Santiago 3:5 - Chuj San Sebastian Bible

⁵ An̈jtona', 'ixta pax qui ti'ec. Jab' wali, palta til wal tzann̈j tas tztac' yu'uj. Q'uinloc 'ay jac snich c'ac' ticnec, tz'elcn 'a junc tzalan. Wach'xam caw jab', palta til wal tas tz'a yu'uj.

Chuj San Mateo Bible

⁵ An̈ejtona', icha pax chi' co ti' tic. Jab' tzin, palta tzijtum tas syal yuuj. Q'uinaloc ay junoc namix c'ac' tz'emcan d'a caltac te', man̈xo jantacoc vayumtac stz'ab'at yuuj.

Santiago 3:5 ပူးပေါင်းရင်းမြစ်များ

Job 22:17

Xlaj yal eb' 'ixtc 'a Dios tztac' yuj smasnil: Man̈ on̈ a tzuntzoc, toc 'ay tas 'oj ec' 'a qui patquil on̈, xchi eb'.

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Salmos 17:10

Yujto matz 'o'ch sc'ojl eb' 'a yit 'anma'il, niwc winc tzyutj paxtinc sb'a eb'.

Salmos 39:1

An tic, tox xwala to tzin tan̈wj in b'a yet' in b'eyb'al, sec wach' matz 'och in mul yuj tas tzwala. 'Oj in tan̈wc in b'a 'a tas tzwala, ya' sb'a 'ayc' eb' 'anma tu sb'eyb'al 'a wojltac.

Ex 15:9

'Ix yaln eb' 'ajc'ojl chi 'ixtic: 'Oj cochc tza'n yuj eb' israel cha, masnto 'oj yamchjoc eb' cujec. 'Oj qui'c 'ec' smasnil tas 'ay 'a eb', ax qui pojnec 'eq'ui. 'Oj qui'cq'uet qui espada 'a yol yatut, ax qui tzu'nec cham can eb'. 'Ixta to b'i'an, ax sb'o wal qui c'ojlec, xchi eb'.

Ex 5:2

'Ix ta'w win rey chi 'a eb' 'ixtic: —¿Mach jun Jehová tzeyal cha? Alc jac wab'i', sec 'oj in yiclc tas 'oj yala', ax ex in chan 'ati. An tic man̈ wojcoc xon jun Jehová tzeyal cha. Yuj cha, toc 'ayx wan ex in chan 'ati, xchi winac.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Pr 15:2

A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.

Pr 18:21

A qui paxti'ec, tztac' yi'n cot chamel mto q'uinl 'a quib'n̈ec, yuj cha, wach' tzcham wal qui nanec tas tzcala, sec wach' tzon̈ 'elc c'ochi.

Pr 26:20

Toto may te c'atzitz, tztupl te c'ac', 'ixta pax 'a yic may alj peclal, may owal.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Santiago 3:4

Q'uinloc 'ay junc barco caw niwquil, tz'at yuj junc 'ic' caw ow. Palta yujn̈ej jab' sch'umlab'il chi tzch'um win 'et'jnac cha, tz'atn̈j 'a 'ajtil tznib'j win tzyij 'ati.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.