Santiago 2:25 - Chuj San Sebastian Bible

²⁵ 'Ixta pax jun 'ix Rahab sb'i 'a pecti', atn jun 'ix 'ajmul 'ix. Ya'jnac 'ix sposada eb' schecb' eb' quit israelec. Xlajw cha, schecn pax 'at 'ix eb' 'a junx b'e, sec matz yamchj eb'. Yuj wal tas sb'ojnac 'ix cha, yoch 'ix wach'l 'a sat Dios.

Chuj San Mateo Bible

²⁵ Icha pax chi' ajnac jun ix ajmul ix scuch Rahab d'a peca'. Yac'nac sposado eb' vin̈ schecab' israel ix. Slajvi chi' schecannac meltzaj eb' vin̈ ix d'a junxo b'e, yic max yamchaj eb' vin̈. Yuj svach'il yutejnac sb'a ix chi' d'a eb' vin̈, aljinac ix vach'il yuj Dios.

Santiago 2:25 ပူးပေါင်းရင်းမြစ်များ

Mt 1:5

A Salmón a 'ay yunnal Booz, Rahab sb'i snun Booz cha. Ax Booz a 'ay yunnal Obed, Rut sb'i snun Obed cha. A Obed a 'ay yunnal Isaí.

Mt 21:31

A ticnec, tzin c'anb'j 'ayex, ¿mach junc eb' 'unnab'il chi tzyiclni 'icha tznib'j smam cha? xchi Jesús 'a ewinac. —Atn win b'ab'l 'unn chi tzyiclni 'icha tznib'j smam cha, xchi ewinac. Yuj cha, xyaln pax Jesús 'ixtc 'a ewinac: —Wal yel tzwal 'ayex, toto 'ayx 'oj eyoch 'a yol sc'ab' Dios, a wal eb' tecm 'el tumin, yet' eb' 'ix 'ajmul 'ix, 'oj b'ab'l 'och eb' 'ayex.

A Tas Sc'ulejnac Eb' Schecab' Jesús Hechos 17:7

Ax win Jasón tic, xchaj 'och win eb' 'a yol yatut. A eb' tic smasnil, toxn matz yiclj eb' sley win yajl 'a Roma, yujto tzyal eb' to 'ay junx rey, Jesús ab' sb'i, xchi ewin 'a eb' yajl cha.

A Ch'an̈ Carta D'a Eb' Hebreo 11:31

Ax jun 'ix Rahab sb'i, caw 'ajmul 'ix, palta ya'jnac 'och 'ix Dios 'a sc'ojol. Yuj cha, ma'ix cham 'ix yet' eb' man̈ yiclumoc yutjnac sb'a, yujto wach' yutjnac 'ix schan eb' israel xit' 'iljnac tas yaj jun chon̈b' cha.

Santiago 2:18

Palta tecn 'ay mach 'oj alnc 'ixtic: Ach tic cojn tza'ch Dios 'a a c'ojol, an xo pax tic, a tas wach' 'a tzin b'o'o, 'oj schioc. Palta an tzwala, may mach tztac' sch'oxni, chajtlto yel tzya'ch sc'ojl 'a Dios, toto man̈ wach'c tzyutj sb'a. Palta 'ay pax eb', yujn̈ej wach' tzyutj sb'a eb', tzch'oxn 'el eb', to yel 'aych sc'ojl eb' 'a Dios.

Santiago 2:22

Nachj cab' 'el eyu'uj, chajtlto yujn̈ej to ya'jnac 'och Dios 'a sc'ojol, tztac' sb'on jun chi 'ixta'. At yic sb'on jun cha, xcheclj 'eli, chajtlto caw yel 'aych sc'ojl 'a Dios.

Santiago 2:24

Yuj cha, nachj cab' 'el eyu'uj, to man̈ cojnoc yuj tzca'c 'och qui c'ojl 'a Dios wach'n̈ec 'a sat, palta yuj pax tas wach' tz'el qui b'onec yuj cha, wach'n̈ec 'a sat.

Josué 2:1

A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.

Josué 2:15

A 'ix Rahab cha, a 'a yib'n̈ smuroal jun chon̈b' cha, ata b'ob'il q'ue jun n̈a 'aj cajn 'ix; yuj cha, ax 'a swentnual jun n̈a cha, ata xya'l 'ix ewinac. 'Ix 'emt t'un̈n̈oc ewin 'a spatc 'el jun chon̈b' chi yuj 'ix 'a jun lasu.

Josué 2:16

A yic mantzac 'emt ewinac, xyaln 'ix 'a ewin 'ixtic: —'Ixquec 'a lum calcte 'a jolmctac witz cha, sec ma'oj eyilchj yuj eb' tzex sayn 'ec' cha. Ata tze c'ub'j 'el e b'a 'oxe'oc c'ual, masnto tzjapx can ewin 'a chon̈b' tic, 'ixta to b'i'an, tzex paxx 'a e b'e cha, xchi 'ix.

Josué 2:4

Yuj cha, xyaln 'ix 'ixtic: —Yel toni 'ix jaw ewin 'a watut tic, palta man̈ wojcoc 'aj xcot ewinac.

Josué 2:6

Ticni a 'ix xchecn q'ue ewin 'a yib'n̈ span̈nil yatut, axta sc'ub'j 'el sb'a ewin 'a scal jun tzo'n̈ te lino syuchn̈il yaj sjalxi, to ata tztacj eb' te'.

Josué 6:17

Tox 'ix yala to tzsatl jun chon̈b' tic yet' smasnil 'anma cajn 'a 'a. Cojxn 'ix Rahab, 'ix 'ajmul 'ix, cojxn 'ix 'oj colchjoc can 'el yet' eb' xc'och scol sb'a 'a yatut 'ix, yujto a 'ix xc'ub'n 'el eb' 'ilwjum qui checjnaquec coti.