Santiago 4:2 - Chuj San Sebastian Bible

² Tze nib'j 'och junc tas, palta matz 'ajx 'ayex. Yuj cha, tecn 'ayx 'oj e mil cham junc xo 'anma'. Caw 'aych e nab'en e nib'n 'och jun tzo'n̈ maysch'olnil, palta matz eyac' ganar yajx 'ayex. Yuj cha, tzlaj ex 'och 'ajc'ojlal 'ayex, tzlaj eya'nc owal. Matz 'ajx 'ayex, yujto matz e c'an 'a Dios.

Chuj San Mateo Bible

² Tze nib'ejoch junoc tasi, palta max ac'jilaj d'ayex. Yuj chi', ayex tze nib'ej tze milcham junoc anima. Ayoch e pensar e nib'anoch junoc tasi, palta max eyac'laj ganar yac'ji d'ayex. Yuj chi', tzeyajc'olej e b'a eyac'an oval. Max ac'jilaj d'ayex yujto max e c'anlaj d'a Dios.

Santiago 4:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:6

—Tzin cusi yujto ma'ix yac' win Nabot 'aj Jezreel jab' slum 'ayin, xchi winac.

Pr 1:19

A eb' 'elc'um, 'ay jun c'ual 'oj cham eb'; 'ixta 'oj 'aj pax scham eb' tznib'j 'och sb'a ricoal yuj tas maysch'olnil tzb'o'o.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Is 7:12

Xta'w Acaz 'ix yalni: Ma'ay, an tic ma'oj stac' wa'lni prowal Jehová yic tzin c'ann wil junc senya chi 'a 'a, xchi winac.

Habacuc 2:5

A eb' 'anma tz'u'w 'an̈, caw wal tzb'an̈ sb'a eb' yuj te 'an̈ cha. Matz 'och wan eb' sayn 'ec' tas tznib'ej. Lajn wal eb' 'icha lum jul 'aj tzmucx eb' 'anma tzchami, may tz'aj sb'ut'j lum jul chi yuj eb' tzcham cha. 'Ixta pax eb' caldeo tzlaj macnc 'ec' eb' lum nacion̈ yico'oc.

Jn 16:24

Ax ticnec, mant 'a tas tze c'an 'a Dios 'a in b'i. C'anec, ax e chani. 'Oj 'ajxoc 'ayex, sec 'oj tz'acwc e tzaljc'ojlal.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

Santiago 5:6

Caw tzeya'ch yailal 'a yib'n̈ eb' tojl sb'eyb'al. 'Ay pax eb' tze mil chamoc. Palta toxn matz pac sb'a eb' 'ayex.

1 Jn 3:15

Toto tzon̈ chichnec 'och 'a junc quit creyenteal, ax 'a sat Dios, milm on̈c cham 'anma'. Palta cojquec, may junc milm cham 'anma 'ay sq'uinl 'a jun 'ejmn̈ej.