Santiago 2:5 - Chuj San Sebastian Bible

⁵ Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Chuj San Mateo Bible

⁵ Ex xajanab'il vuuj, ab'ec. A eb' meb'a' d'a yol sat eb' ay d'a yolyib'an̈q'uinal tic, aton eb' ix sic'jielta yuj Dios yic vach' syac'och Dios eb' d'a sc'ool. A eb' chi', ichato b'eyum eb' d'a yichan̈ Dios chi', yujto ol scha smacb'en eb' b'aj ayoch Dios yajalil, aton jun ix yalcani to ol yac' d'a eb' xajanani.

Santiago 2:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:28

'Ix yalnto can win Micaías jab'x 'a win rey 'ixtic: Toto tzach meltzj 'a tzaljc'ojlal, to 'ixta', man̈oc Jehová xpaxtin 'ayn tzyal cha. Ex wit chon̈ab', tzcham e cuyn jun tic, xchi Micaías.

Job 34:10

Palta ax 'ay e nab'en tic, chajec eyab' tas 'oj wala'. A Dios tztac' yuj smasnil, tecn may 'aj tzb'o tas man̈ tojloc.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Job 38:14

Yuj sacq'uinl cha, tzcheclji tas yilx sat lum lu'um; yajn̈ej tzjelmj yilx 'icha tz'ajcn 'ejm stintail junc seyo, mto 'icha stz'ib'quintacl yilx junc pichul.

Ex 20:6

Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb' yet' yin̈tl b'aq'uin̈.

Pr 13:7

'Ay eb' may xon jac tas 'ay 'a 'a, palta 'icha xo rico tzyutj sb'a eb'; 'ay pax eb' til wal tas 'ay 'a 'a, 'icha pax meb'a tzyutj sb'a eb'.

Pr 7:24

Yuj chi ach wunnal, 'ab' wal jun tzo'n̈ nab'en 'oj wala', maclj wal ab' in paxti'.

Pr 8:32

A ticnec ex wunnal, 'ab'c wal tas 'oj alxoc 'ayex, b'eylb'ejc jelnal sec 'ayn̈j e tzaljc'ojlal.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Zacarías 11:11

Atn 'a yic jun c'ul cha, xlajw can jun trato cha, ax eb' manm calnelu cha, wan in sb'eyc'ojlan eb'. Xnachj 'el yuj eb' chajtlto a Jehová tzaln jun tzo'n̈ wan in b'on cha.

Zacarías 11:7

Xlajw cha, in 'och yilmalc e no calnelu to jab'xoj smilx cham cha. A eb' manm calnelu cha, a eb' tz'a'n in tojol. 'Ix in sayn chab' in c'ococh: A jun te', 'ix wac' scuch Wach'c'ojlal; ax jun xo, 'ix wac' scuch Junn̈j yaji.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mr 7:14

Xlajw cha, 'ix yawtn cot Jesús eb' 'anma chi jun 'ejm xo, 'ix yaln 'a eb' 'ixtic: —'Ab'xnan̈c 'ayn e masnil, nachj cab' 'el eyu'uj tas 'oj wala'.

Lc 12:21

'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Lc 16:22

A yic xjaw sc'ul scham win meb'a cha, ax eb' ángel xwul 'i'nc spixan. 'Ix c'och yet' Abraham 'a jun paraíso sb'i. An̈jtona', xjaw pax sc'ul scham win rico cha, 'ix mucxi.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Lc 22:29

Yuj cha, 'oj ex wa'ch yajlil, 'icha in 'aj woch yajlil yuj qui Mam Dios.

Lc 6:20

Ax Jesús, 'ix 'ec' q'uel-loc 'a eb' scuywum, 'ix yaln 'a eb' 'ixtic: —Ax meb'a ex, caw wach' eyico', yujto 'ayx 'och 'a yol sc'ab' Dios.

Jn 7:48

¿Tom 'ay junc eb' cajlilec tic tzya'ch sc'ojl 'a winac? An̈jtona', an̈ fariseo on̈ tic on̈, may pax junc on̈ tzca'ch qui c'ojl 'a win on̈.

A Tas Sc'ulejnac Eb' Schecab' Jesús Hechos 7:2

Yuj cha, 'ix yaln Esteban chi 'ixtic: —Ex wit chon̈ab', ex 'ichmtac winac, 'ab'ec. A Dios, caw niwn yel'chi. Sch'oxjnac sb'a 'a qui mam quichmec Abraham, yic 'ayc' 'a yol yic Mesopotamia, yic mantzac c'och cajn 'a chon̈b' Harán.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

1 Co 2:9

Palta tzyal 'ixtc 'a Ch'an̈ U'un̈: 'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.

2 Co 4:15

Smasnil jun tzo'n̈ xwal tic, eyu'uj tz'ajx 'och 'a quib'n̈ on̈. 'Ixta tzon̈ 'aj on̈, sec niwn mach tzchan swach'c'ojlal Dios. An̈jtona', niwn mach tzyac' yuj diosal 'a 'a. 'Ixta 'oj 'aj scheclj 'eli, to niwn swach'il.

2 Co 6:10

Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

2 Ts 1:5

'Ixta tz'aj scheclj 'eli, to caw tojl tzyutj Dios on̈ sb'eyc'ojlanec. Yujto tzyal eyu'uj, to smoj 'oj e c'och 'a yol sc'ab'. Yujn̈ej Dios, wan eyab'n syal ta'.

1 Ti 6:18

Yowlal wach' tzyutj eb' sb'eyb'al, til wal jun tzo'n̈ tas wach' tzb'o eb'. Yowlal tzcolwj eb' 'a eb' meb'a', tzsiyn eb' tastc 'ay 'a 'a.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

A Ch'an̈ Carta D'a Eb' Hebreo 11:26

'Ix snan paxi, to wach' tzyab' syal sb'uchx yuj Cristo, atn jun 'oj jawoc, palta caw wach' yico'. Jantcn̈ej jun tzo'n̈ ricoal yic Egipto cha, may yel'ch 'a sat, yujto ya'jnac 'at snab'en 'a jun spac 'oj yac' Dios 'a 'a.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 1:16

Ex wu'tac, ex wanab', chamc'ojlb'ilx wu'uj. Caw man̈ e cha 'ixtxoc paxti e b'a.

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Santiago 1:9

Ax xo ex meb'a', tzaljan̈ec, yujto niwn eyel'ch 'a sat Dios.

A Sb'ab'el Carta San Pedro 1:4

Yujto a Dios 'oj 'a'nc jun qui maclec, atn jun molb'il yuj 'a satcha'an̈. 'Ayc'n̈ej 'a jun 'ejmn̈ej, matz juwi, matz 'ixtxi.

A Schab'il Carta San Pedro 1:11

Toto 'ixta', caw yelc'ojlal 'oj qui chaxec 'och 'a yol sc'ab' Cajlil Jesucristo, atn qui Colmalec. Ata 'oj qui canc 'a jun 'ejmn̈ej.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.

Jueces 9:7

A yic xyab'n win Jotam yab'xil jun cha, 'ix 'at 'a stzalnil yich lum witz Gerizim, axta caw 'ip 'ix 'awj 'emta, sec tzyab' eb' 'anma chi smasnil, xyaln 'a eb' 'ixtic: —Ex 'aj Siquem, macljec eyab' jun 'ab'x tic 'oj wala'. Ax yab'n pax Dios tas 'oj eyal 'a 'a.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.