4:9 ပူးပေါင်းရင်းမြစ်များ

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Job 30:31

A 'a yic yaln̈taxi, tzlaj in yuc in arpa, tzwutz'n pax in 'amay, ax ticnec, cojxn 'oc'l tzin c'an in b'o yuj yailal.

Salmos 119:136

Caw tzb'ey yal in sat woq'ui, yujto matz yiclj eb' 'anma jun tzo'n̈ a cuynb'il tic.

Salmos 119:67

A yic mantzac 'och in yailal, til wal tas maysch'olnil xlaj in b'o', palta ax ticnec, a 'a paxti tzin yiclej.

Salmos 119:71

'Ay swach'il yic in 'och 'a in yailal, yujto ata xin cuy a checnb'il.

Pr 14:13

Wach'xam 'ay tas ya tzcab'ec, palta tzon̈ tzewjec cab'i', yic matz qui ch'oxc 'eli. A 'a scal qui tzaljc'ojlalec, ata 'ay pax qui cusc'ojlalec.

Ec 2:2

Ata xnachj 'el wu'uj, to a yic tzcob' qui saync 'ec' qui nib'b'en yic tzon̈ tzaljec calni, a jun cha man̈ nab'enal, caw may jac yel'chi.

Jeremías 31:13

Caw 'oj b'atjoc chan̈ eb' 'ix cob'stac yuj tzaljc'ojlal. 'Oj tzaljoc pax chan̈ eb' quelmtac, yet' pax eb' 'ichmtac winac. An 'oj wac' sniwnal sc'ojl eb', 'oj meltzjoc 'och scusc'ojlal eb' 'a tzaljc'ojlal, yel xo niwn stzaljc'ojlal eb' 'oj wac' 'a yib'n̈ jun tzo'n̈ yailal 'ix laj yil eb'.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Lm 5:15

Man̈x 'a xon jac qui tzaljc'ojlal on̈. A chan̈l yic tzaljc'ojlal, 'ix meltzj 'och 'a cusc'ojlal.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Ez 7:16

A eb' 'oj yac' ganar s'atcn 'elc 'a lum jolmctac witz 'icha no 'uch, 'oj c'acwc eb' yab'n syal yuj smul cha.

Mt 21:41

—Jun 'ejmn̈ej 'oj yac' lajwc win ewin maysch'olnil snab'en chi sc'ochi. Ax ya'n can pax win slum chi majnil 'a jun tzo'n̈oc xo. A eb' chi 'oj 'a'noc stojl te 'awb'ente chi 'a 'a, yic 'oj c'och stiempoal, xchi ewinac.

Mt 5:4

A eb' tzcus yuj smul, caw wach' yic eb', yujto 'oj 'ajxc sniwnc'ojlal eb' yuj Dios.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Lc 6:21

Ax 'ay e wejl ticnec, caw wach' eyico', yujto 'oj e b'ut'ji. —Ax tzex 'oc' ticnec, caw wach' eyico', yujto 'oj e tzewji.

Lc 6:25

Ax xo b'utnn̈ej e c'ojl ticnec, caw 'oltac ex, yujto 'oj jawc jun tiempoal, caw 'oj 'och e wejel. Ax xo tzex tzewjn̈ej ticnec, caw 'oltac ex, yujto 'oj eyoc' yuj cusc'ojlal.