Santiago 3:8 - Chuj San Sebastian Bible

⁸ Palta may junc mach tztac' syamn 'och wan sti yaln maysch'olnil. A qui ti'ec, caw maysch'olnil, matz tac' stenchx 'och wa'an. Caw lajn 'icha junc chan 'ay svenenoal sti', tzcham 'anma yu'uj.

Chuj San Mateo Bible

⁸ A on̈ xo anima on̈ tic, malaj junoc on̈ syal co c'ayb'an co ti' calanel vach'il. A tas syal jun co ti' tic, te chuc, max yal co yamanoch vaan. Lajan icha junoc noc' chan te ay svenenoal scham anima yuuj.

Santiago 3:8 ပူးပေါင်းရင်းမြစ်များ

Salmos 140:3

A spaxti eb', lajn wal 'icha sti no chan, lajn pax 'icha svenenoal sti no q'uex.

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Salmos 58:4

Lajn eb' yet' no chan 'ay svenenoal. Lajn eb' 'icha no niwc chan matz maclni yab'i'.

Pr 17:20

Toto maysch'olnil qui nab'enec, may b'a'n̈ xon 'oj quilc wach'il; toto tzon̈ paxtinec 'a chab'satil, 'oj jawc yailal 'a quib'n̈ec.

Ec 10:11

¿Tas to yopiso eb' cob' jeln smontn no chan, toto tox xchix eb' yuj no'?

Ro 3:13

'Icha 'aj mucb'il junc chamnc 'anma', tzjacw paxi caw tu sjab', 'ixta stul jun tzo'n̈ tas tzlaj yal eb'; ton̈j tzlaj yixtc paxti eb' yit 'anma'il. 'Icha svenenoal sti no chan, 'ixta stul jun tzo'n̈ tas tzlaj yal eb'.

Dt 32:33

A te 'an̈ tzb'o eb', lajn 'icha svenenoal no chan, tzcham 'anma yu'uj.

Santiago 3:6

'Icha jun c'ac' cha, 'ixta qui ti'ec. Smasnil jun tzo'n̈ maysch'olnil 'a yolyib'n̈q'uinl tic, tztac' yu'uj. A qui ti'ec, junn̈j yaj yet' qui niwnalec, palta a tz'i'n 'at qui niwnalec 'a maysch'olnil. Caw tzyij cot cusc'ojlal 'a quib'n̈ec 'a smasnil tiempo. Yujto a jun tzo'n̈ maysch'olnil tzyal qui ti'ec, a 'a infierno tzcoti.

Santiago 3:7

A junjn c'aj no noc', no ch'ic, no chan, no chay, yet' e no chan̈e yoc, tzca'c ganar qui yamnec e no'. Yet' 'a pecti', ya'jnac ganar eb' 'anma syamn e no'.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.