Santiago 4:7 - Chuj San Sebastian Bible

⁷ Yuj cha, yiclumn̈ej cab' tzcutjec qui b'a 'a Dios. Te'n tzcutjec qui b'a 'a win diablo, toto 'ixta', 'oj 'at win 'elc 'ayn̈ec.

Chuj San Mateo Bible

⁷ Yuj chi', co c'anab'ajejec Dios. Co tec'b'ejec co b'a co chacanel vin̈ diablo, yic ol b'at vin̈ elelal d'ayon̈.

Santiago 4:7 ပူးပေါင်းရင်းမြစ်များ

A Ch'an̈ Schab'l Libro Samuel 15:26

Palta toto man̈xtzac tzalj wet' jun, waj ticnec 'a yol sc'ab', sb'o cab' tas 'icha tznib'j 'ayin, xchi win rey cha.

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 68:30

Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.

Jeremías 13:18

'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

A Tas Sc'ulejnac Eb' Schecab' Jesús Hechos 26:19

Yuj wal cha, ach rey Agripa, in yicljnac tas wul yaljnac Jesús 'ayin, yic scot 'a satcha'an̈, wul sch'oxnc sb'a 'ayin.

A Tas Sc'ulejnac Eb' Schecab' Jesús Hechos 9:6

Ax Saulo cha, caw x'ib'x chan̈ win yuj xiwlal. —Mamin, ¿tas tza nib'j tzin b'o'o? xchi winac.] —Q'uen̈ wa'an, 'ixc 'a chon̈ab'. Ata 'oj alxoc 'ayach, tas yowlal 'oj a b'o', xchi Jesús.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Ro 14:11

Yujto tzyal 'ixtc 'a Ch'an̈ U'un̈: An Yajl in tic, an tzwac' in ti', caw 'oj 'em cumn smasnil 'anma 'a wojltac, ax yaln eb' smasnil, chajtlto cojxn in Dios in, xchi.

Ef 4:27

Man̈ eyac' spermiso win diablo sjun 'el e nab'en yuj eyowl cha.

Ef 5:21

Yiclum tzeyutj e b'a 'ayx junjn ex, yuj e xiwc'ojlal 'a Cristo.

Ef 6:13

Yuj cha, 'icha junc soldado tzc'anlb'an syamc'ab'il yic owal, 'ixta tzeyutj e c'anlb'an jun tzo'n̈ tas tzyac' Dios 'ayn̈ec, sec te'n 'oj eyutc e b'a, yic 'oj jawc junc maysch'olnil. Toto 'ixta', a yic 'oj lajwc e b'on jantcn̈ej tas tznib'j Dios, an̈ja te'n ex ta'.

A Ch'an̈ Carta D'a Eb' Hebreo 12:9

A yic tzon̈ ya'n cuenta eb' qui mam 'a yolyib'n̈q'uinl tic, 'ay yel'ch eb' 'a qui satec. Yuj cha, yel xo caw yiclum tzcutjec qui b'a 'a junx qui Mamc 'a 'esal, sec 'oj qui chac qui q'uinl 'a jun 'ejmn̈ej.

A Sb'ab'el Carta San Pedro 2:13

Yuj e chamc'ojlal 'a Cajlil, smoj yiclum tzeyutj e b'a 'a jantcn̈ej mach 'ay yopiso yuj eb' 'anma'. Tzeyiclj tas tzyal eb' rey, eb' tz'a'n mandar smasnil.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.

A Ch'an̈ B'ab'el Libro Samuel 3:18

'Ix yaln Samuel smasnil tas 'ix alx chi 'a 'a, may tas 'ix sc'ub'j can 'eli. Yuj cha, xyaln Elí 'ixtc 'a 'a: —Atn ton wal Jehová 'ix alni, sb'o cab' 'icha tas tznib'ej, xchi.